Yohanɛsɛ 15:15 - ONUGBÙ NYƐNYÃ VUVƆ

¹⁵ Ɛtɛa klu nɔ sɛ axwɛdɛ, alasɛ axwɛdɛ eti nyi yɛ apalete nɛ kɛxwɛwɛwa. Nɛ kɛlɛ ɔzakɔ, iklu nɔ sɛ ɛbhɛya, alasɛ kibuinyɛbui gɛ ɛkpasɛ denɔ mɛ Aka nɔ kɔ ɛkɔ nɔ ti.

Yohanɛsɛ 15:15 ပူးပေါင်းရင်းမြစ်များ

Mateo 13:11

Ebui lɛ nu asɛ, “Ba tɛ yɛkɔ ebui kpukpu nɛ owũsise bukusiɔŋakɔ nɛ tɛtiti akɔ nɔ, pɔ ganɛ kɔ balɛ.

Luka 10:23

Kɛlɛ etsyinatɔ yɛ badɔkpasɛ klɛ eklu alɛ eyinɔɛ nɛ de aɖɔ tsre alɛ, “Bayula awɔ̃hu gɛ lamɔɛ dɔ nɛ gɛ nɔ mɔ.

Yohanɛsɛ 12:26

Anɔ nɛ gɛ aba dɛ xɔɛ kɔ mɛ alasɛ tɛ aza mɛede, ɔkɛlɛ gɛ ɛlɛ, mɛ axwɛdɛ nɛ tsyɛ ɔkɛlɛ aba za. Mɛ Aka aba kpɛ agɛ adɛ xwɔɛ kɔ mɛ nɛ nyi nɛabha.

Yohanɛsɛ 13:16

Itsre nɔ kɛgba sɛ, axwɛdɛ eti be tri dɛ apalete, pɛnɔ anɔ nɛ gɛ ba kpɛ xwɛ atɛ be tri adɛ agɛ àkpɛ yɛ.

Yohanɛsɛ 15:20

Nɔ baka kibui nɛ gɛ ɛɖɔ tsre nɔ: ‘Axwɛdɛ atɛ be triadɛ yɛ Apalete.’ Onugɛ ba kpatɔnɔ mɛ, ba ba kpatɔnɔ wunɔ tsyɛ. Onugɛ babhɛtɛ atrɔ mɛ kɛdɔkɛkasɛ nɛabha, ba ba bhɛtɛ atrɔ wunɔ yɛ tsyɛ abha.

Yohanɛsɛ 16:12

“Ebui gelee lalɛ mɛ ahwɛ gɛ ɛba ɖɔ tsre nɔ, egele dɛ la gɛ nɔ bɔ nyɛna vunɔ ɔtsɔ̃ nɛ.

Yohanɛsɛ 17:26

Ɛbhɛtɛ wɔ tɛ oti alɛ, klɛ tɛ kɛ vɛabha tɛ ba bhɛtɛ wɔ nɛ kɛlɛmɛ sɛ tɛdɛdɛmɛnɔ gɛ kɛlɛ wɔ ahwɛ kɔ mɛ tɛ kɛ ba za ba lɛ mɛ klɛ tɛ mɛ nahwɛ ɛba za bɛ lɛ mɛ.”

Yohanɛsɛ 20:17

Yesu aɖɔ sɛ, “Tɛ nyɛna mɛ, alasɛ ɛka tsodzi vɛ Aka nɔ kɔ. Kɛlɛɔzakɔ, vɛ madzya lɛ nɛ ɔkɔ tɛ otsre alɛ sɛ, ‘Itsodzi vɛ́ mɛ Aka anɛ̀ wunɔ Aka, mɛ̀ Kpaya anɛ̀ wunɔ Kpaya nɔ kɔ.’ ”

Yohanɛsɛ 4:19

Adzɛ nɛ aɖɔ sɛ, “Apalete,” “Ɛmɔ sɛ atɔnu anɔ wɔ onu.

Yohanɛsɛ 8:26

“Ebui gelee alɛ mɛ ahwɛ gɛ ɛba kɔ klu kebhui nɛ nɔ. Pɔ agɛ akpɛ mɛ enu anɔ gɛ ba be lu awɔ̃ nɛabha, klɛ agɛ inu denɔ yɛ kɔ alɛ mɛ tsre kanɔ.”

Axwɛwɛwa 20:27

Alasɛ ɛdɛ yii de nɛ Kpaya tɛpɛpɛ nɛ tɛ bubuɖɔ tsre nɔ shu.

