Yohanɛsɛ 15:24 - ONUGBÙ NYƐNYÃ VUVƆ

²⁴ Ɔtɔsɛ ɛdɛ bhɛtɛ nɛ balɛ shi kɛ gɛ anɔ teli adɛ bhɛtɛ, batɛ ba bu alɛ pɔ kɔ buzizi. Pɔ ɔtsɔnɛ ba mɔ ebuiyinɔanɔ anɛ, klɛ tsyɛ be gu bulɔ tɛabha mɛ nɛ ma Aka.

Yohanɛsɛ 15:24 ပူးပေါင်းရင်းမြစ်များ

Mateo 11:5

awɔ̃hũ pupuelete nɛ ba kpaa mɔ, akpatanɛ alɔa ga, bunya dzɛdzãelete nɛ banya nɛ ba shɛ, batɔpu nɛ ba kpa nu, betsitsi nɛ ba nyɛmɛ, klɛ ba ɖɔ kibui dzyɔgo nɛ etsre betsyutsyuini.

Mateo 21:32

Alasɛ Yohanɛsɛ aba kasɛ nɔ tɛnɛnamɛzɛza, klɛ nɔ dɛ yɛkɛ yɛa bha ŋa, pɔ badɔdzyɔ anɛ badzɛ zhuzhɔlɛ nɛ xũ ba yɛkɛ aŋa. Klɛ nɛ klɛe de gɛ nɔɔ mɔ kɛɛ nɛɛ tsyɛ, no di tsyina kitem pɛ ɔyɛkɛ yɛa bha ŋa.

Mateo 9:33

Klɛ gɛ akɛka ɔfufɔɛ nɛ ebu beke anyɛ nɛ akpa kaɖɔ ɖɔ. Kibui nɛ bhɛtɛ banɔɛza nɛ bi klɛ ba ɖɔ asɛ, “Kibuinyɛbui ana ka ba kɛlɛ mɛ di nɛ Izraɛl.”

Marko 2:12

Evu alɔ, ayɛkɔ yɛ oputso klɛ aga ekoeyi ashɛ nɛ banɔ petee amɛ. Yesu bui nɛ gɛ abhɛtɛ nɛ yinɔ anɔnyanɔ klɛ banɔnyanɔ nɛ ɔkɛlɛ ba kpɛ Kpaya nɛa bha. Klɛ baa ɖɔ asɛ, “Bu ka mɔ kibui nɛ di dí!”

Luka 24:19

“ Ebisi asɛ, Ebui ɖuweɖu?” Be builɛenu asɛ “Denɔ Yesu gɛ ede Nazarɛtɛ.” Edzi atɔnu, gɛganɛ nɛ ebuiɖɛɖɔ mɛ tɛbhɛbhɛtɛ nɛ Kpaya amɛ nɛ̀ banɔ petee amɛ.

Yohanɛsɛ 10:32

pɔ Yesu etsre alɛ sɛ, “Ɛbhɛtɛ ebuiyinɔanɔ gelee kasɛ nɔ denɔ Aka nɔ kɔ. Kiɖueɖu shu so gɛ nɔ hu mɛ aklãgbu?”

Yohanɛsɛ 10:37

Nɔ tɛ yɛkɛ mɛabhaŋa ɔdɔtɔnɔ sɛ ɛbhɛtɛ ebui gɛ mɛ Aka sɛ ɛbhɛtɛ.

Yohanɛsɛ 12:10

Kɛlɛso kpayaɔzakɔanɔ gbla ba trɔ sɛ tɛ beyi Lazarus tsyɛ,

Yohanɛsɛ 12:45

Kibelɛlɛ nɛ gɛ edi mɛ, amɔ agɛ akpɛ mɛ.

Yohanɛsɛ 14:9

Yesu ebuilɛnu asɛ, “Oti nyi mɛ, Filipo, kibe dzidze nɛ gɛ ɛlɛ wunɔ ɔbhɛa tsye? Anɔnyanɔ gɛ amɔ mɛ amɔ Aka. Kide so gɛ ɔbɔ ɖɔ sɛ, ‘Kasɛ lɔ Aka’?

Yohanɛsɛ 15:21

Ba bakpɛ nɔ butɔ nɛ kidzoe nɛabha alasɛ nɛ mɛ nyi nɛ so, alasɛ be tinyi Anɔ nɛ gɛ yɛ akpɛ mɛ.

Yohanɛsɛ 15:22

Onugɛ ɛdɛ ba klɛ ɛɖɔaɖɔ kɔ alɛ, be ti be bu balɛ kɛpɔ kɔ buzizi. Ɔtsɔnɛ, nɛlɛmɛ, kɛ bui ma gɛ ba bayɛkɔ akɔɛ dzo kɔ balɛ buzizi.

