Yohanɛsɛ 16:33 - ONUGBÙ NYƐNYÃ VUVƆ

³³ “Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”

Yohanɛsɛ 16:33 ပူးပေါင်းရင်းမြစ်များ

Mateo 9:2

Banɔ teli be tuku anɔgbɛgba nɛ oputsoa bha ebe lu. Gɛ Yesu amɔ bagɛ ba mɛna anɔ nɛ tɛyɛyɛkɛŋa, etsre anɔgbɛgba nɛ asɛ, “Kpɛɛ te, meyi; ba yɛkɔ wɔ buzizi nɛ etsye wɔ.”

Luka 19:38

“Baba ysula kɔ ekusi gɛ aba nɛ Apalete nɛ nyimɛ!” “Ishuyuyɔ ba nɛ Yɛ ɔzakɔ klɛ nɛ otugba vɛvɛ kɔ Kpaya nɛ owũsise.”

Luka 2:14

“Ishubhubhui kɔ Kpaya nɛ kabha, klɛ nɛ kesukpa ishuyɛyɔ kɔ banɔ nɛ gɛ yɛ tɛpɛplɛnɔ lɛ kɔ.”

Yohanɛsɛ 12:31

Ɔtsɔnɛ kɛbena kɔ kebhuikuklu nɛ kanɔ, ɔtsɔnɛ ba ba kɛka ekusieyi nɛ kanɔa nɛ mɛ.

Yohanɛsɛ 14:1

Tɛ kɔ wunɔ idzyi amɔ butɔ. Nɔ yɛkɔ wunɔ idzyi ɔtrɔ Kpaya abha, tɛ nɔ yɛkɔ wunɔ idzyi ɔtrɔ mɛ tsyɛ abha.

Yohanɛsɛ 14:27

Ishuyuyɔ ilu kɔ nɔ, mɛ ishuyuyɔ mɛ ɛkɔ nɔ. Ɛdɛ kɔ nɔ anasɛ gɛ kanɔ na kɔ. Nɔ tɛ kɔ wunɔ idzyi ebhui klɛ no ti sifu.

Yohanɛsɛ 16:11

klɛ nɛ kebhuikuklu nɛ shu, alasɛ ekusieyi nɛ kanɔa nɛ mɛ ɔtsɔ̃ nɛ alɛ kɔ kɛpɔ bubu.

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

Axwɛwɛwa 23:11

Nɛ kɛlɛ elishi nɛ mɛ Apalete nɛ aza plɛnɔ Paolo klɛ etsrea sɛ, “Kpɛ kite! Anasɛ gɛ ɔtɛ ɖɔ denɔ mɛshu nɛ Yerusalɛm nɛ, kana ko alasɛ tɛ ɔɖɔ nɛ Rom tsyɛ.”

Axwɛwɛwa 27:22

Pɔ ɔtsɔ̃ nɛɛ etsre nɔ sɛ nɔ nyɛna wɔnɔ kemi kpɛkpɛ nɛm ovunɔ, alasɛ wɔnɔ mɛ anɔnyanɔ atɛ ba lɛla; keniabha opupu nɛ ko ɔlɛ obo zi.

Axwɛwɛwa 27:25

So nɛɛ, banyɛ mɔ, nɔ nyɛna wɔnɔ kemikpɛkpɛ nɛm ovunɔ, alasɛ tɛyɛyɛkɛŋa lɛ mɛ ahwɛ nɛ Kpayam sɛ kɛ ba ba kɛlɛm ansɛ gɛ etsre mɛ.

Axwɛwɛwa 9:31

Klɛ busɔlɛha nɛ Yuɖia, Galelia anɛ Samaria petee ba za ishu yuyɔm. Busɔlɛɔha nɛ ɔgɛganɛ ɔtrɔ; klɛ Ɔfufɔɛ Dzyɔgo nɛ lɔ kpɛ alɛ kemi, lo she nɛ tikpikpem, ba za nɛ kifusisim kɔ Apalete.

