Yohanɛsɛ 16:14 - ONUGBÙ NYƐNYÃ VUVƆ

¹⁴ Aba mɛna kabhaŋɛŋa kɔ mɛ ganɔ kaɖɔɖuɖɔ denɔ kɛgɛ nu mɛ yɛ klɛ aba bhɛtɛ lɛ sɛ tɛ no ti.

Yohanɛsɛ 16:14 ပူးပေါင်းရင်းမြစ်များ

Yohanɛsɛ 14:21

Anɔ nɛ gɛ ayɛkɛ mɛ ɛshã klɛ abhɛtɛ atrɔ ɛlɛabha, yɛ nu anɔ nɛ gɛ adɛmɛnɔ nɛ mɛ. Anɔ nɛ gɛ adɛmɛnɔ nɛ mɛ mɛ Aka aba dɛmɛnɔ nɛ yɛ, klɛ mɛ tsyɛ ɛba dɛmɛnɔ nɛ yɛ klɛ ɛba yɛkɔ mɛ shu kasɛ yɛ.”

Yohanɛsɛ 15:26

“Kɛbenɔ nɛ gɛ Apɛplɛnɔ aba ba, agɛ yɛ ɛba kpɛ nɛ wunɔ kɔ denɔ Aka nɔ kɔ, kɛgbɛagba Ɔfufɔɛ gɛ lɔ ga koeyi denɔ Kpaya ɔkɔ, aba ɖɔaɖɔ denɔ mɛ shu.

Yohanɛsɛ 7:39

Kibui nɛ Ɔfufɔɛ shu bui yɛ aɖɔ, bagɛ balɛ ayɛkɛ yɛ abhaŋa, balɛ tɛ yɛkɛ. Ɔdɔtɔnɔ kɛbelɛlɛ ba ka kɔ yɛ Ɔfufɔɛ, kɛlɛbe ba ka kpɛ Yesu nɛabha.

1 Kɔrintioanɛ 12:3

Kɛlɛ so itsre nɔ sɛ anɔnyanɔ ama gɛ aɖɔaɖɔ ganɔ Kpaya Ɔfufɔɛ abha gɛ aba ɖɔ asɛ, “ba ɖɔɛ bui akpɛ Yesu” klɛ anɔnyanɔ atɛ ba na ɖɔ sɛ, “Yesu enu Apalete, gɛ odu nu sɛ ganɔ Ɔfufɔɛ nɛa bha.”

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

Galatianɛ 5:5

Pɔ nɛ tɛyɛyɛkɛŋa abha bupo ganɔ Ɔfufɔɛ kɛdzyɔgo bhɛbhɛtɛ kɛlɛ bu didzoenu kɔ.

1 Petro 2:7

Ɔtsɔ̃ nɛ kɔ wɔnɔagɛ ɔyɛkɛŋa, sɛ kɛklãgbui nɛ ŋɛedzi. Pɔ kɔ bagɛ ba dɛ yɛkɛŋa, “kɛklãgbu nɛ gɛ bevudzu na dɛ yɛkɛ kɛ badzi ɔxãkɔɛ kɛklãgbu,”

1 Yohanɛsɛ 3:23

Klɛ kɛnɛ kɛlɛ nu yɛ ɛshã: tɛ bu yɛkɛŋa nɛ yɛ Yi Yesu Kristo nyimɛ, klɛ tɛ budɛmɛnɔ bulɔhaglɔ anasɛ gɛ akɔ lɔ ɔshã.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

1 Yohanɛsɛ 5:6

Yɛ enu agɛ aba ganɔ buni anɛ̀ dzyosu mɛ—Yesu Kristo. Adɛ ba ganɔ buni tite mɛ, pɔ aba ganɔ buni anɛ̀ dzyosu mɛ. Klɛ Ɔfufɔɛ ɔlɛ ɖɔaɖɔ, alasɛ Ɔfufɔɛ ɔlɛ nu kɛgba.

Tɛbubukasɛ 19:10

Nɛ kɛɛ nɛ nɛ shu ɛwɔlɛdɔ yɛ butsrukpɔ nu sɛ tɛ ɛkpɛ kɛtɔkpuesi kɔɛ. Pɔ aɖɔ etsre mɛ asɛ, “Tɛ bhɛtɛ lɛ! Mɛ tsyɛ nu wɔhayɛ axwɛdɛ plɛnɔ wɔ nɛ wɔadzyalɛ gɛ ba nyɛna ebui nɛ gɛ ba mɔa ɖɔ nɛ Yesu shu nɛ mɛ evunɔ. Kpɛ kɛtɔkpuesi kɔ Kpaya! Alasɛ ebui nɛ gɛ ba mɔa ɖɔ nɛ Yesu shu nɛ enu kibuiɖuɖɔlu ɔfufɔɛ.”