Yohanɛsɛ 14:26 - ONUGBÙ NYƐNYÃ VUVƆ

²⁶ Pɔ Apɛplɛnɔ, Ɔfufɔɛ Dzyɔgo, gɛ Aka na ba sɛsɛ nɔ nɛ mɛ nyimɛ, lɔ bɔ kasɛ nɔ ebui nɛ petee klɛ lɔ bɔ baka nɔ kibuinyɛbui gɛ ɛtsre nɔ.

Yohanɛsɛ 14:26 ပူးပေါင်းရင်းမြစ်များ

Mateo 1:18

Kana mɛ Yesu Kristo tɛmumɔ nɛ ga pɛ kɛba: Ba kpɛ yɛeni Maria bunuwã akɔ Yosɛfu sɛ tɛ aba gbanɔ, pɔ flogo tɛ la ba zanɛ aglɔ nɛɛ kɛba wɛ̃ sɛ Maria eti munɔ ɛya ganɔ Ɔfufɔɛ Dzyɔgo nɛa bha.

Mateo 1:20

Pɔ kɛlɛede gɛ akpɛ kɛtɔkpum ana nɛɛ, Kpaya axwɛdɛ ebe bu ishu akasɛ yɛ nɛ bulɛla mɛ asɛ, “Yosɛfu Daviti yɛeyi, tɛ si kifu nɛ Maria tɛgbɛgbanɔ vɛnɔ bupa mɛ ansɛ wedzini ana nɛ shu, alasɛ ɛya nɛ gɛ ɛlɛ yɛ shu nɛɛ lɛ de Ɔfufɔɛ Dzyɔgo nɛ ɔkɔ.

Mateo 28:19

Kɛlɛ so, nɔ vɛ tɛ nɔ dɔ bhɛtɛ amadi nɛ petee tɛ le dzi badɔkpasɛ, tɛ nɔ kpɛ buni kɔ banɔ nɛ Aka anɛ Eyi nɛ nyi mɛ anɛ Ɔfufɔɛ dzyɔgo,

Mateo 3:11

“Ɛɛkpɛuni kɔ wɔnɔ nɛ buni kɔ kite mɛ tsyitsyina. Pɔ mɛede anɔ nɛ gɛ alɛ kemi adɛ mɛ aba ba, yɛ butsrukpɔaklɔ tsyɛ ɛdɛ na gɛ ɛba vunɔ. Yɛ aba kpɛuni kɔ nɔ nɛ Ɔfufɔɛ Dzyɔgo anɛ kifu.

Marko 12:36

Deviti nahwɛ nɛ, yɛ kaɖɔɖuɖɔ ganɔ Ɔfufɔɛ Dzyɔgo nɛa bha nɛ, ebu aɖɔ sɛ, “ ‘Apalete na ɖɔ etsre mɛ Apalete nɛ asɛ, “Za mɛ kɛŋa nɛ mɛ ɔdɔ nanɔ kibee lɛ gɛ ɛba yɛkɔ baga dɛ pɛɛ wɔ nɛ ɛkpɛ wɔ butsrukpɔ kesi.”

Marko 13:11

Kibe nɔɔ nɛ gɛ be vu wɔnɔ avɛnɔ kebhui nɛ, nɔ tɛ ganɛ awɔ̃ oputɔnɔ nɛ kibui nɔɔ nɛ gɛ nɔ bɔ ɖɔ. Nɔ ɖɔ kibui nɔɔ nɛ gɛ ba kpɛ wɔnɔ nu nɛ kibee lɛ nɛ mɛ, alasɛ ganɛ wɔnɔ ɖɔ kaɖɔ, Ɔfufɔɛ Dzyɔgo ɔlɛ ɔɖɔ.

