Yohanɛsɛ 18:37 - ONUGBÙ NYƐNYÃ VUVƆ

³⁷ Pilato ebisi asɛ, “Kɛlɛso ekusi wɔ nu?” Yesu ebushunu asɛ, “Kibui gbɛagba wɔɖɔ Ɛnu ekusi. Kɛgbɛagba kɛlɛso gɛ bamɔ mɛ, nɛ kɛlɛso gɛ ɛba kanɔ nɛ mɛ, sɛ tɛ ibu kɛgbɛagba nɛ kasɛ. Anɔnyanɔ gɛ alɛ kibui gbɛagba nɛede ata mɛatɔ.”

Yohanɛsɛ 18:37 ပူးပေါင်းရင်းမြစ်များ

Mateo 26:64

Yesu ebu aɖɔ asɛ, “Ee, kɛlɛ ansɛ gɛ ɔɖɔ, pɔ itsre nɔ petee sɛ: Nɛ otugba mɛ nɔ bɔ mɔ Anɔdzyrame yɛ Eyi nɛ gɛ ezhidzi Agbɛgbladɛ nɛ kɛŋa mɛ gɛ aga ɔmunɔm aaba denɔ owũsise.”

Mateo 27:11

Nɛ kɛlɛ mɛ Yesu eli kititi nɛ ɔma ekusigbla nɛ amɛ, klɛ ebisi yɛ asɛ, “Wo nu Yuɖanɛ ekusi?” Yesu ebui lɛ nu asɛ, “Ee, kɛlɛ ansɛ gɛ ɔɖɔɛ lɛ.”

Marko 14:62

Yesu ebui lɛ bunu asɛ, “Mɛnu Kristo.” “Klɛ nɔ bɔ mɔ Anɔdzyrame yɛ Eyi nɛ gɛ ezhiedzi Agbɛgbladɛ nɛ kɛŋam gɛ aaba denɔ ɔmunɔ nɛ mɛ nɛ owũsise.”

Marko 15:2

Pilato ebisi Yesu asɛ, “Wɔ nu Yuɖanɛ ekusi dza?” Yesu asɛ, “Ee, kɛlɛ ansɛ gɛ ɔɖɔ.”

Luka 22:70

Balɛ petee be bisi asɛ, “Kpaya ye Yi wɔ nu?” Ebuilɛnu asɛ, “Kɛgbɛagba nɔ ɖɔ sɛ Mɛ nu yɛ.”

Luka 23:3

Pilato ebisi Yesu asɛ, “Wɔ nu Yuɖa nɛ ekusi?” Yesu ebushunu sɛ, “Ee, kɛlɛ anasɛ gɛ ɔɖɔ.”

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Yohanɛsɛ 1:17

Alasɛ ba kɔ ɔshã ganɔ Mose abha, ɛyɛmɛyuyɔ anɛ̀ kɛgba nɛ ba ganɔ Yesu Kristoa bha.

Yohanɛsɛ 14:6

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

Yohanɛsɛ 3:32

Yɛ aɖɔaɖɔ denɔ kɛ gɛ amɔ nɛ̀ enu, pɔ anɔnyanɔ atɛ yɛkɛ yɛ kaɖɔɖuɖɔ.

Yohanɛsɛ 7:17

Onugɛ anɔ teli apɛɛ asɛ tɛ abhɛtɛ Kpaya tɛpɛpɛɛ, aba pɛa sɛ tɛ eti asɛ mɛ̀ kɛdɔkɛkasɛ nɛ de Kpaya kɔ, pɛnɔɔ kɛ nu sɛ mɛ nahwɛ kaɖɔ mɛ ɖɔ.

Yohanɛsɛ 8:14

Yesu ebu ishu nu asɛ, “Onugɛ ɛɖɔaɖɔ nɛ mɛnahwɛ shu tsyɛ, mɛ ebuimɔɖɔ nɛ aŋa, alasɛ inyi ɔkɛlɛ gɛ ede nɛ ɔkɛlɛ gɛ ɛvɛ. Pɔ kɛma wunɔ tɔkpuimɛ ɔkɛlɛ gɛ ede nɛ ɔkɛlɛ gɛ ɛvɛ.