2 Kɔrintioanɛ 1:3

Kabhakpɛkpɛ kɔ Kpaya anɛ Aka bulɔ Apalete Yesu Kristo, eshutukubui didi Aka nɛ ɛyamyuyɔ petee Kpaya,

2 Kɔrintioanɛ 13:11

Gugɔɛ, badzya, nɔ za mɔ. Nɔ za ɛkpã dzyɔgo, nɔ nu mɛ ebui nɛ gɛ ɛkpɛ nɔ kɔ, nɔ za nɛ kɛtɔkpui mɛ terikpo, nɔ za nɛ ishuyuyɔ mɛ. Klɛ Kpaya tɛdɛdɛmɛnɔ anɛ ishuyuyɔ lɛ ba za plɛnɛ nɔ.

2 Kɔrintioanɛ 2:14

Pɔ ahwɛhuhu yɛ nu Kpaya ayɛ, gɛ agbanɔ lɔ kibenyɛbe nɛ Kristo kabhaŋɛŋa kidzogɛga mɛ klɛ ɔganɔ bulɔ abha Kristo tɛ lɛlɔ̃ huhuhu kɔ yɛ kibuititi kana ɔkɔnyɔkɔ.

2 Kɔrintioanɛ 4:7

Pɔ ehoeyi butsukpu nɛ lɛ bulɔ ahwɛ gɛ bu ba tɛ yɛkɔ kasɛ sɛ, kemi gɛ kagɛganɛ adɛ petee kede Kpaya kɔ klɛ ganɛ bulɔ kɔ ke de.

2 Kɔrintioanɛ 6:4

Kɛlɛmaza, anasɛ Kpaya axwɛdɛ bu kpɛ bulɔnahwɛ nɛ otugba nɛ kidzonyɛdzo abha, nɛ butɔɛxwɛwuwa gbɛgbla, nɛ kibuipɛpɛɛ, bugɛganɛ mɛ kpãzɛza anɛ kibuitɛtrɔ anɔabha,

2 Kɔrintioanɛ 7:4

Ɛyɛkɛ wunɔ abhaŋa gelee, ɛda trɔ wunɔ abha gelee. Idzyi alɛ mahwɛ gɛganɛ, bulɔ tɛ tɛtɔ nɛ mɛ petee mɛ same tɛ nyi bubo.

Galatianɛ 1:4

agɛ ayɛkɔ yɛnahwɛshu akɔ kɔ bulɔ ebuizizi tɔkpu sɛ tɛ ebu lɔ denɔ ɔtsɔ̃nɛ kanɔ zizia nɛ mɛ, anɛ́ bulɔ Kpaya anɛ̀ Aka nɛ́ tɛpɛpɛɛ nu,

Galatianɛ 6:14

Mɛ ɛtɛ ba fekeshu odunu sɛ bulɔ Apalete Yesu Kristo butsiosi shu, ganɔ kɛlɛ abha bakpla kanɔ le yi nɛ butsiosi shu kɔ mɛ, klɛ mɛ kɔ kanɔ.

Filipianɛ 4:7

Klɛ Kpaya ishuyuyɔ, gɛ kɛdɔfla ebuiesinunu petee, kɛ ba po wɔnɔ idzyi anɛ wɔnɔ atɔkpu mɛ nɛ́ Kristo Yesu mɛ.

Koloseanɛ 1:20

klɛ ɔganɔ yɛabha tɛ abhɛtɛ terikpo nɛ kɛdɔnyɛdɔ kɔ yɛnahwɛ, kinu kesukpa abha dɔ pɛnɔ kɛdɔ nɛ́ owũsise, gɛ kɛ bhɛtɛ ishuyuyɔ ganɔ yɛ dzyosu abha, gɛ abalɛesi nɛ́ butsiosi nɛ shu.

1 Tɛsolonianɛ 3:4

Nɛ kɛgba mɛ, gɛ bu za plɛnɔ nɔ, bu za kɛlɛa bha tsre nɔ sɛ ba ba kpatɔnɔ lɔ. Klɛ kɛ ba za na, ansɛ gɛ no nyi mɔmɔ.

1 Tɛsolonianɛ 3:7

Kɛlɛ so, badzya mɔ, nɛ bulɔ batɔ anɛ tɛkpɛkpatɔnɔ nɛ mɛɛ ba kpɛ lɔ kemi nɛ wɔnɔ shu akpɛ wɔnɔ tɛyɛyɛkɛŋa nɛ so.

