Yohanɛsɛ 2:23 - ONUGBÙ NYƐNYÃ VUVƆ

²³ Ɔtsyɔnɛ kibelɛlɛ gɛ Yesu aza Yerusalɛm nɛ́ Tɛfefla kiwuiŋɛŋa nɛabhaa, banɔ gelee ba mɔ ebuiyinanɔ dɔmumɔ gɛ abhɛtɛ klɛ ba yɛkɛ yɛ nyi nɛabhaŋa.

Yohanɛsɛ 2:23 ပူးပေါင်းရင်းမြစ်များ

Luka 8:13

Eyi gɛ adɔ aklagbu nɛabha alɛ nu ba gɛ bayɛkɛ bui nɛ same kɛbelɛlɛ gɛ be nu lɛ, pɔ kɛ dɛkpɛ ɛgu. Ba yɛkɛŋa kɛ be, pɔ tɛfifekedi ba ko, ba wɔlɛ ekoeyi.

Yohanɛsɛ 11:45

Kɛlɛso Yuɖanɛ gelee gɛ ba ba sɛ tɛ ba da sɛnɛ Maria, gɛ ba mɔ kɛdɔ nɛ gɛ Yesu abhɛtɛ, ba yɛkɛ yɛ abhaŋa.

Yohanɛsɛ 2:11

Kɛnɛ, kɛlɛ nu yɛ kɛbuiyiyinɔanɔ tɛtɔpu gɛ Yesu abhɛtɛ, nɛ Kana nɛ Galelia. Ebu yɛ shu bhubhui akasɛ, klɛ yɛ badɔkpasɛ ba yɛkɔ balɛ tɛyɛyɛkɛŋa akpɛ yɛ mɛ.

Yohanɛsɛ 2:13

Gɛ kibe nɛ na kɔ Yuɖanɛ nɛ Tɛfɛflɛwi, Yesu ewu avɛ Yerusalɛm.

Yohanɛsɛ 3:2

Aba Yesu ɔbha elishi teli klɛ aɖɔ sɛ, “Rabbi, bunyi sɛ wɔnu adɔkasɛ gɛ ede Kpaya kɔ. Alasɛ anɔnyanɔ atɛ bana ebuiyinɔanɔ kɛdɔmumɔ nɛ gɛ ɔbhɛtɛ nɛ abhɛtɛ, onugɛ Kpaya ama plɛnɔ yɛ.”

Yohanɛsɛ 4:45

Gɛ edeku Galelia, Galelianɛ ba yɛkɛ yɛ mɔmɔ. Ba mɔ kɛdɔ nɛ petee gɛ ahbɛtɛ nɛ Yerusalɛm nɛ Tɛfɛfla Kiwuiŋɛŋa nɛabha alasɛ balɛ tsyɛ ba za ɔkɛlɛ.

Yohanɛsɛ 5:36

“Ɛyɛkɛ kibuiɖɛɖɔ gɛ kɛlupudɛ Yohanɛsɛ yɛ. Alasɛ kɛxwɛ nɛ tututu gɛ Aka nakɔ mɛ sɛ tɛ ɛwa beke, klɛ mɛ ɛwa, kɛkasɛ sɛ Aka nɛ yɛ akpɛ mɛ.

Yohanɛsɛ 6:14

Kɛlɛe de gɛ banɔ nɛ amɔ ebui gɛ eyinɔ anɔ gɛ Yesu abhɛtɛ, betenɛ kaɖɔ ɖɔ sɛ, “Kɛgbɛagba yɛ nu Atɔnu gɛ aba ba kanɔ nɛ mɛ.”

Yohanɛsɛ 6:2

klɛ banɔɛza gbɛgbla tili tɔnɔ yɛ alasɛ ba mɔ kɛdɔmumɔ gɛyinɔanɔ gɛ abhɛtɛ nɛ ba nyɛnyɛã nɛ shu.

Yohanɛsɛ 7:31

Tsyɛ, banɔ gelee ba za yɛkɛ yɛabhaŋa. Ba ɖɔ asɛ, “Kɛbenɔ nɛgɛ Kristo aba, aba bhɛtɛ ebuiyinɔanɔ dɔ dɛ anyɛa nɛ?”

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

1 Yohanɛsɛ 3:23

Klɛ kɛnɛ kɛlɛ nu yɛ ɛshã: tɛ bu yɛkɛŋa nɛ yɛ Yi Yesu Kristo nyimɛ, klɛ tɛ budɛmɛnɔ bulɔhaglɔ anasɛ gɛ akɔ lɔ ɔshã.