Yohanɛsɛ 14:17 - ONUGBÙ NYƐNYÃ VUVƆ

¹⁷ ɔlɛ nu Ɔfufɔɛ gbɛagba. Kanɔ ka tɛ bana yɛ ayɛkɛ, alasɛ ka ta mɔ yɛ klɛ ke ti nyi yɛ. Pɔ nɔ nyi yɛ, alasɛ alɛ wunɔ bha klɛ alɛ wunɔɛ mɛ.

Yohanɛsɛ 14:17 ပူးပေါင်းရင်းမြစ်များ

Mateo 10:20

alasɛ kɛ tɛ ba dzi sɛ wɔnɔ ɖɔ kaɖɔ, pɔ wɔnɔ Aka nɛ Ɔfufɔɛ nɛ ɔlɛ ɔbɔ ɖɔ kaɖɔ nɛ ɔganɔ wɔnɔa bha.

Yohanɛsɛ 14:16

Ɛba bisi Aka, klɛ aba kɔ Apɛplɛnɔ bhlatɔ tɛ aza nɔ ɔbha ɔvɛnɔ mabeke mɛ—

Yohanɛsɛ 14:23

Yesu ebuilɛnu asɛ, “Onugɛ anɔ teli adɛmɛnɔ nɛ mɛ, aba bhɛtɛ atrɔ mɛ kɛdɔkɛkasɛ nɛabha. Mɛ Aka aba dɛmɛnɔ nɛ yɛ, klɛ bu ba ba yɛ ɔkɔ klɛ bu ba yɛ kɔ ɔkɛlɛ bhɛtɛ bulɔ kepi.

Yohanɛsɛ 15:26

“Kɛbenɔ nɛ gɛ Apɛplɛnɔ aba ba, agɛ yɛ ɛba kpɛ nɛ wunɔ kɔ denɔ Aka nɔ kɔ, kɛgbɛagba Ɔfufɔɛ gɛ lɔ ga koeyi denɔ Kpaya ɔkɔ, aba ɖɔaɖɔ denɔ mɛ shu.

Yohanɛsɛ 16:13

Pɔ kibenɔ nɛ gɛ yɛ, kɛgbɛagba Ɔfufɔɛ, nɔ ba, aba gbanɔ lɔ kpɛ kɛ gbɛagba petee mɛ. Atɛ ba ɖɔaɖɔ nɛ́ yɛnahwɛ shu ahwɛ, aba ɖɔ kɛgɛ enu nɛ ko, klɛ aba ɖɔ tsre nɔ kɛ gɛ kɛ ba ba.

Yohanɛsɛ 6:40

Alasɛ Maka yɛ tɛpɛpɛɛ kɛlɛ nu sɛ anɔnyanɔ gɛ edi Eyi klɛ ayɛkɛ yɛ abhaŋa aba mɔ ɛkpã gɛ tɛ ba beke, klɛ ɛba nyɛmɛ yɛ kpɛ kabha nɛ kiwui gugɔɛ nɛabha.”

1 Kɔrintioanɛ 14:15

So kɛde mɛ ɛba bhɛtɛ? Ɛba klukpaya nɛ mɛ ɔfufɔɛ, pɔ mɛ tsyɛ ɛba klukpaya nɛ́ mɛ tɔkpuimɛ, ɛba zha ɔdzɛ nɛ mɛ ɔfufɔɛ, pɔ mɛ tsyɛ ɛba zha ɔdzɛ nɛ́ mɛ tɔkpuimɛ.

1 Kɔrintioanɛ 2:14

Anɔ nɛ gɛ Ɔfufɔɛ ɔma yɛ mɛ atɛ yɛkɛ dɔ denɔ Kpaya Ɔfufɔɛ mɛ, alasɛ lenu agãebui kɔ yɛ, klɛ atɛ be nu alɛesi, alasɛ ɔfufɔɛ mɛ la ba de.

1 Kɔrintioanɛ 3:16

Nɔ ti nyi sɛ wunɔ nahwɛ no nu Kpaya buvu klɛ Kpaya Ɔfufɔɛ lɔ lɛ wunɔɛ mɛ?

1 Kɔrintioanɛ 6:19

Nɔ ti nyi sɛ wunɔ shuidzya nɛ nu busɔlɛvu kɔ Ɔfufɔɛ Dzyɔgo, gɛ lɔ lɛ wunɔ mɛ, gɛ nɔ yɛkɛ de Kpaya kɔ? Nɔ ma wunɔ ishuahwɛ,

2 Kɔrintioanɛ 13:5

Nɔ vɛ wunɔnahwɛ shui mɛ odi sɛ kɛlɛlɛ mɛ sɛ nɔ lɛ tɛyɛyɛkɛŋa mɛ, wunɔnahwɛ nɔ di lɛ mɛ. Nɔ dɛ mɔ lɛ sɛ Kristo Yesu alɛ wunɔɛ mɛ—kɛlɛmaza, kɛlɛlɛmɛ, nɔ dɛna tɛbibisi nɛesi bu?