2 Tɛsolonianɛ 3:16

Ɔtsɔ̃ nɛɛ, ishuyuyɔ Apalete nɛ nahwɛ akɔ nɔ ishuyuyɔ nɛ kibenyɛbe mɛ anɛ kidzonyɛdzoa bha. Apalete nɛ aza plɛnɔ nɔ petee.

2 Timotio 3:12

Nɛ kɛgbɛagba mɛ, anɔnyanɔɛ di gɛ apɛa sɛ tɛ aza kpaya tɛzɛzam nɛ Kristo Yesu mɛ ba ba kpatɔnɔ yɛ,

Hebriuanɛ 11:25

Apɛɛ asɛ tɛ amɔ butɔ nɛ Kpaya yɛ banɔ dɛ sɛ tɛ amɔ same nɛ buzizi mɛ nɛ libe kplita ko.

Hebriuanɛ 7:2

klɛ Abraham akɔ yɛ kɛdɔnyɛdɔ kapɛ tierikpo nɛ kɛfɔɛ mɛ. Tɛtɔpu, yɛ nyi nɛesi kɛlɛ dzi “adzyɔgo ekusi”, kɛlɛede tsyɛ, “Salɛm ekusi” kɛlɛesi kɛlɛ nu “ishuyuyɔ ekusi.”

1 Petro 5:9

Nɔ wlãnkɛ nɛ yɛ, nɔ za gɛganɛ nɛ́ tɛyɛyɛkɛŋa mɛ, alasɛ nɔ nyi sɛ wũnɔ badzyalɛ nɛ kanɔnɛmɛ petee ba mɔ butɔɛ nɛɛ di.

1 Yohanɛsɛ 2:13

Ɛŋlɔmɛ kɔ nɔ, baka, alasɛ nɔ tɛ ti yɛ agɛ alɛ denɔ kesikpɛkpɛ. Ɛŋlɔmɛ kɔ nɔ, banyɛnɛvɔɛ, alasɛ nɔ ŋa ezizi nɛabha. Ɛŋlɔmɛ kɔ nɔ, bunuvɔɛ mumɔa, alasɛ nɔ nyi Aka.

1 Yohanɛsɛ 4:4

Wunɔ, banuvɔ mumɔa, nɔ de Kpaya kɔ klɛ nɔ ŋa ɛlɛabha, alasɛ agɛ alɛ wunɔɛ mɛ etri adɛ ɔgɛ lɔ lɛ kanɔ nɛ mɛ.

1 Yohanɛsɛ 5:4

alasɛ anɔnyanɔ gɛ enu Kpaya ye yi aŋa kanɔ nɛabha. Kɛnɛ kɛlɛ nu kabhaŋɛŋa nɛ gɛ kaŋa kanɔ nɛabha, bulɔ tɛyɛyɛkɛŋa tsyɛ.

Tɛbubukasɛ 12:11

Ba ŋa yɛabha ganɔ Obhoshieyi nɛ dzyosu mɛ anɛ ganɔ balɛ kibui mumɔɖɔ nɛ nu; ba dɛ dɛmɛ balɛ ɛkpã nɛ bui ana gelee sɛ tɛ ba shɛ lɔ butsi.

Tɛbubukasɛ 3:21

Aanɔ nɛ gɛ aŋɛabha, ɛba kɔ yɛ kidzo sɛ tɛ aza mɛ kegbu nɛa bha plɛnɔ mɛ, ansɛ kana gɛ ɛŋɛabha klɛ mɛ zhiza Maka kegbu nɛa bha plɛnɔ yɛ.

Tɛbubukasɛ 7:14

Ibui lɛ nu asɛ, “Apalete, onyi.” Klɛ aɖɔ asɛ, “Banɛ balɛ nu bagɛ de ekoeyi nɛ butɔ gbla nɛ mɛ; be ti plu balɛ bawidzidze klɛ ba bhɛtɛ alɛ le fuli nɛ Obhoshieyi nɛ dzyosu mɛ.