Yohanɛsɛ 15:21 - ONUGBÙ NYƐNYÃ VUVƆ

²¹ Ba bakpɛ nɔ butɔ nɛ kidzoe nɛabha alasɛ nɛ mɛ nyi nɛ so, alasɛ be tinyi Anɔ nɛ gɛ yɛ akpɛ mɛ.

Yohanɛsɛ 15:21 ပူးပေါင်းရင်းမြစ်များ

Mateo 10:18

Nɛ mɛ tɔkpu so ba ba gbanɔ nɔ avɛnɔ baga ŋɛabha anɛ bekusigbla nɛ ɔkɔ ansɛ bebuimɔɖɔ kɔ balɛ anɛ bagɛ be di nu Yuɖanɛ.

Mateo 10:22

Banɔ petee ba tɛ ba dɛmɛ wɔnɔɛ bui akpɛ mɛ so, pɔ aanɔ nɛ gɛ aza mɔmɔ ɔdɔ nanɔ obekekɔ be be bu yɛ.

Mateo 10:39

Anɔnyanɔ gɛ aaba pɛɛ yɛ ɛkpã aba lɛla ɛlɛ, klɛ anɔnyanɔ gɛ aaba lɛla yɛ ɛkpã akpɛ mɛ so aba mɔɛ lɛ.

Mateo 24:9

“Ɔkɛlɛ la ba yɛkɔ wɔnɔ akpɛ ahwɛ kɔ sɛ ba kpatɔnɔ klɛ be be yi nɔ, klɛ amadi nɛ petee atɛ ba pɛɛ wɔnɔɛ bui akpɛ mɛ so.

Mateo 5:11

“Ba yula wɔnɔ bagɛ banɔa kula, pɛ bakpatɔnɔ klɛ baa ɖɔ ebuikpã edidedi petee nɛ wɔnɔ shu akpɛ mɛ so.

Marko 13:13

Banɔ petee baba lɔ kititi nɛ wɔnɔ shu akpɛ mɛ so, pɔ aanɔ nɛ gɛ aza mahwa-mahwa ɔyɛkɔ vɛnɔ tɛbibeke mɛ nɛ, aba mɔ tɛyɛyɛkɛ.

Luka 21:12

“Pɔ flogo gɛ anɛ nɛ petee aba ba, ba be vu nɔ klɛ ba ba yɛkɔ nɔ akpɛ ahwɛ. Ba ba yɛkɔ nɔ akɔ bebhuiklu nɛ oxogokɔvu nɛ mɛ klɛ la ba kpɛ nɔ vu, klɛ la ba gbanɛ nɔ vɛnɔ bekusi nɛ̀ ba mani nɛ ɔkɔ nɛ mɛ nyi nɛ tɔkpu.

Luka 21:17

Alasɛ mɛ so banɔ petee be gunɔ.

Luka 6:22

Bayula nɔ kɛbelɛlɛ nɛ gɛ banɔ egu nɔ, onugɛ bebunɔ nɛ balɛshi klɛ ba kula nɔ klɛ beklu wunɔe nyi anasɛ bezizi, alasɛ nɛ Anɔdzyrame yɛ Eyi nɛ shu.

Yohanɛsɛ 15:24

Ɔtɔsɛ ɛdɛ bhɛtɛ nɛ balɛ shi kɛ gɛ anɔ teli adɛ bhɛtɛ, batɛ ba bu alɛ pɔ kɔ buzizi. Pɔ ɔtsɔnɛ ba mɔ ebuiyinɔanɔ anɛ, klɛ tsyɛ be gu bulɔ tɛabha mɛ nɛ ma Aka.

Yohanɛsɛ 16:3

Ba babhɛtɛ ebuia nɛdi alasɛ beti nyi Aka pɛnɔ mɛ.

Yohanɛsɛ 17:25

“Aka Nɛna, kɛlɛlɛmɛ sɛ kanɔ nɛ ti nyi wɔ, mɛ nyi wɔ, klɛ benyi sɛ wɔ kpɛ mɛ.

Yohanɛsɛ 8:19

Klɛ Farisianɛ ne bisi yɛ asɛ, “Fakɔ wɔ aka alɛ?” Yesu ebuilɛnu asɛ, “No ti nyi mɛ gɛ ma Aka no bo ti.” “Onugɛ no nyi mɛ, nɔ bɔ ti ma Aka tsyɛ.”

Yohanɛsɛ 8:54

Yesu ebushunu asɛ, “Onugɛ ɛkpɛ mɛshu nɛabha, mɛ ishukpɛkpɛ kabha kedi nu kɛdɛnyɛdɔ. Mɛ Aka, gɛ nɔ sɛ yɛ nu wunɔ Kpaya, yɛ nu agɛ akpɛ mɛ nɛabha.

Yohanɛsɛ 8:55

Kɛlɛlɛmɛ sɛ nɔ tinyi yɛ, mɛ inyi yɛ. Onugɛ ɛɖɔ sɛ ɛtɛ nyi yɛ, ɛba dzi otro lete anasɛ wunɔ. pɔ ɛnyi yɛ klɛ ɛbhɛtɛ trɔ yɛ ebui nɛabha.

