Yohanɛsɛ 2:19 - ONUGBÙ NYƐNYÃ VUVƆ

¹⁹ Yesu ebuilɛnu akɔ alɛ sɛ, “Nɔ yɛ kpayavu, klɛ ɛba tsodzi feke lɛ dzu kititi nɛ ewui tata mɛ.”

Yohanɛsɛ 2:19 ပူးပေါင်းရင်းမြစ်များ

Mateo 12:40

Alasɛ kana gɛ Yona aza kɛkpãgbla nɛ ɛya mɛ ewi tata nɛ itumu tɛta, kana Anɔdzyrame Yeyi nɛ tsyɛ aba za tisim ewi tata nɛ itumu tɛta.

Mateo 16:21

Denɔ kibe lɛ nɛ mɛ Yesu etenɔ ebuie si bu kɔ yɛ badɔkpasɛ nɛ asɛ alasɛ tɛ avɛ Yerusalɛm tɛ ada tɔ nɛ ebui gelee mɛ nɛ beshishe nɛ ahwɛ mɛ, kpayaɔzakɔanɔ anɛ ɛshãdɔkasɛ, klɛ kɛ ba za sɛ tɛ be yi yɛ klɛ nɛ kiwi tramɛ ebe tsodzi anyɛmɛ aba ɛkpãm.

Mateo 27:40

“Wɔ nɛ gɛ ɔsɛ ɔbɔ yɛ busɔlɛvu, klɛ obo tsodzini bulɛ ɔbhɔ nɛ ewi tata mɛ, bu wɔshue! Zhi ɔba nɛ butsiosi nɛ shue, onu gɛ onu Kpaya yɛ Eyi!”

Mateo 27:63

Klɛ bede tsre yɛ asɛ, “Aka, ” “bu baka sɛ kibe lɛ nɛ gɛ aka lɛ nɛ ɛkpã etronia lɛlɛ na aɖɔ asɛ, ‘Nɛ ewi tata ede ɛba tsodzi lɔ.’

Marko 14:58

“Bunu gɛ aɖɔ asɛ, ‘Ɛba yɛ busɔlɛvu gɛ nɔ bhɔ nɛ ahwɛ, klɛ nɛ ewi tata mɛ, ɛba bhɔ bubhlatɔ, gɛ budɛ nu anɔdzyrame yɛ bhubhɔ.’ ”

Marko 15:29

Banɔ nɛ gɛ aba fla nɛ balɛ akulatu nɛ yɛa bha, ba hwanɔ atɔkpu atrɔ pɛ ba ɖɔ sɛ, “Klɛ so! Wɔ nɛ gɛ ɔsɛ ɔbɔ yɛ busɔlɛvu pɛ obo tsodzini ɔbhɔ nɛ ewi tata mɛ,

Marko 8:31

Ɔkɛlɛ akpa kɛdɔ kasɛ balɛ asɛ, Anɔdzyrame yɛ Eyi alasɛ tɛ atɔ nɛ ebui gelee mɛ klɛ beshishe na tɛ ba yɛkɛ yɛ, kpayaɔzakɔanɔ anɛ ɛshãdɔkasɛ, klɛ kɛba za sɛ tɛ be yi yɛ klɛ nɛ ewi tataede ebe tsodzi alɔ.

Yohanɛsɛ 11:25

Yesu etsre yɛ asɛ, “Mɛ nu bekpuimɛ alɛlɔ nɛ̀ ɛkpã. Anɔ gɛ ayɛkɛ mɛabhaŋa, aba za nɛkpã kɛlɛlɛmɛ sɛ etsi tsyɛ,

Yohanɛsɛ 5:19

Yesu akɔ alɛ kesinunuɛ nɛ sɛ “Itsrenɔ kɛgbɛagba sɛ, Eyianyɛ atɛ babhɛtɛ kɛdɛnyɛdɔ nɛ yɛnahwɛshu ahwɛ, abana abhɛtɛ kɛ gɛ ko amɔ yɛ Aka abhɛtɛ, alasɛ kɛkanyaka gɛ Aka nɛ abhɛtɛ klɛ Eyianyɛ nɛ tsyɛ abhɛtɛ.

Axwɛwɛwa 2:24

Pɔ Kpaya anyɛmɛ yɛ edenɔ butsi mɛ, klɛ ebule yɛ edenɔ butsi butɔ ahwɛmɛ, alasɛ kɛdɛ bhɛtɛ sɛ tɛ butsi nyɛna yɛ kpɛ bulɛ ahwɛmɛ.

Axwɛwɛwa 2:32

Kpaya eti feke Yesua nɛ amɛna ɛkpãm, klɛ bulɔ petee bu nu bebuimɔɖɔ kɔ kɛlɛ gba.

Axwɛwɛwa 3:15

No yi anɔ nɛ gɛ akɔ ɛkpã, pɔ Kpaya ebu yɛ edenɔ be tsitsi nɛ kishi. Bulɔ nahwɛ dzi bebuimɔɖɔ kɔɛ lɛ.

Axwɛwɛwa 3:26

Gɛ Kpaya efeke yɛ axwɛdɛ nɛ, ebhuso yɛ asɛsɛ wɔnɔ sɛ tɛ aba yula nɔ ganɔ wɔnɔ tɛ tsyitsyina anɛ wɔnɔ atɔkpum edzokpã nɛa bha.”

Axwɛwɛwa 6:14

Alasɛ bunu gɛ aɖɔ sɛ Yesu Nazarɛtɛ eyia nɛ aba yɛ ɔkɛ̃ klɛ ebe tsyina Mose begu nɛ petee gɛ ashɛ̃nahwɛ elu kɔ lɔ.”

Romanɛ 4:24

pɔ kɔ bulɔ tsyɛ, kɔ bagɛ Kpaya aba kɔ tɛnɛna nɛ tsyɛ— kɔ bulɔa gɛ bu yɛkɛ yɛa bha ŋa gɛ bu feke Yesu bulɔ Apalete nɛ ebu denɔ bekpu mɛ.

Romanɛ 6:4

Kɛlɛso ba vubɔ lɔ aplɛnɔ yɛ ganɔ bunikpɛkpɛm akpɛ butsi mɛ sɛ tɛ, ansɛ gɛ be feke Kristo ebu denɔ bekpu mɛ ganɔ Aka nɛ ishubhuibhui mɛ, bulɔ tsyɛ bu ba za nɛ ɛkpã vuvɔ.

Romanɛ 8:11

Klɛ onu gɛ agɛ ebu Yesu edenɔ bekpu mɛ nɛ Ɔfufɔɛ ɔlɛ lɛ wɔnɔ mɛ, klɛ agɛ ebu Kristo edenɔ bekpu mɛ tsyɛ aba kɔ wɔnɔ ishuidzya nɛ ɛkpã ganɔ yɛ Ɔfufɔɛ nɛ gɛ ɔlɛ nɔ mɛ.

1 Kɔrintioanɛ 15:12

Pɔ onugɛ baɖɔ sɛ ba nyɛmɛ Kristo denɔ bekpui mɛ, kɛlalɛ kideso gɛ wunɔ be teli nɔ ɖɔ sɛ be tsitsi nyɛnyɛmɛ denɔ bekpuimɛ ma?

Koloseanɛ 2:12

gɛ batɛ vubɔ nɔ nɛ̀ yɛ anɛ́ bunikpɛkpɛ mɛ klɛ ba nyɛmɛ nɔ nɛ yɛ ɔganɔ wɔnɔ tɛyɛyɛkɛŋa anɛ́ Kpaya kemi, agɛ anyɛmɛ yɛ edenɔ bekpui mɛ.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,