Yohanɛsɛ 15:19 - ONUGBÙ NYƐNYÃ VUVƆ

¹⁹ Onugɛ nɔ nu kanɔ na yɛ, ka ba dɛmɛnɛ nɔ anasɛ kalɛ nahwɛ ayɛ. Anasɛ gɛ kɛ nu, nɔ dɛ nu kanɔ nɛ ayɛ, pɔ iklu nɔ denɔ kanɔ nɛ mɛ. Kɛlɛso gɛ kanɔ kegu nɔ.

Yohanɛsɛ 15:19 ပူးပေါင်းရင်းမြစ်များ

Mateo 10:22

Banɔ petee ba tɛ ba dɛmɛ wɔnɔɛ bui akpɛ mɛ so, pɔ aanɔ nɛ gɛ aza mɔmɔ ɔdɔ nanɔ obekekɔ be be bu yɛ.

Mateo 24:9

“Ɔkɛlɛ la ba yɛkɔ wɔnɔ akpɛ ahwɛ kɔ sɛ ba kpatɔnɔ klɛ be be yi nɔ, klɛ amadi nɛ petee atɛ ba pɛɛ wɔnɔɛ bui akpɛ mɛ so.

Luka 6:32

“Onugɛ ɔdɛmɛ nɛ ba gɛ ba dɛmɛ nɛ wɔ, kabha vɛvɛ ɖuwoeɖu lɛ nu kɔ wɔ? ‘Buzizi elete’ tsyɛ ba dɛmɛ nɛ ba gɛ ba dɛmɛ nɛ alɛ.

Yohanɛsɛ 13:18

“Anɛ nɔ petee mɛ ɖɔ, enyi ba gɛ eklu. Pɔ sɛ tɛ Kpaya bui nɛ bɛlɛmɛ, ‘Anɔ nɛ gɛ bulɔ nɛ yɛ bu kpahwɛ kɛsugbɛ tirikpo mɛ, yɛ alɔ kititi nɛ mɛ shu.’

Yohanɛsɛ 15:16

Anɛ́ wunɔ klu mɛ, pɔ mɛ klu nɔ klɛ ebu nɔ sɛ nɔ vɛ klɛ tɛ nɔ yu eyuyu—eyuyu gɛ la ba za vɛnɔ. Kɛlɛ Aka aba kɔ nɔ kɛdɔnyɛdɔ gɛ nɔ bisi nɛ mɛ nyi mɛ.

Yohanɛsɛ 6:70

Yesu ebuilɛnu asɛ, “Anɛ mɛ klu nɔ banɔ lɔfɔ nɛtiabha? Pɔ sɛ wunɔ mayɛ teli enu Abonsam!”

Yakobo 4:4

Wɔnɔ banɔ gaa dɛ ɔmamɛ, no ti nyi ɔsɛ kɛbhɛam zɛza nɛ kanɔ nɛɛ kinu Kpaya mapɛmapɛ? Anɔnyanɔ gɛ ayɛkɔ asɛ ebe dzi kanɔa nɛ mɛ ɔbhɛa nɛɛ, ebe dzi anɔ gɛ alɔ kititi nɛ Kpaya shu.

1 Petro 4:3

Alasɛ no ti zi be gelee bafla ba bhɛtɛ kɛgɛ ibuidielete ba pɛɛ sɛ tɛ ba bhɛtɛ—ɛkpãzizi zɛza, ishu mɛ zɛzandzyɛ, bulububuku, ɔhakpɛkpɛ kɛdɔ gbɛgbla ŋɛŋa, anɛ tɛtsutsɔmɔ obudi busɔlɛ.

1 Yohanɛsɛ 3:12

Nɔ tɛ za anasɛ Kain, gɛ edzi ɔfufɔɛkpã ayɛ klɛ eyi yɛ adzya. Klɛ kideso gɛ eyi yɛ? Alasɛ yɛnahwɛ ebui bhɛbhɛtɛ nɛ dzi kizizi klɛ yɛ adzya yɛ edzi kɛdzyɔgo.

Tɛbubukasɛ 12:17

Ɔkɛlɛ eblidzyagbla nɛ amɔ obulo nɛ adzɛ klɛ ashɛ avɛ asɛ tɛ ada ta keyu anɛ yeyialɛ gɔgɔɛ—bagɛ bata batɔ nɛ Kpaya ɛshã klɛ la nyɛna yɛ Yesu kibuimumɔɖɔ nɛ mɛ evunɔ.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.