Yohanɛsɛ 21:17 - ONUGBÙ NYƐNYÃ VUVƆ

¹⁷ Butramɛ aza ɖɔ tsre asɛ, “Simɔnɛ Yohanɛsɛ yɛ eyi, ɔdɛmɛ mɛ bui xã?” Kɛ puɛ Petro alasɛ butramɛ nyɔ na gɛ Yesu ebisi yɛ bui nɛ sɛ, “Ɔdɛmɛ mɛ bui?” Aɖɔ sɛ, “Apalete, ɔnyi ebui nɛ petee; onyi sɛ ɛdɛmɛ wɔɛ bui.” Yesu aɖɔ sɛ “Kɔ mɛ ibhoshi nɛ kɛdɔŋɛŋa.

Yohanɛsɛ 21:17 ပူးပေါင်းရင်းမြစ်များ

Mateo 25:40

“Ekusi nɛ ebe bui lɛ nu asɛ, ‘Ítsre nɔ kɛgba sɛ, kɛdɔnyɛdɔ nɔ bhɛtɛ kɔ anɔ bhli kanyaka nɛ madzyalɛa nɛ mɛ, mɛ nɔ bhɛtɛ kɔ.’

Marko 14:72

Ɔklɛ nɛ ko klɛ ɔkukɔ ɔzɔ bɔ bubhla. Ɔkɛlɛ Petro abaka Yesu ebui nɛ gɛ aɖɔ tsre yɛ asɛ, “Flogo tɛ ɔkukɔ ɔbɔ bɔ abɔ tabha nɛɛ obɔ dɛada ada tata sɛ oti nyi mɛ.” Klɛ Petro ezhidɔ nɛ iyuyo.

Yohanɛsɛ 12:8

Kibenyɛbe kitsyutsyuikpɛ̃ ba za wunɔ ɛshi, pɔ nɔ tɛ bɔ mɔ mɛ Kibenyɛbe.”

Yohanɛsɛ 13:38

Ɔkɛlɛ Yesu ebuilɛnu sɛ, “Ɔbɔ yɛkɔ wɔ kpã kɔ kɛgbɛagba nɛ mɛ tɔkpu? Itsre wɔ gbɛagba, flogo tɛ ɔkukɔ bɔ bɔ, ɔbɔ daɛda nɛmɛ shu ada tata!

Yohanɛsɛ 14:15

“Onugɛ nɔ dɛmɛnɔ nɛ mɛ, nɔ bɔ bhɛtɛ ɔtrɔ mɛ ɛshã nɛabha.

Yohanɛsɛ 15:10

Onugɛ nɔ bhɛtɛ trɔ mɛ ɛshã nɛabha, nɔ bɔ wɔ mɛ tɛdɛdɛmɛnɔ mɛ, anasɛ gɛ ɛbhɛtɛ trɔ mɛ Aka nɛ ɛshã nɛabha klɛ ɛwɔ́ yɛ tɛdɛdɛmɛnɔ mɛ.

Yohanɛsɛ 16:30

Ɔtsɔnɛ bu ba mɔ sɛ onyi ebuia nɛ petee klɛ so kɛ ma sɛ tɛ anɔnyanɔ ebisi wɔ kɛbuinyɛbui. Kɛnɛ kɔ lɔ sɛ bɔ yɛkɛŋa sɛ ode Kpaya kɔ.”

Yohanɛsɛ 18:27

Petro aza da kada, nɛ ɔkɛlɔlɛ ɛkukɔ tenɛ bɔ.

Yohanɛsɛ 18:4

Yesu eti ebui petee gɛ laba ba yɛabha, kɛlɛso avɛ ede bisi balɛ asɛ, “Ane nɔ pɛɛ?”