Yohanɛsɛ 15:23

Anɔ gɛ egu mɛ egu mɛ Aka nɛ tsyɛ aplɛnɔ.

Yohanɛsɛ 16:9

nɛ buzizi so alasɛ banɔ ba dɛ yɛkɛ mɛabhaŋa,

Yohanɛsɛ 3:2

Aba Yesu ɔbha elishi teli klɛ aɖɔ sɛ, “Rabbi, bunyi sɛ wɔnu adɔkasɛ gɛ ede Kpaya kɔ. Alasɛ anɔnyanɔ atɛ bana ebuiyinɔanɔ kɛdɔmumɔ nɛ gɛ ɔbhɛtɛ nɛ abhɛtɛ, onugɛ Kpaya ama plɛnɔ yɛ.”

Yohanɛsɛ 5:36

“Ɛyɛkɛ kibuiɖɛɖɔ gɛ kɛlupudɛ Yohanɛsɛ yɛ. Alasɛ kɛxwɛ nɛ tututu gɛ Aka nakɔ mɛ sɛ tɛ ɛwa beke, klɛ mɛ ɛwa, kɛkasɛ sɛ Aka nɛ yɛ akpɛ mɛ.

Yohanɛsɛ 6:36

Pɔ anasɛ gɛ ɛtsre nɔ, nɔ mɔ mɛ klɛ tsyɛ nɔ dɛ yɛkɛŋa.

Yohanɛsɛ 7:31

Tsyɛ, banɔ gelee ba za yɛkɛ yɛabhaŋa. Ba ɖɔ asɛ, “Kɛbenɔ nɛgɛ Kristo aba, aba bhɛtɛ ebuiyinɔanɔ dɔ dɛ anyɛa nɛ?”

Yohanɛsɛ 9:32

Anɔnyanɔ ekenu di sɛ ba danɛ awɔ̃hu kɔ anɔ gɛ yɛ awɔ̃hu pu.

Yohanɛsɛ 9:41

Yesu aɖɔ sɛ, “Onugɛ wunɔ awɔ̃hu epu, be ti be bu nɔɛ pɔ kɔ buzizi, pɔ ɔtsɔnɛ gɛ nɔ yɛ kɔɛ lɛ sɛ nɔ mɔ, wunɔɛ pɔ bubu lɛ kɛlɛ ɔzakɔ.

Axwɛwɛwa 10:38

Kana gɛ Kpaya asrabɔ akɔ Yesu Nazarɛtɛ eyi nɛ Ɔfufɔɛ Dzyɔgo anɛ kemi, anɛ kɛkana nɛ gɛ aga ka na nɛ ebui dzyɔgo tɛbhɛbhɛtɛ nɛ bagɛ za ɛfufɔɛ kpãesi nɛ banya tɛbibeke, alasɛ Kpaya aza plɛnɔ yɛ.

Axwɛwɛwa 2:22

“Izraɛlanɛ mɔ, nɔ tatɔ kibui nɛ, Yesu Nazarɛtɛ eyi nɛɛ edzi anɔ gɛ Kpaya ebu kɔnɔ ganɔ ebui gɛ abhɛtɛ bi mɛ, ebui yiyinɔanɔ nɛ kɛdɔmumɔm gɛ Kpaya abhɛtɛ nɛ wɔnɔɛ shi ganɔ yɛa bha, ansɛ gɛ wɔnɔ nahwɛ no nyi.

Romanɛ 1:30

banɔ gɛ bee zi ɔhayɛ shu, banɔ gɛ ba dɛ ɖɔ Kpaya, aglɔkuklɔa, ishufifeke nɛ ɔwɔ̃dzu; be bhui edzo kɔ buzizi; ba dɛ ta balɛ ni nɛ aka tɔ;

2 Timotio 3:4

ba lɛ kanya, be sieku, ishuawɔ̃ kuku, ba ɖɔ samem zɛza ɔyɛkɔdɛ Kpaya tɛɖuɖɔ,

Yakobo 4:4

Wɔnɔ banɔ gaa dɛ ɔmamɛ, no ti nyi ɔsɛ kɛbhɛam zɛza nɛ kanɔ nɛɛ kinu Kpaya mapɛmapɛ? Anɔnyanɔ gɛ ayɛkɔ asɛ ebe dzi kanɔa nɛ mɛ ɔbhɛa nɛɛ, ebe dzi anɔ gɛ alɔ kititi nɛ Kpaya shu.