Yohanɛsɛ 16:3 - ONUGBÙ NYƐNYÃ VUVƆ

³ Ba babhɛtɛ ebuia nɛdi alasɛ beti nyi Aka pɛnɔ mɛ.

Yohanɛsɛ 16:3 ပူးပေါင်းရင်းမြစ်များ

Luka 10:22

“Maka ayɛkɔ kɛdɔ nɛ petee akpɛ mɛ ahwɛ. Anɔnyanɔ eti nyi anɔ nɛ gɛ Eyi nɛ enu ɔdɛ̀ sɛ Aka, klɛ anɔnyanɔ eti nyi anɔ nɛ gɛ Aka nɛ enu ɔdɛ̀sɛ Eyi nɛ̀ ba gɛ Eyi eklu sɛ tɛ be bu yɛ akasɛ.”

Yohanɛsɛ 15:21

Ba bakpɛ nɔ butɔ nɛ kidzoe nɛabha alasɛ nɛ mɛ nyi nɛ so, alasɛ be tinyi Anɔ nɛ gɛ yɛ akpɛ mɛ.

Yohanɛsɛ 15:23

Anɔ gɛ egu mɛ egu mɛ Aka nɛ tsyɛ aplɛnɔ.

Yohanɛsɛ 17:25

“Aka Nɛna, kɛlɛlɛmɛ sɛ kanɔ nɛ ti nyi wɔ, mɛ nyi wɔ, klɛ benyi sɛ wɔ kpɛ mɛ.

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Yohanɛsɛ 8:19

Klɛ Farisianɛ ne bisi yɛ asɛ, “Fakɔ wɔ aka alɛ?” Yesu ebuilɛnu asɛ, “No ti nyi mɛ gɛ ma Aka no bo ti.” “Onugɛ no nyi mɛ, nɔ bɔ ti ma Aka tsyɛ.”

Yohanɛsɛ 8:55

Kɛlɛlɛmɛ sɛ nɔ tinyi yɛ, mɛ inyi yɛ. Onugɛ ɛɖɔ sɛ ɛtɛ nyi yɛ, ɛba dzi otro lete anasɛ wunɔ. pɔ ɛnyi yɛ klɛ ɛbhɛtɛ trɔ yɛ ebui nɛabha.

Axwɛwɛwa 3:17

“Badzya mɔ, ɔtsɔ̃ nɛɛ, ɛmɔ sɛ ganɔ matimatim nɔ bhɛtɛ kana, ansɛ gɛ baga gbanɔ nɔ tsyɛa bhɛtɛ.

1 Kɔrintioanɛ 2:8

Bamani kanyaka nɛ agɔa nɛ mɛ edi nu kalɛesi, pɔ otɔsɛ be nu, bagɛ ata kpla ishudɛdanɛ Apalete nɛ asɔ.

2 Tɛsolonianɛ 1:8

Aba tɛta butɔ akɔ bagɛ eti nyi Kpaya pɛ ba taa tatɔ nɛ bulɔ Apalete Yesu kibuidzyɔgo.

1 Timotio 1:13

Kɛnya lɛ kɛlɛm sɛ iti dzi anɔ gɛ abhɛtɛ ebusobui di anɛ anɔ gɛ akpatɔnɔ anɔ klɛ idzi anɔ gɛ aza kanya, be di mɛ eshutukubui alasɛ ɛbhɛtɛ ebuia nɛ matimati mɛ anɛ mayɛkɛ mayɛkɛŋa.

1 Yohanɛsɛ 2:23

Anɔnyanɔ gɛ ada kada nɛ́ Eyi nɛ́ shu Aka lɛ yɛ ahwɛ, ánɔ nɛ gɛ adɛmɛ atrɔ sɛ Eyi nɛ alɛ Aka nɛ tsyɛ alɛ yɛ ahwɛ.

1 Yohanɛsɛ 3:1

Kɛlɛ Aka nɛ tɛdɛdɛmɛnɔ nɛ anɔ etri gɛ ayɛkɔ akɔ lɔ, sɛ tɛ be klu lɔ asɛ Kpaya ye yialɛ! Klɛ kɛlɛ kɔ sɛ bu nu yɛ ayɛ! Kibui nɛ so gɛ kanɔ nɛ tinyi lɔ kɛlɛ nu sɛ ke tɛ nyi yɛ.

1 Yohanɛsɛ 4:8

Anɔ nɛ gɛ adɛ dɛmɛnɔ nɛ anɔ eti nyi Kpaya alasɛ Kpaya enu adɛdɛmɛnɔ.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.