Yohanɛsɛ 21:18

Itsre wɔ bui gbɛagba sɛ kɛbelɛlɛ nɛ gɛ odzi anuvɔ, wɔnahwɛ onyumu kɛdɔ klɛ okoeyi ɔvɛ ɔkɛlɛ gɛ ɔpɛɛ, pɔ kibenɔ gɛ obo she obɔ bu wɔ ɛhwɛ klɛ anɔ bhlatɔ abe nyumu kɛdɔ kɔ wɔ klɛ aba gbanɛ wɔ avɛnɔ ɔkɛlɛ gɛ ɔdɛ pɛɛ sɛ tɛ ɔvɛ.”

Yohanɛsɛ 4:16

Yesu etsre yɛ asɛ, “Vɛ, odo klu wɔenyine tɛ otsodzi ɔba.”

Axwɛwɛwa 1:24

Kɛlɛ be klukpaya sɛ, “Apalete, wɔ onyi anɔnyanɔ idzyim. Kasɛ lɔ anɔɔ nɛ gɛ yɛ obu nɛ banɔ tɛabha nɛ kishi

Axwɛwɛwa 11:10

Kibui nɛ ba kɛlɛm aba tata, klɛ kɛdɔ nɛ tsodzi shɛ vɛ owũsise.

Axwɛwɛwa 15:8

Kpaya, gɛ enyi idzyi mɛ, nɛ ebu akasɛ asɛ ayɛkɛ balɛ aganɔ Ɔfufɔɛ Dzyɔgo nɛ tɛyɛyɛkɔ kɔalɛ mɛ, ansɛ gɛ abhɛtɛ akɔ lɔ.

2 Kɔrintioanɛ 1:12

Ɔtsɔ̃nɛ kɛnɛ kɛlɛ nu bulɔ ishufifeke: Bulɔ tɔkpuimɛ tsre lɔ sɛ bu nyɛna shu nɛ kanɔ nɛ mɛ, klɛ ɔyɛkɔdɛana terikpo bhɛbhɛtɛ nɛ nɔ, nɛ tɛbhubhui anɛ kibui gbɛgbla bhɛbhɛtɛ gɛ kide Kpaya kɔ. Bu bhɛtɛ kibui nɛ ana ganɛ nɛ kanɔmɛ kibuinyinyi shu pɔ nɛ Kpaya kɛdɔkukɔ shu.

Efesoanɛ 4:30

Nɔtɛ bhɛtɛ kɛdɔ gɛ kɛba puɛ Kpaya Ɔfufɔɛ dzyɔgo, ɔlɛ laba kɔ kpɛ nɔ susu nɛ kiwui nɛabha gɛ ba bebhui nɔ yɛkɛ.

1 Petro 1:6

Nɛ kɛnɛ nɛ mɛ nɔ mɔ same gbɛgbla, nɛlɛmɛ ɔtsɔ̃nɛ kɔ kibe bhliyi nɔ tɛ mɔ butɔ gelee edidedi nɛ̀ tɛfifekedi mɛ.

2 Petro 3:1

Ɛbhɛya mumɔa, kanɛ kalɛ nu mɛ keplukpa bhla kɔ nɔ ɔtsyɔ. Ɛŋlɔmɛ edi tabha kɔ nɔ anasɛ kibui bɛbaka tɛ kɛhwanɛ nɔ kɔ kɛtɔkpu mɛ bhɛbhɛtɛ mɔmɔ.

Tɛbubukasɛ 2:23

Ɛba husi yɛeyialɛ nɛ yi. Kɛlɛ basɔlɛha nɛ petee be be ti asɛ mɛ nu agɛ yɛ edi idzyi anɛ atɔkpu mɛ, klɛ ɛba buya kɛbhɛ kɔ anɔnyanɔ nɛ yɛ tɛbhɛbhɛtɛ nɛ nu.

Tɛbubukasɛ 3:19

Bagɛ balɛ bui mɛ dɛmɛ ɛkpa lɛ klɛ ɛbubɔalɛ. So yɛkɔ trɔ shu, tɛ otsyina kitem.