Luka 1:15

alasɛ ebe dzi agbɛgbla nɛ Apalete nɛ amɛ. Ama sɛ tɛ awɔɛ̃ bulu ɔdɔgɔsɛ kɛdɔ wuwɔɛ̃ gɛganɛ kanyakaɛ di, klɛ Ɔfufɔɛ Dzyɔgo kuratsyɛ lɔ bo yuku yɛ de nɔ yɛ tɛmumɔɛ mɛ.

Luka 1:35

Axwɛdɛ nɛ ebui lɛ nu asɛ, “Ɔfufɔɛ Dzyɔgo nɛ lɔ bɔ ba wɔa bha, klɛ Agbɛgbladɛ nɛ kemi nɛ kebe kumu wɔ. Kɛlɛ so agɛ yɛ shu bhui gɛ la ba mɔ ba be klu yɛ asɛ Kpaya yɛ Eyi.

Luka 1:41

Gɛ Elizabɛtɛ enu Maria kɛdɔ sɛsɛnɔ nɛ ko, anuvɔ nɛ ahwa nɛ yɛ yamɛ, klɛ Elizabɛtɛ eyuku nɛ Ɔfufɔɛ Dzyɔgo.

Luka 1:67

Yɛ aka Zakaria eyuku nɛ Ɔfufɔɛ dzyɔgo klɛ aɖɔ kibuielu asɛ:

Luka 11:13

Kɛlɛalɛ Onugɛ wɔ nɛlɛmɛ, onu anɔ kpã, tii kɛkɔ nɛ gɛ ɔbɔ kɔ wɔeyia lɛ kɛdɔ dzyɔgo, kɛlɛ wɔ Aka nɛ owũsise aba kɔ Ɔfufɔɛ Dzyɔgo bagɛ be bisi yɛ!”

Luka 2:25

Ɔtsɔnɛ anyɛ tɛli aza Yerusalem gɛ be klu asɛ Simeon, gɛ yɛ shu bhui klɛ aza gɛganɛ nɛ busɔlɛ mɛ. Epo agɛ aba yɔ dzyi kɔ Izraɛlanɛ, klɛ Ɔfufɔɛ dzyɔgo nɛ otsri yɛabha.

Luka 24:49

Ɛba tɛsɛsɛ nɔ kɛgɛ mɛ Aka na ɖɔlu, pɔ nɔ za ɔma gbɛgbla nɛ mɛ, ɔdɔtɔnɔ kibenɔ gɛ ba bayɛkɔ kemi edenɔ owũsise enyumu kɔ nɔ.”

Luka 3:22

klɛ Ɔfufɔɛ dzyɔgo nɛ ozhi ɔba yɛabha nɛ gɔgɔwi tɛzɛza mɛ. Klɛ olimɛ toli oyi denɔ owũsise sɛ: “Wɔ nu mɛ Eyianyɛ, gɛ ɛdɛmɛnɔ, nɛ wɔ shu same eku mɛ mɔmɔ.”

Yohanɛsɛ 1:33

Ɛgɛ ta ti yɛ, ɔdɛsɛ anɔ nɛ gɛ akpɛ mɛ sɛ tɛ ɛkpɛuni kɔ banɔ nɛ buni yɛ tsre mɛ, ‘Anɔ nɛ gɛ nɔ mɔ sɛ Ɔfufɔɛ nɛ zhi ba klɛ lɔ wɔ, yɛ nu agɛ aba kpɛni nɛ̀ Ɔfufɔɛ Dzyɔgo.’

Yohanɛsɛ 12:16

Nɛ kesikpɛkpɛ yɛ badɔkpasɛ be di nu ebuianɛ petee esi. Ba kpɛ Yesu nyi nɛbha kɛlɛede flogo gɛ be ti sɛ ebuinɛ gɛ ba ŋlɔmɛ nɛ yɛ shu klɛ agɛ ba bhɛtɛ ebuianɛ nɛ yɛ shu.

