Yohanɛsɛ 2:11 - ONUGBÙ NYƐNYÃ VUVƆ

¹¹ Kɛnɛ, kɛlɛ nu yɛ kɛbuiyiyinɔanɔ tɛtɔpu gɛ Yesu abhɛtɛ, nɛ Kana nɛ Galelia. Ebu yɛ shu bhubhui akasɛ, klɛ yɛ badɔkpasɛ ba yɛkɔ balɛ tɛyɛyɛkɛŋa akpɛ yɛ mɛ.

Yohanɛsɛ 2:11 ပူးပေါင်းရင်းမြစ်များ

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Yohanɛsɛ 1:17

Alasɛ ba kɔ ɔshã ganɔ Mose abha, ɛyɛmɛyuyɔ anɛ̀ kɛgba nɛ ba ganɔ Yesu Kristoa bha.

Yohanɛsɛ 1:43

Kiwui bhla nɛ Yesu apɛɛ sɛ tɛ avɛ Galelia. Gɛ amɔ Filipo, aɖɔ etsre yɛ asɛ, “Za mɛede.”

Yohanɛsɛ 1:50

Yesu aɖɔ asɛ, “Nɔ yɛkɛŋa alasɛ ɛtsre wɔ sɛ, ɛmɔ wɔ nɛ kabhɔosi nɛesi. Ɔbɔ mɔ ebui gbɛgbla dɛ ana.”

Yohanɛsɛ 10:41

klɛ banɔ gelee ba ba yɛ ɔkɔ. Baɖɔ sɛ, “Kɛlɛlɛmɛ sɛ Yohanɛsɛ adɛ bhɛtɛ kɛdɔmumɔ gɛ yinɔanɔ, ebui nɛ petee gɛ Yohanɛsɛ aɖɔ denɔ anyɛ shu le nu kɛgbɛagba.”

Yohanɛsɛ 11:15

klɛ alasɛ wunɔ tɔkpu so same kumɛ sɛ ɛdɛ za ɔkɛlɛ, sɛ tɛ nɔ bɔ yɛkɛŋa. Pɔ nɔ kɔ lɔ vɛ yɛ ɔbha.”

Yohanɛsɛ 11:47

Ɔkɛlɛ kpayaɔzakɔanɔ gbla anɛ Farisianɛ be kulu kɛtɔkpu tsyɛtsya nɛ Bamani. Be bisi asɛ “Kide lɔ ba bhɛtɛ?” “Anyɛ nɛ abhɛtɛ ebuiyinɔanɔ gelee.

Yohanɛsɛ 12:18

Banɔ gelee avɛ sɛ tɛ ba da tsyanɛ yɛ alasɛ be nu sɛ abhɛtɛ kɛdɔmumɔ ebui gɛ eyinɔanɔ.

Yohanɛsɛ 12:37

Kɛlɛede Yesu abhɛtɛ kɛdɔmumɔ ebui gɛ eyinɔanɔ ba lɛ amɛ tsyɛ, ɔdɔtɔnɔ ɔtsɔ̃ nɛ ba dɛ yɛkɛ yɛ abhaŋa.

Yohanɛsɛ 12:41

Yezaya aɖɔ kibui nɛ alasɛ amɔ Yesu yɛ kabhaŋɛŋa klɛ aɖɔaɖɔ denɔ yɛ shu.

Yohanɛsɛ 14:13

Klɛ ɛba bhɛtɛ kɛdɔnyɛdɔ gɛ nɔ bisi nɛ mɛ nyi mɛ, sɛ tɛ Eyi amɛna kabhakpɛkpɛ kɔ Aka.

Yohanɛsɛ 16:27

Ao, Aka nahwɛ adɛmɛnɛ nɔ alasɛ nɔ dɛmɛnɔ nɛ mɛ klɛ nɔ yɛkɛŋa sɛ ide Kpaya kɔ.

Yohanɛsɛ 16:30

Ɔtsɔnɛ bu ba mɔ sɛ onyi ebuia nɛ petee klɛ so kɛ ma sɛ tɛ anɔnyanɔ ebisi wɔ kɛbuinyɛbui. Kɛnɛ kɔ lɔ sɛ bɔ yɛkɛŋa sɛ ode Kpaya kɔ.”

Yohanɛsɛ 2:1

Nɛ kiwui tramɛ nɛabha adzɛ gbɛgbanɔ avɛ lɛabha nɛ́ Kana nɛ́ Galelia. Yesu yɛeni aza ɔkɔlɛ,

Yohanɛsɛ 2:23

Ɔtsyɔnɛ kibelɛlɛ gɛ Yesu aza Yerusalɛm nɛ́ Tɛfefla kiwuiŋɛŋa nɛabhaa, banɔ gelee ba mɔ ebuiyinanɔ dɔmumɔ gɛ abhɛtɛ klɛ ba yɛkɛ yɛ nyi nɛabhaŋa.