Axwɛwɛwa 17:23

Alasɛ gɛ ɛkana anɛ mɛ awɔ̃hũ vuvu nɛ kɛdɔnɔ nɛ gɛ nɔ kpɛ kɛtɔkpuesi kɔ nɛɛ, ɛmɔ wɔnɔ busɔlɛvu mɛ osubha tolia bha gɛ ba ŋlɔmɛ asɛ: kɔ kpaya gɛ anɔnyanɔ etinyi. Ɔtsɔ̃ nɛɛ Kpaya nɛ gɛ no ti nyi nɛɛ pɛ nɔ kpɛ kɛtɔkpuesi kɔ yɛ kibui mɛ ba ɖɔ tsre nɔ.

Axwɛwɛwa 26:9

“Mɛ nahwɛ tsyɛ ba nu klɛm sɛ alasɛ tɛ ɛbhɛtɛ kɛdɔnyɛdɔ gɛ ba bɛɛ lɛm sɛ tɛ ɛyɛkɔ lɔ kititi nɛ Yesu Nazarɛtɛ eyi nɛ kinyi shu.

Axwɛwɛwa 3:17

“Badzya mɔ, ɔtsɔ̃ nɛɛ, ɛmɔ sɛ ganɔ matimatim nɔ bhɛtɛ kana, ansɛ gɛ baga gbanɔ nɔ tsyɛa bhɛtɛ.

Axwɛwɛwa 4:17

Pɔ tɛ bu dzrɔ ebuia nɛ tɛ la yulɔ yi nɛ banɔɛ shi, klɛ alasɛ tɛ bu kpɛ ɔshã kɔ banɔa tɛ ba yulɔ kibuinyɛbui ɖɔ tsre anɔnyanɔ nɛ kinyi nɛm.”

Axwɛwɛwa 5:41

Banɔkpɛkpɛ na shɛ nɛ Bebhuiklu nɛ amɛ nɛ same mumɔ sɛ ba kla lɛ asɛ bana kɔ butsɔ kpɛkpɛ nɛ Kinyi nɛ tɔkpu.

Axwɛwɛwa 9:14

Klɛ aba ɔkɛ̃ nɛ kabhaŋɛŋa denɔ kpayanɔgbla nɛ ɔkɔ sɛ tɛ ebe vu anɔnyanɔ gɛ eklu wɛ nyi.”

Axwɛwɛwa 9:16

Ɛba kasɛ yɛ kana gɛ kɛ lɛ sɛ tɛ atɔ ebunɔ nɛ mɛ kinyi nɛ tɔkpu.”

Romanɛ 1:28

Ɔyɛkɔ vɛnɔ otugba, gɛ ba dɛ bhɛtɛ kɛtɔkpum sɛ tɛ ba nyɛna Kpaya tɛtitim evunɔ so, ashɛ̃nahwɛ balɛ shu akɔ kɛtɔkpum manamana, gɛ kɔ sɛ tɛ ba bhɛtɛ kɛgɛ ma sɛ tɛ ba bhɛtɛ.

1 Kɔrintioanɛ 15:34

Nɔ tsodzi ɔvɛ ishui mɛ tɛ nɔ zukɔlɔ ebui kpã bhɛbhɛtɛ, alasɛ beteli alɛ gɛ be tinyi Kpaya—ɛɖɔ kibui nɛ kɔ nɔ tɛ kwɔ̃ɛ ku nɔ.

1 Kɔrintioanɛ 2:8

Bamani kanyaka nɛ agɔa nɛ mɛ edi nu kalɛesi, pɔ otɔsɛ be nu, bagɛ ata kpla ishudɛdanɛ Apalete nɛ asɔ.

2 Tɛsolonianɛ 1:8

Aba tɛta butɔ akɔ bagɛ eti nyi Kpaya pɛ ba taa tatɔ nɛ bulɔ Apalete Yesu kibuidzyɔgo.

1 Yohanɛsɛ 3:1

Kɛlɛ Aka nɛ tɛdɛdɛmɛnɔ nɛ anɔ etri gɛ ayɛkɔ akɔ lɔ, sɛ tɛ be klu lɔ asɛ Kpaya ye yialɛ! Klɛ kɛlɛ kɔ sɛ bu nu yɛ ayɛ! Kibui nɛ so gɛ kanɔ nɛ tinyi lɔ kɛlɛ nu sɛ ke tɛ nyi yɛ.

3 Yohanɛsɛ 1:7

Kinyi nɛ so gɛ ba tɔnɔɛ dzo ekoeyi, gɛ ba dɛ yɛkɛ kɛdɔnyɛdɔ nɛ bagɛ be dinu Kristo ayɛ na hwɛ.

Tɛbubukasɛ 2:3

Oti tsianyɛ klɛ ɔtɛ za ebuigɛganɛ nɛ nu ɔkpɛ mɛ kinyi nɛ so, klɛ oko si kifu.