Yohanɛsɛ 14:16

Ɛba bisi Aka, klɛ aba kɔ Apɛplɛnɔ bhlatɔ tɛ aza nɔ ɔbha ɔvɛnɔ mabeke mɛ—

Yohanɛsɛ 14:25

“Ɛɖɔ ebuianɛ petee tsre nɔ nɛ kibe lɛ gɛ ɛlɛ wunɔ bha.

Yohanɛsɛ 15:26

“Kɛbenɔ nɛ gɛ Apɛplɛnɔ aba ba, agɛ yɛ ɛba kpɛ nɛ wunɔ kɔ denɔ Aka nɔ kɔ, kɛgbɛagba Ɔfufɔɛ gɛ lɔ ga koeyi denɔ Kpaya ɔkɔ, aba ɖɔaɖɔ denɔ mɛ shu.

Yohanɛsɛ 16:7

Pɔ itsre nɔ kɛgbɛagba sɛ: Kɛ nu wunɔ tɛ pɛpɛ̃ so gɛ ikoeyi shɛ̃. Kɛ lɛ sɛ ɛdɛ shɛ̃, apɛplɛnɔ atɛ ba ba wunɔ ɔkɔ, pɔ onugɛ ɛshɛ̃, ɛba sɛsɛ nɔ yɛ.

Yohanɛsɛ 2:22

Kɛlɛede gɛ ba nyɛmɛ yɛ denɔ bekpui mɛ, yɛ badɔkpasɛ ba baka kibui nɛ gɛ aɖɔ. Ɔkɛlɛ ba yɛkɛ Kpayaplukpa nɛabhaŋa, nɛ ebui nɛ gɛ Yesu aɖɔ.

Yohanɛsɛ 20:22

Klɛ nɛ kɛlɛlɛ afɔɛ kpɛ alɛ mɛ klɛ aɖɔ sɛ, “Nɔ yɛkɛ Ɔfufɔɛ Dzyɔgo.

Yohanɛsɛ 6:45

Ebuiɖɔlu Ba ŋlɔmɛ nɛ Atɔnu keplukpa nɛ mɛ asɛ: ‘Kpayɛa aba kasɛ alɛ petee dɔ.’ Anɔnyanɔ gɛ ata Aka na tɔ klɛ akpasɛ bui denɔ yɛ ɔkɔ aba ba mɛ kɔ.

Yohanɛsɛ 7:39

Kibui nɛ Ɔfufɔɛ shu bui yɛ aɖɔ, bagɛ balɛ ayɛkɛ yɛ abhaŋa, balɛ tɛ yɛkɛ. Ɔdɔtɔnɔ kɛbelɛlɛ ba ka kɔ yɛ Ɔfufɔɛ, kɛlɛbe ba ka kpɛ Yesu nɛabha.

Axwɛwɛwa 1:2

ɔkɔ dɔ nanɔ kiwi lɛ nɛ gɛ ba yɛkɔ yɛ avɛnɔ owũsise, nɛ kibe lɛ nɛ gɛ aɖɔ kɛxwɛ nɛ gɛ ba baa wa nɛ ganɔ Ɔfufɔɛ Dzyɔgo nɛa bha nɛ etsre yɛ banɔkpɛkpɛ gɛ eklu.

Axwɛwɛwa 1:4

Nɛ kiwi tilia bha, gɛ edzi aŋa kɛdɔ nɛ balɛ, akɔa lɛ ɔshãa na sɛ: “Nɔ tɛ shɛ nɛ Yerusalɛm, pɔ nɔ dzrɔ opo kɛdɔ nɛ gɛ mɛ Aka na ɖɔa sɛ aba kɔnɔ, gɛ klɛ shuibui nɔ tɛ nu denɔ mɛ ɔkɔ gɛ ɛɖɔ.

