Yohanɛsɛ 16:22 - ONUGBÙ NYƐNYÃ VUVƆ

²² Kanake wunɔ tsyɛ nɔ lɛ: Ɔtsɔnɛ wunɔ be lɛ nu sɛ nɔ bɔ mɔ butɔ, pɔ ɛzɛa mɔ nɔ klɛ nɔ bɔ tsodzi ɔmɔ same gɛ anɔnyanɔ atɛ ba yɛkɛ wunɔ same mumɔ.

Yohanɛsɛ 16:22 ပူးပေါင်းရင်းမြစ်များ

Mateo 28:8

Kɛlɛ so badzɛ nɛ ba nawɔ̃ klɛ ba shɛ nɛ odzre nɛ shu, nɛ kifu pɔ same aza balɛ mɛ, klɛ be si avɛ ede tsre yɛ badɔkpasɛ.

Luka 10:42

pɔ kɛdɔ trikpo ko lɔ pɛɛ. Maria ebu kɛ gɛ pɛ̃ dɛ, klɛ ba tɛ bayɛkɛ lɛ ashɛ̃nɔ nɛ yɛ ahwɛ.”

Luka 16:25

“Pɔ Abraham ebuilɛnu asɛ, ‘Eyi, baka sɛ nɛ wɔ ɛkpã za bɛ ɔyɛkɛ wɔɛ dɔ dzyɔgo, nɛ lɛ be Lazaro ayɛkɛ dɔ zizi, pɔ ɔtsɔ̃ nɛ yɛ shu yɔ nɛ ɔkɛ̃ nɛ klɛ wɔ mɔ butɔ.

Luka 19:26

“Ɛbushunu asɛ, ‘ɛtsre nɔ sɛ, anɔnyanɔ gɛ kɛdɔ lɛ ya hwɛ, gelee la za ba yɛkɔ kɛdɔ akɔ, pɔ anɔ nɛ gɛ kɛdɔnyɛdɔ ma ya hwɛ, kɛ gɛ lɛ yahwɛ tsyɛ ba ba yɛkɛ lɛ nɛ yahwɛ.

Luka 24:41

Klɛ nɛ kibelɛlɛ nɛ tsyɛ ba dɛ yɛkɛ lɛabhaŋa alasɛ nɛ́ same nɛ kɛbhɛtɛ bi, ebisi alɛ sɛ, “Kɛdɔ tili lɛ wunɔ ahwɛ nɛ ɔkɛnɛ gɛ nɔ bɔ ŋa?”

Yohanɛsɛ 14:1

Tɛ kɔ wunɔ idzyi amɔ butɔ. Nɔ yɛkɔ wunɔ idzyi ɔtrɔ Kpaya abha, tɛ nɔ yɛkɔ wunɔ idzyi ɔtrɔ mɛ tsyɛ abha.

Yohanɛsɛ 14:19

Kɛtɛ ba dze, kanɔ na tia mɔ mɛ, pɔ nɔ bɔ mɔ mɛ. Alasɛ ɛlɛ klɛ wɔnɔ tsyɛ nɔ bɔ za.

Yohanɛsɛ 14:27

Ishuyuyɔ ilu kɔ nɔ, mɛ ishuyuyɔ mɛ ɛkɔ nɔ. Ɛdɛ kɔ nɔ anasɛ gɛ kanɔ na kɔ. Nɔ tɛ kɔ wunɔ idzyi ebhui klɛ no ti sifu.

Yohanɛsɛ 16:16

“Nɛ kibe kplita mɛ nɔ tɛɔ mɔ mɛ, klɛ nɛ kɛlɛede kplita nɔ bɔ mɔ mɛ.”

Yohanɛsɛ 16:20

Itsre nɔ kɛgbɛagba, nɔ bɔ biyo klɛ nɔ bɔ vɛ ishu mɛ pɔ kɛbɛlɛlɛ kanɔ na mɔ same. Nɔ bɔmɔ ishutsitsi pɔ lɛ ba tsyina dzi same.

