Yohanɛsɛ 15:18 - ONUGBÙ NYƐNYÃ VUVƆ

¹⁸ “Onugɛ kanɔ ne gu nɔ, nɔ yɛkɔ lɛ ɔkpɛ kɛtɔkpu mɛ sɛ mɛ ke putɔ egu.

Yohanɛsɛ 15:18 ပူးပေါင်းရင်းမြစ်များ

Mateo 10:22

Banɔ petee ba tɛ ba dɛmɛ wɔnɔɛ bui akpɛ mɛ so, pɔ aanɔ nɛ gɛ aza mɔmɔ ɔdɔ nanɔ obekekɔ be be bu yɛ.

Mateo 24:9

“Ɔkɛlɛ la ba yɛkɔ wɔnɔ akpɛ ahwɛ kɔ sɛ ba kpatɔnɔ klɛ be be yi nɔ, klɛ amadi nɛ petee atɛ ba pɛɛ wɔnɔɛ bui akpɛ mɛ so.

Mateo 5:11

“Ba yula wɔnɔ bagɛ banɔa kula, pɛ bakpatɔnɔ klɛ baa ɖɔ ebuikpã edidedi petee nɛ wɔnɔ shu akpɛ mɛ so.

Marko 13:13

Banɔ petee baba lɔ kititi nɛ wɔnɔ shu akpɛ mɛ so, pɔ aanɔ nɛ gɛ aza mahwa-mahwa ɔyɛkɔ vɛnɔ tɛbibeke mɛ nɛ, aba mɔ tɛyɛyɛkɛ.

Luka 6:22

Bayula nɔ kɛbelɛlɛ nɛ gɛ banɔ egu nɔ, onugɛ bebunɔ nɛ balɛshi klɛ ba kula nɔ klɛ beklu wunɔe nyi anasɛ bezizi, alasɛ nɛ Anɔdzyrame yɛ Eyi nɛ shu.

Yohanɛsɛ 16:1

“Anɛ nɛ petee itsre nɔ sɛ tɛ nɔ tɛ dɔ lɛla.

Yohanɛsɛ 16:33

“Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”

Yohanɛsɛ 3:20

Anɔnyanɔ gɛ abhɛtɛ kibui zizi adɛ dɛmɛ kifui bui, klɛ atɛ ba ba obhubhui kɔ alasɛ esi kifu sɛ aba wɔɛ̃.

Yohanɛsɛ 7:7

Kanɔ ketibe gu nɔ, pɔ ke gu mɛ alasɛ itsre kanɔ nɛ sɛ ebui nɛ gɛ ka bhɛtɛ le nu ezizi.

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Yakobo 4:4

Wɔnɔ banɔ gaa dɛ ɔmamɛ, no ti nyi ɔsɛ kɛbhɛam zɛza nɛ kanɔ nɛɛ kinu Kpaya mapɛmapɛ? Anɔnyanɔ gɛ ayɛkɔ asɛ ebe dzi kanɔa nɛ mɛ ɔbhɛa nɛɛ, ebe dzi anɔ gɛ alɔ kititi nɛ Kpaya shu.

1 Yohanɛsɛ 3:1

Kɛlɛ Aka nɛ tɛdɛdɛmɛnɔ nɛ anɔ etri gɛ ayɛkɔ akɔ lɔ, sɛ tɛ be klu lɔ asɛ Kpaya ye yialɛ! Klɛ kɛlɛ kɔ sɛ bu nu yɛ ayɛ! Kibui nɛ so gɛ kanɔ nɛ tinyi lɔ kɛlɛ nu sɛ ke tɛ nyi yɛ.

1 Yohanɛsɛ 3:13

Ma dzyalɛ tɛ kɔɛ lɛ bhɛtɛ nɔɛ bi, onugɛ kanɔ ne gu nɔ.

1 Yohanɛsɛ 3:3

Anɔnyanɔ gɛ kidzoenudidi nɛ lɛ yɛ mɛ yɛnahwɛ eplu shu, anasɛ gɛ yɛ shu bhui.