Axwɛwɛwa 1:8

Pɔ nɔ bɔ yɛkɛ kemi onu gɛ Ɔfufɔɛ Dzyɔgo nɛ ɔɔba wɔnɔa bha, klɛ no bo dzi mɛ bebuimɔɖɔ nɛ Yerusalɛm, klɛ nɛ Yuɖia petee anɛ Samaria, ɔyɛkɔ ɔdɔnanɔ kesukpa nɛ ibekekɔ.”

Axwɛwɛwa 11:16

Ko klɛ mɛ baka kibui nɛ gɛ Apalete nɛ aɖɔ asɛ: Yohanɛsɛ akpɛ buni akɔ anɔ nɛ buni, pɔ wɔnɔ ba ba kpɛ buni kɔ nɔ nɛ Ɔfufɔɛ Dzyɔgo.’

Axwɛwɛwa 13:2

Nɛ kibe lɛ nɛm gɛ ba nya onugbu pɛ ba kpɛ kɛtɔkpuesi kɔ Kpaya nɛɛ, Ɔfufɔɛ Dzyɔgo nɛ ɔɖɔ sɛ, “No bu Banabasɛ anɛ Saolo olu kɔ kɛxwɛ nɛ so pɛ ɛklua lɛ.”

Axwɛwɛwa 13:4

Gɛ Ɔfufɔɛ Dzyɔgo nɛ ɔsɛsɛ balɛ tɛabha nɛ balɛ kidzo gɛga nɛa bha, be zhi avɛ Seleusia klɛ ba da za keniabha denɔ ɔklɛ avɛ Siprɔsɛ.

Axwɛwɛwa 15:28

Edzi ansɛ kɛbɔ kɔ Ɔfufɔɛ Dzyɔgo anɛ kɔ bulɔ sɛ tɛ bu tɛ trɔ wɔnɔa bha nɛ kibuinyɛbui ɔkɔ dɛ ebui bibisia nɛ:

Axwɛwɛwa 15:8

Kpaya, gɛ enyi idzyi mɛ, nɛ ebu akasɛ asɛ ayɛkɛ balɛ aganɔ Ɔfufɔɛ Dzyɔgo nɛ tɛyɛyɛkɔ kɔalɛ mɛ, ansɛ gɛ abhɛtɛ akɔ lɔ.

Axwɛwɛwa 16:6

Paolo anɛ yɛshopoalɛ na nyɔa ganɔ Frigia anɛ Galatia kɛdɔ nɛm pete, gɛ Ɔfufɔɛ Dzyɔgo nɛ ɔdɛ kɔa lɛ kidzo sɛ baɖɔ kibui nɛ Eshia kɛdɔ nɛm.

Axwɛwɛwa 2:33

Be feke yɛ ada kpɛ Kpaya kɛŋahwɛ mɛ, klɛ ayɛkɛ Ɔfufɔɛ Dzyɔgo nɛ edenɔ Yaka ɔkɔ ansɛ gɛ aɖɔelu klɛ atɛ balɛ kɛ gɛ nɔɔ mɔ pɛ noo nu nɛ elu.

Axwɛwɛwa 2:4

Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

Axwɛwɛwa 20:28

No di wɔnɔ shua bha nɛ ibhoshiha nɛ petee gɛ Ɔfufɔɛ Dzyɔgo nɛ ɔbhɛtɛ nɔ sɛ no di ɛlɛa bha. No dzi bagbɛgbanɔ kɔ Kpaya busɔlɛha, gɛ edzi nɛ yɛnahwɛ dzyosu.

