10 Onugɛ nɔ bhɛtɛ trɔ mɛ ɛshã nɛabha, nɔ bɔ wɔ mɛ tɛdɛdɛmɛnɔ mɛ, anasɛ gɛ ɛbhɛtɛ trɔ mɛ Aka nɛ ɛshã nɛabha klɛ ɛwɔ́ yɛ tɛdɛdɛmɛnɔ mɛ.
Anɔnyanɔ adɛ yɛkɛ ɛkpã nɛ mahwɛ, pɔ mɛ nahwɛ mɛ dɛmɛ ashɛ̃nahwɛ lɛ shu. Kabhaŋɛŋa lɛ mahwɛ sɛ tɛ ɛshɛnahwɛ ɛlɛ shu klɛ kabhaŋɛŋa lɛ sɛ tɛ ɛtsodzi yɛ kɔɛ lɛ. Ɔshãa nɛ mɛ yɛkɛ denɔ mɛ Aka nɔ kɔ.”
Alasɛ ɛdɛ ɖɔ kibui nɛ nɛmɛnahwɛ shu ahwɛ, pɔ Aka nɛ gɛ akpɛ mɛ yɛ akɔ mɛ ɔshã sɛ tɛ ɛɖɔ kɛ gɛ ɛba ɖɔ nɛ ka na gɛ ɛba ɖɔɛ lɛ.
“Onugɛ nɔ dɛmɛnɔ nɛ mɛ, nɔ bɔ bhɛtɛ ɔtrɔ mɛ ɛshã nɛabha.
Anɔ nɛ gɛ ayɛkɛ mɛ ɛshã klɛ abhɛtɛ atrɔ ɛlɛabha, yɛ nu anɔ nɛ gɛ adɛmɛnɔ nɛ mɛ. Anɔ nɛ gɛ adɛmɛnɔ nɛ mɛ mɛ Aka aba dɛmɛnɔ nɛ yɛ, klɛ mɛ tsyɛ ɛba dɛmɛnɔ nɛ yɛ klɛ ɛba yɛkɔ mɛ shu kasɛ yɛ.”
Yesu ebuilɛnu asɛ, “Onugɛ anɔ teli adɛmɛnɔ nɛ mɛ, aba bhɛtɛ atrɔ mɛ kɛdɔkɛkasɛ nɛabha. Mɛ Aka aba dɛmɛnɔ nɛ yɛ, klɛ bu ba ba yɛ ɔkɔ klɛ bu ba yɛ kɔ ɔkɛlɛ bhɛtɛ bulɔ kepi.
pɔ alasɛ tɛ kanɔ nɛ ti sɛ ɛdɛmɛnɔ nɛ mɛ Aka kɛlɛso ɛbhɛ̀tɛ̀ trɔ mɛ Aka ɛshã nɛ gɛ akɔ mɛ nɛabha. “Nɔ ba ɔtsɔlɛ, nɔ kɔ lɔshɛ̃ nɛ ɔkɛnɛ.
Ɛmɛna wɔ kabhakpɛkpɛ nɛ kesukpa nɛa bha, ganɔ kɛxwɛ nɛ gɛ ɔkɔ mɛ nɛ tɛwɛwa beke.
Yesu aɖɔ asɛ, “Mɛ dɔŋɛŋa, ” kɛlɛ nu sɛ “tɛ ebhɛtɛ trɔ agɛ akpɛ mɛ nɛ tɛpɛpɛɛ abha klɛ tɛ ɛwa yɛ axwɛ nɛ beke.
Anɔ nɛ gɛ akpɛ mɛ alɛ mɛ ɔbha, aka ashɛ̃nahwɛ mɛ shu elu, alasɛ kibenyɛbe ɛbhɛtɛ trɔ yɛ ebui pɛpɛɛ nɛabha.”
Kɛlɛlɛmɛ sɛ nɔ tinyi yɛ, mɛ inyi yɛ. Onugɛ ɛɖɔ sɛ ɛtɛ nyi yɛ, ɛba dzi otro lete anasɛ wunɔ. pɔ ɛnyi yɛ klɛ ɛbhɛtɛ trɔ yɛ ebui nɛabha.
Bunyɛnyɛ bhubhui dɛ nu kɛdɔnyɛdɔ klɛ bunyɛnyɛ mabhuimabhui dɛ nu kɛdɔnyɛdɔ. Kpaya ɛshã bha bhɛbhɛtɛ alɛ nu ebui.
Gɔgɔɛ nɛɛ, badzya mɔ, bu kasɛ nɔ kana gɛ nɔ bɔ za sɛ tɛ no ku Kpaya awɔ̃, ansɛ gɛ nɔ lɛ nɛ kɛgbɛagba mɛ. Ɔtsɔ̃ nɛɛ bu bisi denɔ nɔ kɔ klɛ bu tsre nɔ nɛ Apalete Yesu mɛ sɛ nɔ bhɛtɛ ana otsodzini ɔzɔ bhɛtɛ.
Kpayazakɔanɔ ɖɛɖama nɛdi atsyanɔ bulɔ kɛdɔ pɛpɛɛ—agɛ yɛ shu bhui, kɛpɔ ma yɛ shu, ana, alɛ ɔtɔ nɛ banɔ zizi shi, klɛ bakpɛ yɛ nɛabha adɔ flanɔ owũsise.
Kɛ tapɛ̃ kɔalɛdɛ gɛ be di ti kɛdzo kɔ kɛdzyɔgo bhɛbhɛtɛ, dɛ sɛ tɛ be ti lɛ klɛ tɛ be tsyina kede akpɛ ɛshã bhubhui nɛ gɛ bakpɛ kɔ alɛ.
Bu nyi sɛ bu ba sɛ tɛ bu ti yɛ onugɛ bu bhɛtɛ trɔ yɛ ɛshã nɛabha.
Pɔ onugɛ anɔ teli ata yɛ ebui nɛ atɔ, Kpaya tɛdɛdɛmɛnɔ kɛgbɛagba petee lɛ yɛ mɛ. Kɛnɛ kɛlɛ kɔ sɛ bu nyi sɛ bu lɛ yɛ mɛ:
Agɛ ayɔkɔ sɛ alɛ Kpaya mɛ, alasɛ tɛ aga anasɛ gɛ Yesu abhɛtɛ.
Kɛnɛ kɛlɛ nu tɛdɛdɛmɛnɔ nɛ̀ Kpaya, tɛ ɔbhɛtɛ ɔtrɔ yɛ ɛshã nɛabha. Klɛ yɛ ɛshã nɛ dɛ nu kɛdɔ gɛganɛ,
“Bayula bagɛ be plu balɛ bawi, klɛ kidzoenu ba za kɔa lɛ nɛ ɛkpãosi nɛ shu klɛ ba ba ga budunu nɛ etsoku ɔmagbla nɛm.