Yohanɛsɛ 21:12 - ONUGBÙ NYƐNYÃ VUVƆ

¹² Yesu ɛtsre alɛ se, “Nɔ ba tɛ bu ŋa kevlɔɛ dɔ.” Badɔkpasɛ kanyãka edi bisi yɛ asɛ, “An wɔ onu?” Be ti asɛ Apalete.

Yohanɛsɛ 21:12 ပူးပေါင်းရင်းမြစ်များ

Mateo 22:46

Anɔnyanɔ ada na kibuinyɛbui ɖɔ ayɛkɔ ebu yɛ bui nɛ nu, klɛ denɔ kiwi lɛ nɛ vɛnɔ anɔnyanɔ adɛ bhɛtɛ edi asɛ eze be bisi yɛ ebuinyɛbui ɔdɛ kana.

Marko 9:32

Pɔ be di nu kibui nɔ nɛ gɛ aɖɔ nɛ kesi, klɛ kifu kua lɛ sɛ tɛ be bisi klɛ kesi enu.

Luka 9:45

Pɔ be di nu lɛesi kɛdɔnɔ gɛ kibuinɛ kasɛ. Kɛ kpu kɔ alɛ, sɛ tɛ ba tɛ ba tɛ nyɛna lɛ evunɔ, klɛ kɛfu ku alɛ sɛ tɛ bebisi kɛlɛesi nu.

Yohanɛsɛ 16:19

Yesu amɔ sɛ bapɛɛ asɛ tɛ be bisi yɛ kɛbui nɛ gɛ aɖɔ nɛesi, so aɖɔ tsre alɛ sɛ, “Nɔ bisi ɛhaglɔ ɛbui nɛesi gɛ ɛɖɔ, ‘Nɛ kɛbe bhliyi nɔ tɛ bɔmɔ mɛ, klɛ kɛlɛede bhliyi ko nɔ bɔ mɔ mɛ’?

Yohanɛsɛ 21:11

Simɔnɛ Petro ewuku opupu nɛ mɛ klɛ ehe dzikle nɛ kɛdzya nɛ amɛna kigbigbe nɛa bha. Eyuku nɛ kenimɛadzya gbla, kɛfɔɛfɔ nɛ afeti nɛ tɛata, pɔ nɛ adzya geleea nɛ tsyɛ dzikle nɛ adɛ tsyɔɛ̃.

Yohanɛsɛ 21:15

Gɛ ba ŋa kedɔ nɛ beke, Yesu ebisi Simɔnɛ Petro asɛ, “Simɔnɛ Yohanɛsɛ yɛ eyi, ɔdɛmɛ mɛ bui dɛa na?” Asɛ “Ee, Apalete, onyi sɛ ɛdɛmɛ wɔɛ bui.” Yesu ɛtsre yɛ asɛ, “Nyunɔ mɛ ibhoshieyi.”

Yohanɛsɛ 4:27

Kibe dɛdze yɛ badɔkpasɛ be tsodzi avɛ yɛ ɔbha, klɛ kɛbhɛtɛ alɛ bi sɛ ba mɔ yɛ aɖɔɛaɖɔ nɛ adzɛ. Pɔ anɔnyanɔ edi bisi asɛ, “Kide wɔ pɛɛ?” pɛnɔ “Kideso gɛ ɔɖɔaɖɔ nɛ yɛ?”

Axwɛwɛwa 10:41

Banɔ nɛ peteea dɛ mɔɛ, pɔ bagɛ Kpaya atɛ bhɛtɛ sɛ bamɔ klɛ ɔdzyɔkɔ na mɔɛ—nɛ blɔ bagɛ ŋa pɛ bu wɛ̃ nɛ yɛ nɛ gɛ anyɛmɛ denɔ bekpum nɛe de.