Axwɛwɛwa 20:35

Nɛ kɛdɔnyɛdɔ gɛ ɛbhɛtɛ mɛɛ, ɛkasɛ nɔ sɛ ganɔ kɛxwɛ wɛwa gɛganɛɛ nɛ mɛɛ di nɛ lɔ ba na bagɛ ama alɛ ana nu plɛnɔ, anɛ Apalete Yesu nahwɛ nɛ ebui nɛ gɛ aɖɔ nɛ tɛbɛbaka sɛ: ‘Tɛyuyula kpasɛ tɛkukɔm dɛ tɛyɛyɛkɛ.’ ”

Axwɛwɛwa 28:25

Ba taa ba yɛkɛ aglɔ abha aŋa nɛ kibui nɛm klɛ la ba kpaa shɛ nɛ Paolo kibui ɖuɖɔ gɔgɔɛ nɛe de sɛ: “Ɔfufɔɛ Dzyɔgo nɛ ɔɖɔ kɛgba nɛ otsre wɔnɔ bakakuku ganɔ atɔnu Yezaya bha sɛ:

Axwɛwɛwa 5:3

Ɔklɛ Petro asɛ, “Ananiasɛ, kɛlɛɛ lɛ za pɛ abosam ayɛkɛ wɔ idzyim ana pɛ kɛlɛ sɛ tɛ ohu otro tsre Ɔfufɔɛ Dzyɔgo pɛ ɔyɛkɔ ehoeyi nɛ gɛ ɔdɛ kesukpa nɛ teli ɔbala kɔ ishu?

Axwɛwɛwa 7:51

“Wɔnɔ ili gɛganɛ banɔ, idzyim anɛ batɔ mɛ gɛganɛ elete! No ko dzi ko ansɛ wɔnɔa kalɛ, Nɔ wɔ̃lãkɛ ishu nɛ Ɔfufɔɛ Dzyɔgo nɛ kibenyɛbe!

Axwɛwɛwa 7:55

Pɔ Stefano gɛ eyuku nɛ Ɔfufɔɛ Dzyɔgo nɛ edi owũsise klɛ amɔ Kpaya ishuyuyɔ, anɛ Yesu gɛ eli kititi nɛ Kpaya kɛŋam.

Romanɛ 14:17

Alasɛ Kpaya bukusiɔŋakɔ, ganɛ kɛdɔŋɛŋa anɛ kɛdɔwɛ̃wɛ bui, pɔ tɛnɛnamɛzɛza, ishuyuyɔ anɛ same nɛ Ɔfufɔɛ Dzyɔgo nɛ mɛ,

Romanɛ 15:13

Kɔ kidzoenu didi Kpaya nɛ eyuku nɔm nɛ same anɛ ishuyuyɔ ansɛ gɛ nɔ yɛkɛ yɛa bha ɔŋa, sɛ tɛ no bo yuku ɔgbɛgba nɛ kidzoenu didi ganɔ Ɔfufɔɛ Dzyɔgo anɛ kemi mɛ.

Romanɛ 15:16

sɛ idzi Kristo Yesu kibui nɛ aɖuɖɔ kɔ bagɛ ba dɛ yɛkɛaŋa plɛnɔ kpayanɔ axwɛwa kɔ Kpaya kibui dzyɔgo nɛ tɛɖuɖɔ, sɛ tɛ bagɛ ba dɛ yɛkɛaŋa ne be dzi beyi gɛ Kpaya aba yɛkɛ, gɛ Ɔfufɔɛ Dzyɔgo nɛ ɔtrɔahwɛ.

Romanɛ 5:5

Klɛ kidzoenu didi tɛ wɛɛ lɔ, alsɛ Kpaya atɛ balɛ yɛ tɛɖuɖɔ nɛ akpɛ bulɔ idzyi nɛm ganɔ Ɔfufɔɛ Dzyɔgo nɛa bha, gɛ atɛ yɛkɔ akɔ lɔ.

1 Kɔrintioanɛ 12:3

Kɛlɛ so itsre nɔ sɛ anɔnyanɔ ama gɛ aɖɔaɖɔ ganɔ Kpaya Ɔfufɔɛ abha gɛ aba ɖɔ asɛ, “ba ɖɔɛ bui akpɛ Yesu” klɛ anɔnyanɔ atɛ ba na ɖɔ sɛ, “Yesu enu Apalete, gɛ odu nu sɛ ganɔ Ɔfufɔɛ nɛa bha.”