Yohanɛsɛ 16:6

Alasɛ gɛ itsre nɔ ebuianɛ so, no tsishu.

Yohanɛsɛ 21:7

Ɔkɛlɛ adɔkpasɛ nɛ gɛ Yesu adɛmɛnɔ ɛtsre Petro asɛ, “Apalete nɛ naa!” Kɛbelɛlɛ gɛ Simɔn Petro enu aɖɔ se, “Apalete nɛ naa,” ayɛkɔ yɛ kabha awui asama shu nɛ yɛ̃ te nɛ mɛ (alasɛ ɛbui yɛ elu) klɛ alɔtɛ̃ ku buni nɛ mɛ.

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Axwɛwɛwa 13:52

Klɛ badɔkpasɛ nɛ yuku nɛ same anɛ Ɔfufɔɛ Dzyɔgo.

Axwɛwɛwa 16:25

Nɛ elishi kishitibha mɛ nɛɛ Paolo anɛ Silas ba za ɛdzɛ zhɛzha nɛ Kpaya kuklua bha, klɛ baga za buvu nɛ aplɛnɔa lɛ na za ta batɔ nɛ ebui nɛ gɛ ba za bhɛtɛ.

Axwɛwɛwa 2:46

Kiwinyɛwi nɛɛ bee xogo nɛ busɔlɛvu nɛ kɛma nɛm. Ba bhɛtɛ kɛdɔŋɛŋa nɛ balɛ bapam klɛ ba ŋa nɛ ketsum nɛ samɛ nɛ idzyi dzyɔgo mɛ,

Axwɛwɛwa 5:41

Banɔkpɛkpɛ na shɛ nɛ Bebhuiklu nɛ amɛ nɛ same mumɔ sɛ ba kla lɛ asɛ bana kɔ butsɔ kpɛkpɛ nɛ Kinyi nɛ tɔkpu.

2 Kɔrintioanɛ 6:10

samemamɔ mamɔ, pɔ kibenyɛbe bu mɔ same, be tsyutsyukpɛ̃, pɔ bu mɔ ehoeyi gelee, kɛdɔmaza maza anɔ ahwɛ, pɔ kɛdɔnyɛdɔ lɛ anɔ ahwɛ.

2 Tɛsolonianɛ 2:16

Kɔ bulɔ Apalete Yesu Kristo nahwɛ anɛ bulɔ Aka Kpaya, gɛ aɖɔ lɔ klɛ ganɔ yɛ eshutukubui didi mɛ pɛ akɔ lɔ ɔfufɔɛ mɛ kemikpɛkpɛ anɛ kidzoenudidi dzyɔgo,

Hebriuanɛ 10:34

Eshutukubui kunɔ nɛ bagɛ bakpɛvu klɛ onugɛ ba yɛkɛ kɛdɔ gɛ kɛlɛ wɔnɔahwɛ nɔ yɛkɛ lɛ nɛ same, alasɛ wɔnɔ nahwɛ nɔ nyi sɛ kɛdɔ gɛ kɛbaza ɔvɛnɔ fãã lɛ wɔnɔahwɛ.

Hebriuanɛ 6:18

Kpaya abhɛtɛ kibui nɛ asɛ tɛ, ganɔ ebui tabha gɛ eti be tsyina mɛ gɛ kɛ tɛ ba za sɛ Kpaya ana otro hu, tɛ bulɔa gɛ tɛ fla da nyɛna kidzoenudidi nɛ mɛ gɛ ba kɔ lɔ nɛ vunɔ bu mɔ kemi gbɛgbla.

1 Petro 1:8

Nɛlɛmɛ sɛ nɔ kɔ mɔɛ yɛ odi, nɔ dɛmɛ yɛ bui, klɛ ɛlɛmɛ tsyɛ nɔ tɔ mɔ yɛ ɔtsɔnɛ, nɔ yɛkɛ yɛabhaŋa klɛ nɔ yuku nɛ maɖɔmaɖɔ nɛ kabhakpɛkpɛ same,