Yohanɛsɛ 14:24 - ONUGBÙ NYƐNYÃ VUVƆ

²⁴ Anɔ gɛ adɛ dɛmɛnɔ nɛ mɛ atɛba bhɛtɛ atrɔ mɛ kɛdɔkɛkasɛ nɛabha. Ebuianɛ gɛ nɔ nu le dinu mɛnahwɛ ayɛ, le nu Aka nɛ gɛ akpɛ mɛ nɛ ayɛ.

Yohanɛsɛ 14:24 ပူးပေါင်းရင်းမြစ်များ

Mateo 19:21

Yesu asɛ, “Onu gɛ ɔpɛɛ sɛ tɛ ɔna, vɛ dɔ dɛ wɔ kɛnɔmɛdɔ nɛ gɛ lɛ wɔ ahwɛ tɛ ɔyɛkɔ ehoeyi nɛ ɔkɔ betsyutsyuini, klɛ kɛnɔmɛdɔ ba za wɔahwɛ nɛ owũsise. Tɛ otsodzi ɔba tɛ ɔbɔ za mɛe de.”

Yohanɛsɛ 14:10

Nɔ dɛ yɛkɛŋa sɛ ɛlɛ Aka nɛ mɛ klɛ Aka nɛ alɛ mɛ mɛ? Ebui nɛ gɛ ɛɖɔ tsre nɔ le di de mɛnahwɛ ɔkɔ. Pɔ nɛ Aka nɛ, gɛ alɛ mɛ mɛ yɛ abhɛtɛ yɛ xwɛ.

Yohanɛsɛ 14:15

“Onugɛ nɔ dɛmɛnɔ nɛ mɛ, nɔ bɔ bhɛtɛ ɔtrɔ mɛ ɛshã nɛabha.

Yohanɛsɛ 14:25

“Ɛɖɔ ebuianɛ petee tsre nɔ nɛ kibe lɛ gɛ ɛlɛ wunɔ bha.

Yohanɛsɛ 3:11

Itsre wɔ gbɛagba sɛ, bu ɖɔ kɛdɔnɔ gɛ bu nyi, klɛ bu ɖɔ ɛbuimɔɖɔ kɔ kɛgɛ bu mɔ, pɔ tsyɛ wunɔ banɔ anɛ nɔ dɛ yɛkɛ bulɔ kibuimɔɖɔ.

Yohanɛsɛ 3:34

Alasɛ anɔ nɛ gɛ Kpaya asɛsɛ aɖɔ Kpaya ebui, alasɛ Kpaya akɔ Ɔfufɔɛ gɛ lɔ tɛ beke.

Yohanɛsɛ 5:19

Yesu akɔ alɛ kesinunuɛ nɛ sɛ “Itsrenɔ kɛgbɛagba sɛ, Eyianyɛ atɛ babhɛtɛ kɛdɛnyɛdɔ nɛ yɛnahwɛshu ahwɛ, abana abhɛtɛ kɛ gɛ ko amɔ yɛ Aka abhɛtɛ, alasɛ kɛkanyaka gɛ Aka nɛ abhɛtɛ klɛ Eyianyɛ nɛ tsyɛ abhɛtɛ.

Yohanɛsɛ 5:38

ɔdɔgɔsɛ yɛ kibui nɛ lɛ wɔ mɛ, alasɛ nɔ dɛ yɛkɛ agɛ akpɛ nɛabhaŋa.

Yohanɛsɛ 7:16

Yesu ebuilɛnu asɛ, “Mɛ dɔ kɛkasɛ nɛ di de mɛnahwɛ ɔkɔ. Kɛde anɔ nɛ gɛ akpɛ mɛ nɛ ɔkɔ.

Yohanɛsɛ 7:28

Kɛlɛ Yesu eke tsri kɛdɔkɛkasɛ nɛabha nɛ kpayavu oxogokɔ, akpɛ ogugu gɛganɛɛ asɛ, “Ee, nɔ nyi mɛ, klɛ nɔ nyi ɔkɛlɛ gɛ ide. Ɛma ɔkɛnɛ nɛ mɛnahwɛ shuahwɛ, pɔ anɔ nɛ gɛ akpɛ mɛ yɛ nu gbɛagba. Nɔ ti nyi yɛ,

Yohanɛsɛ 8:26

“Ebui gelee alɛ mɛ ahwɛ gɛ ɛba kɔ klu kebhui nɛ nɔ. Pɔ agɛ akpɛ mɛ enu anɔ gɛ ba be lu awɔ̃ nɛabha, klɛ agɛ inu denɔ yɛ kɔ alɛ mɛ tsre kanɔ.”

Yohanɛsɛ 8:28

Kɛlɔso Yesu aɖɔ sɛ, “Kibenɔ gɛ nɔ feke Anɔdzyrame Yi ɔkpɛ abha, flogo gɛ nɔ bɔ ti sɛ mɛ nu yɛ gɛ ɛɖɔ sɛ inu klɛ ɛtɛ bhɛtɛ kɛdɔnyɛdɔ nɛ mɛ nahwɛshu ahwɛ pɔ ɛɖɔ kɛbui nɛ ko gɛ Aka nɛ akasɛ mɛ.

Yohanɛsɛ 8:38

Itsre nɔ kɛdɔ nɛ gɛ ɛmɔ denɔ ma Aka nɔ kɔ, klɛ nɔ bhɛtɛ kɛ dɔnɔ gɛ nɔ nu denɔ wunɔ aka kɔ.”

Yohanɛsɛ 8:42

Yesu etsre alɛ sɛ, “Onugɛ Kpaya ebe dzi wunɔ Aka, nɔ tɔ dɛmɛnɔ nɛ mɛ alasɛ ɛde Kpaya ɔkɔ klɛ ɔtsɔnɛ ɛlɛ ɔkɛ nɛ. Ɛdɛ ba nɛ mɛ nahwɛ shui mɛ, pɔ ya kpɛ mɛ.