1 Kɔrintioanɛ 6:19

Nɔ ti nyi sɛ wunɔ shuidzya nɛ nu busɔlɛvu kɔ Ɔfufɔɛ Dzyɔgo, gɛ lɔ lɛ wunɔ mɛ, gɛ nɔ yɛkɛ de Kpaya kɔ? Nɔ ma wunɔ ishuahwɛ,

2 Kɔrintioanɛ 13:14

Kɔ Apalete Yesu Kristo ɛyamyuyɔ, anɛ Kpaya tɛdɛdɛmɛnɔ, anɛ Ɔfufɔɛ Dzyɔgo ɔhakpɛkpɛ lɔ za plɛnɔ wɔnɔ petee.

2 Kɔrintioanɛ 6:6

nɛ́ kɛdzyɔgoɛ, kibuiesinunu, tɛdudɔfɔɔ̃ anɛ̀ ɛyamyuyɔ, nɛ́ Ɔfufɔɛ Dzyɔgoe mɛ anɛ̀ tɛdɛdɛmɛnɔ dzyɔgo,

Efesoanɛ 1:13

Klɛ wɔnɔ tsyɛ be klu nɔ akpɛ Kristo mɛ kibe lɛlɛ nɛ gɛ nɔ nu kibui gbɛagba, kibui dzyɔgo kɔ nɔ tɛbhubhuiyɛkɛ. Tɛyɛyɛkɛŋa kede, bakpɛ nɔ susu nɛ yɛ mɛ nɛ̀ kɛklãgbu tɛtɛtrɔ, tɛ nɔ yɛkɛ Ɔfufɔɛ Dzyɔgo ɖuɖɔlu,

Efesoanɛ 1:17

Itsri lɛabha bisi sɛ bulɔ Apalete Yesu Kristo Kpaya, ishubhubhui Aka akɔ nɔ Ɔfufɔɛ kibuinyinyi anɛ tibubukasɛ, sɛ tɛ nɔ tii yɛ ɔdɛ ana.

Efesoanɛ 4:30

Nɔtɛ bhɛtɛ kɛdɔ gɛ kɛba puɛ Kpaya Ɔfufɔɛ dzyɔgo, ɔlɛ laba kɔ kpɛ nɔ susu nɛ kiwui nɛabha gɛ ba bebhui nɔ yɛkɛ.

1 Tɛsolonianɛ 4:8

Kɛlɛ so, anɔ nɛ gɛ adɛ yɛkɛ kɛdɔkɛkasɛ ganɛ anɔ yɛ adɛ yɛkɛ, pɔ Kpaya, nɛ gɛ aakɔ nɔ yɛ Ɔfufɔɛ Dzyɔgo.

2 Timotio 1:14

Nyɛna kɛdɔbɛbala dzyɔgo nɛ gɛ bayɛkɔ akpɛ wɔahwɛ nɛ gɛganɛɛ, tɛ opoe lɛ ganɔ Ɔfufɔɛ Dzyɔgo nɛ gɛ ɔkpasɛ bulɔ mɛ nɛ tɛpɛplɛnɔ mɛ.

Titusɛ 3:5

ebu lɔ, ganɛ bulɔ ebui dzyɔgo bhɛbhɛtɛ so, pɔ alasɛ yɛ eshutukubui didi nɛ so. Ebu lɔ ganɔ bulɔ tɛtsitsodzinimɔ nɛ tɛtsidzoni ɔbhɛtɛ avuvɔ ganɔ Ɔfufɔɛ Dzyɔgo nɛa bha,

Hebriuanɛ 10:15

Ɔfufɔɛ Dzyɔgo nɛ tsyɛ lɔɖɔ tsre lɔ nɛ kɛnɛ nɛ shu. Putɔ aɖɔ sɛ:

Hebriuanɛ 2:4

Kpaya tsyɛ ebuilɛ akasɛ nɛ ebuimumɔ, kifuebui anɛ ebuiyinɔanɔ ediedi, anɛ kɛdɔ kukɔ denɔ Ɔfufɔɛ Dzyɔgo nɛ dɔ yɛyakɔ anɔ nɛ yɛ tɛpɛpɛɛ.