Romanɛ 7:15

Ɛtɛ nu kɛgɛ ɛbhɛtɛ nɛesi. Alasɛ kɛgɛ ɛpɛɛ sɛ tɛ ɛbhɛtɛ ɛtɛɛ bhɛtɛ, pɔ kɛgɛ edɛ pɛɛ kɛlɛ mɛ ɛbhɛtɛ.

1 Kɔrintioanɛ 2:16

“Pɔ ane ye nyi Apalete nɛ tɔkpui mɛ gɛ ebe tsrenɛ yɛ?” Pɔ Kristo yɛ tɔkpui mɛ bui kɛlɛ lɛ bu lɔ ahwɛ.

Galatianɛ 4:6

Alasɛ bu nu beyi, Kpaya akpɛ yɛ Yi anɛ Ɔfufɔɛ nɛ bulɔ idzyi mɛ, Ɔfufɔɛ nɛ gɛ lɔ kpɛ ogugu sɛ “Aka, ma Ka.”

Efesoanɛ 1:9

Klɛ akɔ lɔ ti yɛ tɛpɛpɛɛ ebuikpukpu anɛ yɛ tɛpɛpɛɛ dzyɔgo gɛ abhɛtɛlu nɛ Kristo mɛ,

Efesoanɛ 3:5

gɛ ba dɛ kɔ banɔ nɛ tii nɛ tɛmumɔ bhlatɔɛ anasɛ ɔtsɔnɛ gɛ be bukasɛ aganɔ Kpaya bakpɛkpɛ shubhubhui nɛ batɔnu nɛabha.

Koloseanɛ 1:26

ebuiyinɔanɔ gɛ bayɛkɔ ekpu nɛ kibe dzidze mɛ nɛ̀ tɛmumɔɛ, pɔ ɔtsɔ̃nɛ be bu akasɛ kpayabanɔ.

Filimɔnɛ 1:16

ansɛ anɔ gɛ etie dzi anɔdzidzi, pɔ aba pɛ̃ dɛ anɔdzidzi, aba za ansɛ adzya gɛ ɔɖɔ. Enu anɔ ɖuɖɔ kɔ mɛ pɔ ɔzɔ ɖɔ yɛ ɔdɛ mɛ, ansɛ anyɛ klɛ ansɛ adzya na nɛ Apalete nɛ mɛ.

Yakobo 1:1

Mɛ Yakobo, Kpaya nɛ Apalete Yesu Kristo axwɛdɛ, Kɔ amadi lɔfɔntabha nɛ amadi nɛshi: Ɛsɛnɛ nɔ.

Yakobo 2:23

Klɛ kpayaeplukpa nɛ ka na gɛ kaɖɔ sɛ, “Abraham ayɛkɛ Kpaya bhaŋa, klɛ ba buya kɛlɛ bhɛ akɔ yɛ ansɛ anɔnɛna,” klɛ be kulu yɛ asɛ Kpaya yɛɔbhɛa.

1 Petro 1:11

ba wlãnkɛ sɛ tɛ beti kibe klɛ nɛ la gɛ lalɛ alɛshu kɔ Kristo Ɔfufɔɛ nɛ́ balɛ mɛ akasɛ kibe nɛ gɛ aɖɔ Kristo butɔ anɛ yɛ shu bhubhui gɛ kɛ ba za lɛede.

2 Petro 1:1

Mɛ Simɔn Petro, Yesu Kristo axwɛdɛ anɛ̀ anɔkpɛkpɛ, Ɛŋlɔmɛ keplukpa anɛ akɔ bagɛ ɔganɔ kɛdzyɔgo bhɛbhɛtɛ bulɔ Kpaya anɛ Yesu Kristo gɛ ebhulɔayɛkɛ atɛ mɔ tɛyɛyɛkɛŋa ŋɛŋaedzi anasɛ bulɔ yɛ.

Yuɖa 1:1

Yuɖa, Yesu Kristo axwɛdɛ anɛ Yakobo yɛadzya, Kɔ bagɛ be kulu, gɛ Kpaya Aka nɛ aɖɔ klɛ Yesu Kristo anyɛna evunɔ:

Tɛbubukasɛ 1:1

Yesu Kristo tɛbubukasɛ gɛ, Kpaya akɔ yɛ sɛ tɛ ayɛkɔ kasɛ yɛ baxwɛdɛ kɛgɛ baa ba kɛlɛ mɛ nɛ kibe kplitaa mɛ. Akɔ le ti lɛ ganɔ yɛ kpayaxwɛdɛ nɛ tɛkpɛkpɛ sɛsɛ yɛ axwɛdɛ Yohanɛsɛ,