Yohanɛsɛ 8:45

Pɔ mɛ gɛ ɛɖɔ kibui gbɛagba, nɔ tɔ yɛkɛ mɛ abhaŋa

Yohanɛsɛ 8:46

Wunɔ mayɛ̃ teli aba na mɛ kɛpɔ bu sɛ ɛbhɛtɛ ebuizizi? Onugɛ ɛɖɔ kibui gbɛagba, kideso gɛ nɔ tɔ yɛkɛ mɛ abhaŋa?

Yohanɛsɛ 8:47

Anɔ gɛ enu Kpaya ayɛ, yɛ enu kibui gɛ Kpaya aɖɔ. Kɛ dɔnɔ so gɛ nɔ tɔ nu bui kɛlɛ nu sɛ, nɔ dɛ nu Kpaya yɛ.”

1 Timotio 6:13

Nɛ Kpaya amɛ, gɛ akɔ kɛdɔnyɛdɔ ɛkpã, klɛ nɛ Kristo Yesu shu, yɛ nɛ kibe lɛ mɛ gɛ ebu ishu nu nɛ Pɔntio Pilatio amɛ pɛ abhɛtɛ ishum dɛdanɛ dzyɔgo, ɛyɛkɔ lu wɔnɔa mɛ sɛ

1 Petro 1:22

Ɔtsɔnɛ gɛ nɔ tɛ plu shu ɔganɔ batɔ tɛta kɔ kibui gbɛagba sɛ tɛ nɔ yɛkɛ tɛdɛdɛmɛnɔ mumɔ kɔ wũnɔ adzyalɛ, tɛdɛdɛmɛnɔ nɛ ɔhaglɔ globoo, denɔ idzyi nɛ mɛ.

1 Yohanɛsɛ 2:21

Ɛtɛ́ ŋlɔmɛ kɔ nɔ alasɛ nɔ ti nyi kɛgbɛagba, pɔ alasɛ nɔ nyi lɛ klɛ alasɛ oturo oti de kɛgbɛagba mɛ.

1 Yohanɛsɛ 3:14

Bu nyi sɛ bu ga denɔ bu tsi mɛ ba ɛkpã mɛ, alasɛ bu dɛmɛnɔ nɛ bulɔ adzyalɛ. Anɔnyanɔ gɛ adɛdɛmɛnɔ nɛ yɛ ɔhaglɔɛ awɔ butsi mɛ.

1 Yohanɛsɛ 3:19

Kɛnɛ nɛede, no nu kana gɛ bu nyi sɛ kɛgbɛagba ayɛ bu nu, klɛ kana gɛ bu kɔ bulɔ idzyi emuene nɛ yɛ amɛ

1 Yohanɛsɛ 4:6

Bulɔ bu de Kpaya ɔkɔ, klɛ anɔ nɛ gɛ enyi Kpaya aba ta bulɔ atɔ, pɔ anɔ nɛ gɛ edi de Kpaya atɛ ba ta bulɔ atɔ. Kɛnɛ kɛlɛ kɔ sɛ bu ba ti Ɔfufɔɛ kɛgbɛagba anɛ̀ otro ɔfufɔɛ.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

Tɛbubukasɛ 1:4

Denɔ mɛ Yohanɛsɛ ɔkɔ, Kɔ basɔlɛha tigene nɛ Esia kɛdɔ nɛ mɛ: Ɛyamyuyɔ anɛ ishuyuyɔ kɔ nɔ denɔ agɛ yɛ alɛ, anɛ agɛ yɛ aza, nɛ agɛ yɛ aba tɛ ba nɛ ɔkɔ, anɛ denɔ ɛfufɔɛ tigene nɛ ɔkɔ nɛ yɛ kegbu nɛ amɛ,

Tɛbubukasɛ 3:14

“Kɔ kpayaxwɛdɛ anɛ busɔlɛha nɛ Laodisea: Ebui ɖuɖɔa nɛ alɛ nu Tɛlɛbɛlɛm nɛ ayɛ, tɛyɛyɛkɛŋa anɛ kɛgba ebuimɔɖɔ, agɛ yɛa ŋa Kpaya kɛdɔbhɛbhɛtɛ nɛa bha.