Yohanɛsɛ 15:20 - ONUGBÙ NYƐNYÃ VUVƆ

²⁰ Nɔ baka kibui nɛ gɛ ɛɖɔ tsre nɔ: ‘Axwɛdɛ atɛ be triadɛ yɛ Apalete.’ Onugɛ ba kpatɔnɔ mɛ, ba ba kpatɔnɔ wunɔ tsyɛ. Onugɛ babhɛtɛ atrɔ mɛ kɛdɔkɛkasɛ nɛabha, ba ba bhɛtɛ atrɔ wunɔ yɛ tsyɛ abha.

Yohanɛsɛ 15:20 ပူးပေါင်းရင်းမြစ်များ

Mateo 10:24

“Adɔkpasɛ adɛ ɖama dɛ yɛ adɔkasɛ, pɛɛ ɔdɔgɔsɛ axwɛdɛ yɛ aba dɛ yɛ apalete.

Marko 10:39

Be bu klɛ nu asɛ, “Bu ba na.” Klɛ Yesu etsre alɛ asɛ, “Nɔ bɔ wɛ̃ mɛ katse nɛ gɛ ɛwɛ̃, klɛ nɔbɔ yɛkɛ bunikpɛkpɛ nɛ gɛ ɛkpɛ nɛ di,

Luka 2:34

Nɛlɛede Simeon ayula alɛ klɛ etsre anuvɔ yɛeni, Maria asɛ: “anuvɔ anɛ ba bhɛtɛ yɛ akɔ banɔ gelee oboedɛdɔ nɛ tɛlulɔ nɛ Izraɛl, klɛ kɛ badzi kebui mumɔ gɛ ba baɖɔ alɔ kɛtiti nɛ kɛlɛ shu,

Luka 6:40

Adɔkpasɛ adɛ dɛ yɛ adɔkasɛ, pɔ anɔnyanɔ gɛ bakasɛ yɛ dɔ beke aba za anasɛ yɛ adɔkasɛ.

Yohanɛsɛ 10:31

Yuɖanɛ ba za yɛkɔ aklãgbu sɛ tɛ bata hu yɛ,

Yohanɛsɛ 11:57

Pɔ kpayazakɔanɔ gbla anɛ̀ Farisianɛ ba kɔ ɔshã sɛ onugɛ anɔ teli amɔ ɔkɛlɛ gɛ Yesu alɛ, aɖɔ tɛ be de vu yɛ.

Yohanɛsɛ 13:16

Itsre nɔ kɛgba sɛ, axwɛdɛ eti be tri dɛ apalete, pɛnɔ anɔ nɛ gɛ ba kpɛ xwɛ atɛ be tri adɛ agɛ àkpɛ yɛ.

Yohanɛsɛ 5:16

Alasɛ gɛ Yesu abhɛtɛ ebuianɛ nɛ kimuenewui nɛabha so, ba kpatɔnɔ yɛ.

Yohanɛsɛ 7:32

Farisianɛ benu ebui nɛ di gɛ banɔ nɛ aɖɔ hunihuni denɔ yɛ shu. Ɔkɛlɛ kpayazakɔanɔ gbla anɛ Farisianɛ na kpɛ kpayavu bepupo sɛ tɛ bede vu yɛ.

Yohanɛsɛ 8:51

Itsre nɔ kɛgba sɛ, onugɛ anɔ teli ayɛ kɛ mɛ bui, atɛ ba mɔ butsi.”

Yohanɛsɛ 8:52

Nɛ kibui nɛ shu Yuɖanɛ ba kpɛ ogugu sɛ, “Ɔtsyɔnɛ bu nyi sɛ ɔfufɔɛ zizi lɔ kpasɛ wɔɛ mɛ! Abraham etsi klɛ kanake so batɔnu na bhɛtɛ, pɔ ɔɖɔ sɛ anɔ gɛ ayɛkɛ wɔ ebui, atɛ be mini butsi di.

Yohanɛsɛ 8:59

Nɛ ɔkɛlɛ ɔlɛ ba tɔkɛ aklãgbu sɛ tɛ be hu yɛ, pɔ Yesu alɛla, ekoeyi nɛ kpayavu kesukpa nɛabha.

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

1 Kɔrintioanɛ 4:12

Bu wa axwɛ gɛganɛ nɛ bulɔ nahwɛ ahwɛ. Kibe nɔ nɛ gɛ ba ɖɔɛbui akpɛ lɔ, bulɔ bu yula; kibe lɛ gɛ bakpatɔnɔ lɔ, bu za kɛlɛ nu;

2 Kɔrintioanɛ 4:9

ba kpɛlɔahwɛ, pɔ ba dɛ shɛ̃nahwɛ lɔ shu, be hu lɔesi, pɔ be di yi lɔ.

1 Tɛsolonianɛ 2:15

gɛ be yi Apalete Yesu anɛ batɔnu klɛ ba kɛka lɔ tsyɛ ebu eyinɔ. Be di ku Kpaya awɔ̃ klɛ ba yɛkɔ ebla nɛ anɔnyanɔ

2 Timotio 3:12

Nɛ kɛgbɛagba mɛ, anɔnyanɔɛ di gɛ apɛa sɛ tɛ aza kpaya tɛzɛzam nɛ Kristo Yesu mɛ ba ba kpatɔnɔ yɛ,