Yohanɛsɛ 3:2

Aba Yesu ɔbha elishi teli klɛ aɖɔ sɛ, “Rabbi, bunyi sɛ wɔnu adɔkasɛ gɛ ede Kpaya kɔ. Alasɛ anɔnyanɔ atɛ bana ebuiyinɔanɔ kɛdɔmumɔ nɛ gɛ ɔbhɛtɛ nɛ abhɛtɛ, onugɛ Kpaya ama plɛnɔ yɛ.”

Yohanɛsɛ 4:3

Gɛ Apalete enu ebuia nɛ, ashɛ̃ nɛ Yuɖea klɛ aza etsodzi avɛ Galelia.

Yohanɛsɛ 4:46

Bubhla Yesu etsodzi avɛ Kana nɛ Galelia, ɔkɛlɛ gɛ etsyina buni budzi bulu. Klɛ ɔkɛlɛ ɔma ekusi otugbanɔ teli yɛ yi adɔ bunya nɛ Kapɛnum.

Yohanɛsɛ 4:54

Kɛnɛ kɛlɛ nu kibuiyinanɔ dɔ mumɔ bhla gɛ Yesu abhɛtɛ, gɛ ede Yuɖea aba Galelia.

Yohanɛsɛ 5:23

sɛ tɛ balɛ petee bakpɛ Eyianyɛ nɛ tɔkpu nɛabha anasɛ gɛ ba kpɛ Aka nɛ tɔkpu nɛabha. Anɔ nɛ gɛ adɛ kpɛ Eyianyɛ nɛ tɔkpu nɛabha, adɛ kpɛ Aka nɛ gɛ akpɛ yɛ kɛtɔkpu nɛabha.

Yohanɛsɛ 6:14

Kɛlɛe de gɛ banɔ nɛ amɔ ebui gɛ eyinɔ anɔ gɛ Yesu abhɛtɛ, betenɛ kaɖɔ ɖɔ sɛ, “Kɛgbɛagba yɛ nu Atɔnu gɛ aba ba kanɔ nɛ mɛ.”

Yohanɛsɛ 6:2

klɛ banɔɛza gbɛgbla tili tɔnɔ yɛ alasɛ ba mɔ kɛdɔmumɔ gɛyinɔanɔ gɛ abhɛtɛ nɛ ba nyɛnyɛã nɛ shu.

Yohanɛsɛ 6:26

Yesu ebulɛnu asɛ, “Itsre nɔ kɛgba, nɔɔ pɛɛ mɛ, ganɛ sɛ nɔ mɔ kɛdɔmumɔ gɛ yinɔanɔ so, pɔ alasɛ nɔ tã gbɛ̃gbɛ̃vu klɛ no xui so.

Yohanɛsɛ 6:30

So be bisi yɛ asɛ, “Kɛde ebui gɛ eyinɔ anɔ mumɔ ɔbɔ kɔ gɛ bu ba mɔ lɛ klɛ bu bayɛkɛ wɔabha ŋa? Kɛde wɔ bɔ bhɛtɛ?

Yohanɛsɛ 7:31

Tsyɛ, banɔ gelee ba za yɛkɛ yɛabhaŋa. Ba ɖɔ asɛ, “Kɛbenɔ nɛgɛ Kristo aba, aba bhɛtɛ ebuiyinɔanɔ dɔ dɛ anyɛa nɛ?”

Yohanɛsɛ 9:16

Farisianɛ be teli aɖɔ sɛ, “Anyɛanɛ edi de Kpaya kɔ, alasɛ ata bhɛtɛ trɔ Tɛmumonɛ wui Ɔshã nɛabha.”

2 Kɔrintioanɛ 3:18

Klɛ bulɔ bagɛ amɛ dɛdadɔ ma bulɔ petee bu mɔ Apalete nɛ kabhaŋɛŋa bulɔ amɛ letsyina kpɛ yɛ tɛzɛzɛmɛ nɛ kabhaŋɛŋa gelee-vɛabha, gɛ kɛ de Apalete nɛ mɛ, gɛ yɛ nu Ɔfufɔɛ.

2 Kɔrintioanɛ 4:17

Alasɛ bulɔ butɔ bumapu klɛ bu lɛ kplita gɛ kɛ ba mɛna lɔ kabhaŋɛŋa mabeke gɛ kɛlupudɛ alɛ petee.

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

1 Yohanɛsɛ 5:13

Ɛŋlɔmɛ ebuianɛ kɔ wunɔ agɛ nɔ yɛkɛŋa nɛ Kpaya ye Yi nɛ nyi mɛ sɛ tɛ nɔ bɔ ti sɛ ɛkpã mabeke mabeke lɛ nɔ ahwɛ.