Yohanɛsɛ 15:7 - ONUGBÙ NYƐNYÃ VUVƆ

⁷ Onugɛ nɔ wɔ mɛ́ mɛ klɛ mɛ ebui na lɛ wunɔɛ mɛ, bisi kɛdɔnyɛdɔ gɛ nɔ pɛɛ, klɛ ba bakɔ nɔ.

Yohanɛsɛ 15:7 ပူးပေါင်းရင်းမြစ်များ

Mateo 7:7

“Bisi tɛ ba kɔ wɔ, pɛɛ tɛ ɔmɔ, bho opupu tɛ ba danɛ akɔ wɔ.

Yohanɛsɛ 14:13

Klɛ ɛba bhɛtɛ kɛdɔnyɛdɔ gɛ nɔ bisi nɛ mɛ nyi mɛ, sɛ tɛ Eyi amɛna kabhakpɛkpɛ kɔ Aka.

Yohanɛsɛ 15:16

Anɛ́ wunɔ klu mɛ, pɔ mɛ klu nɔ klɛ ebu nɔ sɛ nɔ vɛ klɛ tɛ nɔ yu eyuyu—eyuyu gɛ la ba za vɛnɔ. Kɛlɛ Aka aba kɔ nɔ kɛdɔnyɛdɔ gɛ nɔ bisi nɛ mɛ nyi mɛ.

Yohanɛsɛ 16:23

Nɛ kiwui lɛlɛ nɛabha nɔ tɛɔ bisi mɛ kɛdɔnyɛdɔ. Itsre nɔ kɛbui gbɛagba, ma Aka aba kɔnɔ kɛdɔnyɛdɔ gɛ nɔ bisi nɛ mɛ nyi mɛ.

Yohanɛsɛ 8:31

Kɔ Yuɖanɛ gɛ ba yɛkɛ yɛabhaŋa, Yesu aɖɔ sɛ, “Onugɛ nɔ nyɛna mɛ kɛdɛkɛkasɛ nɛ mɛ ovunɔ, no nu mɛ badɔkpasɛ kɛgbɛagba.

Yohanɛsɛ 8:37

Inyi sɛ Abraham yɛ beshui nɔ nu. Pɔ nɔ bala sɛ tɛ no yi mɛ, alasɛ nɔ dɛ mɔ ɔzakɔ kɔ mɛ bui.

Galatianɛ 4:2

Alɛ anɔesi klɛ be diabha ɔdɔtɔnɔ kibe gɛ yɛaka atrɔ kɔ yɛ nɛ na.

Galatianɛ 5:16

Kɛlɛso ɛɖɔ sɛ, za nɛkpã ganɔ Ɔfufɔɛ nɛabha, klɛ ɔtɛ bɔ kpɛ kanɔɛmɛ ebui kpã pɛpɛɛ same.

Koloseanɛ 3:16

Nɔ kɔ Kristo ebui la za wɔnɔɛ mɛ nɛ kedziŋɛŋa nɛ́ kɛlɛmɛ gɛ nɔ kasɛdɔ klɛ nɔ yɛ kɔ tɛtsitsrenɔ kɔ ɔhaglɔ nɛ ebuinyinyi petee, klɛ anasɛ gɛ nɔ zha be Pɛsalomo busɔlɛ ɛdzɛ, anɛ ɛfufɔɛmɛ ɛdzɛ, anɛ̀ ahwɛhuhu denɔ wɔnɔ idzyi mɛ kɔ Kpaya.

1 Yohanɛsɛ 2:14

Ɛŋlɔmɛ kɔ nɔ, baka, alasɛ nɔ tɛ ti yɛ agɛ alɛ denɔ kesikpɛkpɛ. Ɛŋlɔmɛ kɔ nɔ, banyɛsɔ, alasɛ nɔ lɛ gɛganɛ, klɛ Kpaya ɛbui nɛ la lɛ wunɔɛ mɛ, klɛ nɔ ŋa ezizi nɛabha.

1 Yohanɛsɛ 2:27

Wɔnɔ xũ nɛ, bubɔsɛsra nɛ gɛ nɔ yɛkɛ denɔ yɛ ɔkɔ bu wɔ nɔɛ mɛ, klɛ nɔ dɔ pɛɛ anɔnyanɔ sɛ tɛ akasɛ nɔɛ dɔ. Pɔ anasɛ gɛ yɛ bubɔsɛsra kasɛ nɔ nɛ ebui nɛ petee shu klɛ anasɛ gɛ bubɔsɛsra nɛ nu kɛgbɛagba, ganɛ kɛdɔ gɛ kɛyi dɔ—anasɛ gɛ kɛ kasɛ nɔ, nɔ wɔ yɛ mɛ.

1 Yohanɛsɛ 3:22

klɛ bu yɛkɛ kɛdɔnyɛdɔ gɛ bu bisi, alasɛ bu tatɔ yɛ ɛshã klɛ bu bhɛtɛ kɛgɛ apɛɛ.

1 Yohanɛsɛ 5:14

Kɛnɛ kɛlɛ nu idzyi gɛ lɛ bulɔ ahwɛ gɛ butsobunɔ Kpaya, sɛ onugɛ bu bisi yɛ kɛdɔ tili nɛ́ yɛ tɛpɛpɛɛ nu, énu bulɔɛ bui.