2 Kɔrintioanɛ 6:16

Tɛnyɛnya ɖueɖu kɛlɛ lɛ Kpaya busɔlɛvu anɛ̀ obudi shu? Alasɛ bulɔ nu Kpaya lulu busɔlɛvu. Anasɛ gɛ Kpaya aɖɔ, “Ɛba za nɛ alɛ klɛ ɛba ga nɛ balɛ shi, klɛ ɛba dzi balɛ Kpaya, klɛ ba be dzi mɛ banɔ.”

Galatianɛ 4:6

Alasɛ bu nu beyi, Kpaya akpɛ yɛ Yi anɛ Ɔfufɔɛ nɛ bulɔ idzyi mɛ, Ɔfufɔɛ nɛ gɛ lɔ kpɛ ogugu sɛ “Aka, ma Ka.”

Efesoanɛ 2:22

Klɛ nɛ yɛ mɛ wɔnɔ tsyɛ ba bhɔ nɔ exogo tɛ nɔ bɔ dzi ɔzakɔ nɛ ɔkɛlɛ gɛ Kpaya alɛ nɛ yɛ Ɔfufɔɛ.

Efesoanɛ 3:17

sɛ tɛ Kristo aba za wɔnɔ idzyi mɛ ganɔ tɛyɛyɛkɛŋa abha. Klɛ ibisi sɛ wɔnɔ, nɔ kpɛ igu nɛ anɔ tɛtɛdzuesi mɛ nɛ tɛdɛdɛmɛ nɛ anɔ mɛ,

Koloseanɛ 1:27

Kɔ ba gɛ Kpaya eklu tɛ akɔ balɛmɛ Bagɛdinu Yuɖanɛ tii kabhaŋɛŋa ehueyi yɛ ebuikpukpu gɛ kɛ nu Kristo nɛ wɔnɔɛ mɛ, kidzoenu didi kabhaŋɛŋa.

2 Timotio 1:14

Nyɛna kɛdɔbɛbala dzyɔgo nɛ gɛ bayɛkɔ akpɛ wɔahwɛ nɛ gɛganɛɛ, tɛ opoe lɛ ganɔ Ɔfufɔɛ Dzyɔgo nɛ gɛ ɔkpasɛ bulɔ mɛ nɛ tɛpɛplɛnɔ mɛ.

1 Yohanɛsɛ 2:27

Wɔnɔ xũ nɛ, bubɔsɛsra nɛ gɛ nɔ yɛkɛ denɔ yɛ ɔkɔ bu wɔ nɔɛ mɛ, klɛ nɔ dɔ pɛɛ anɔnyanɔ sɛ tɛ akasɛ nɔɛ dɔ. Pɔ anasɛ gɛ yɛ bubɔsɛsra kasɛ nɔ nɛ ebui nɛ petee shu klɛ anasɛ gɛ bubɔsɛsra nɛ nu kɛgbɛagba, ganɛ kɛdɔ gɛ kɛyi dɔ—anasɛ gɛ kɛ kasɛ nɔ, nɔ wɔ yɛ mɛ.

1 Yohanɛsɛ 3:24

Bagɛ ba tatɔ nɔ yɛ ɛshã balɛ yɛ mɛ klɛ alɛ balɛ mɛ. Klɛ kɛnɛ kɛlɛ kɔ sɛ bu nyi sɛ alɛ bu lɔɛ mɛ: Bu nyi lɛ denɔ Ɔfufɔɛ nɛ gɛ akɔ lɔ nɛ mɛ.

1 Yohanɛsɛ 4:4

Wunɔ, banuvɔ mumɔa, nɔ de Kpaya kɔ klɛ nɔ ŋa ɛlɛabha, alasɛ agɛ alɛ wunɔɛ mɛ etri adɛ ɔgɛ lɔ lɛ kanɔ nɛ mɛ.

1 Yohanɛsɛ 4:6

Bulɔ bu de Kpaya ɔkɔ, klɛ anɔ nɛ gɛ enyi Kpaya aba ta bulɔ atɔ, pɔ anɔ nɛ gɛ edi de Kpaya atɛ ba ta bulɔ atɔ. Kɛnɛ kɛlɛ kɔ sɛ bu ba ti Ɔfufɔɛ kɛgbɛagba anɛ̀ otro ɔfufɔɛ.

1 Yohanɛsɛ 5:7

Alasɛ kɛdɔ tɛta kɛlɛ ɖɔaɖɔ,

Tɛbubukasɛ 2:17

Aanɔ gɛ batɔ alɛ yɛ, kɔ yɛ enu kɛ gɛ Ɔfufɔɛ nɛ otsre basɔlɛha. Agɛ yɛ aŋɛabha, ɛba kɔ yɛ mɛ tɛkpukpu mɛ ofomɛŋɛŋa. Ɛba kɔ yɛ tsyɛ kɛklãgbu fufu nɛ gɛ ba ŋlɔmɛ kinyi vuvɔ atrɔ kɛlɛa bha, gɛ agɛ yɛ ayɛkɛ lɛ nɛ ko yɛ enyi lɛ.