Hebriuanɛ 3:7

So anasɛ gɛ Ɔfufɔɛ Dzyɔgo nɔ ɖɔ: “Obo nɛ, onugɛ onu yɛ olimɛ,

Hebriuanɛ 9:8

Ɔfufɔɛ Dzyɔgo nɔ kasɛ sɛ ba dɛdanɛ dzo sɛ tɛ be tsoku Ishudɛdanɛ Ɔzakɔ Ɖɛɖamadɛ kibelɛlɛ nɛ mɛ gɛ kagba tutɔpu ka ke dzi titi.

1 Petro 1:12

Bebu akasɛ alɛ sɛ anɛ balɛ nahwɛ ba dɛ axwɛ kɔ pɔ wũnɔ, kibelɛlɛ gɛ ba ɖɔ ebuianɛ gɛ ɔtsɔnɛ be tsre nɔ bagɛ balɛ ɖɔ Kibui Dzyɔgo kɔ nɔ nɛ Ɔfufɔɛ Dzyɔgo ba sɛsɛ denɔ owũsise. Baxwɛdɛ kuratsyɛ ba pɛɛ kukuku sɛ tɛ be di ebuia nɛ mɛ.

2 Petro 1:21

Alasɛ kibuiɖɔlu kɛtɛde kɛlɛ odekɔ nɛ anɔ tɛ pɛpɛɛ mɛ, pɔ banɔ baɖɔaɖɔ denɔ Kpaya kɔ anasɛ gɛ Ɔfufɔɛ Dzyɔgo nɛ otuku alɛ.

1 Yohanɛsɛ 2:20

Pɔ nɔ yɛkɛ bubɔ sɛsra denɔ Ishubhubhui Anɔ nɛ ɔkɔ, klɛ wũnɔ petee nɔ nyi kɛgbɛagba.

1 Yohanɛsɛ 2:27

Wɔnɔ xũ nɛ, bubɔsɛsra nɛ gɛ nɔ yɛkɛ denɔ yɛ ɔkɔ bu wɔ nɔɛ mɛ, klɛ nɔ dɔ pɛɛ anɔnyanɔ sɛ tɛ akasɛ nɔɛ dɔ. Pɔ anasɛ gɛ yɛ bubɔsɛsra kasɛ nɔ nɛ ebui nɛ petee shu klɛ anasɛ gɛ bubɔsɛsra nɛ nu kɛgbɛagba, ganɛ kɛdɔ gɛ kɛyi dɔ—anasɛ gɛ kɛ kasɛ nɔ, nɔ wɔ yɛ mɛ.

1 Yohanɛsɛ 5:7

Alasɛ kɛdɔ tɛta kɛlɛ ɖɔaɖɔ,

Yuɖa 1:20

Pɔ wɔnɔ, ɛbhɛyalɛ dzyɔgo mɔ, nɔ bhɔ wɔnɔ shu ɔtrɔ nɛ wɔnɔ tɛyɛyɛkɛŋa nɛna dɛ nɛm tɛ no kulukpaya nɛ Ɔfufɔɛ Dzyɔgo nɛm.

Tɛbubukasɛ 2:11

Aanɔ nɛ gɛ batɔ alɛ yɛ, kɔ yɛ enu kɛgɛ Ɔfufɔɛ nɛ ɔɔɖɔ tsre busɔlɛha. Aanɔ nɛ gɛ aŋɛabha butsi bhla nɛ tɛ ba zi kɛdɔnyɛdɔ nɛ yɛ shu.