Yohanɛsɛ 13:18 - ONUGBÙ NYƐNYÃ VUVƆ

¹⁸ “Anɛ nɔ petee mɛ ɖɔ, enyi ba gɛ eklu. Pɔ sɛ tɛ Kpaya bui nɛ bɛlɛmɛ, ‘Anɔ nɛ gɛ bulɔ nɛ yɛ bu kpahwɛ kɛsugbɛ tirikpo mɛ, yɛ alɔ kititi nɛ mɛ shu.’

Yohanɛsɛ 13:18 ပူးပေါင်းရင်းမြစ်များ

Mateo 10:36

banɔ nɛ gɛ ba dɛ pɛɛ anɔ teli bui be de yɛ bupa mɛ.’

Mateo 26:21

Klɛ gɛ bedzi aŋa kɛdɔ nɛɛ, aɖɔ asɛ, “Itsre nɔ kɛgba nɛ sɛ, wɔnɔ ɔmɛayɛ teli yɛ aba ga mɛesi.”

Mateo 26:23

Yesu ebu kɛlɛ nu asɛ, “Anɔ nɛ gɛ aakpahwɛ kesugba mɛ nɛ mɛ, yɛ aba ga mɛesi.

Marko 14:17

Gɛ owulago nɛ ɔna, Yesu ebe ku nɛ yɛ Kɛfɔntɛabha.

Marko 14:18

Kibee lɛ gɛ bedzi pɛ baa ŋa kɛdɔ nɛɛ, Yesu asɛ, “Itsre wɔnɔ kɛgba, wɔnɔ mɛayɛ teli aba yɛkɔ mɛ akpɛ ahwɛ edzi aŋa kɛdɔ nɛ mɛ.”

Marko 14:20

Ebui lɛ nu asɛ, “Kɛfɔntɛabha nɛ ɔmɛayɛ teli,” “agɛ yɛa kpɛahwɛ kesugba tierikpo mɛ nɛ mɛ.

Luka 22:21

Pɔ ɔhwɛ gɛ lɔbɔ yɛ kɔ mɛ akpahwɛ, lɔ lɛ plɛnɔ mɔyɛ nɛ kɛdɔɛnɛ ɔŋa kɔ.

Yohanɛsɛ 13:21

Gɛ aɖɔ kibui nɛ bekɛ, Yesu dzyi ahwa nɛ́ ɔfufɔɛ mɛ, klɛ aɖɔaɖɔ sɛ, “Itsre nɔ kɛgba, wunɔ mayɛ terikpo aba yɛkɔmɛ atɛ kpɛ ahwɛ.”

Yohanɛsɛ 13:22

Yɛ badɔkpasɛ be yele aglɔ, be di lɛmɛ sɛ tɛ be ti balɛ ɔmayɛ gɛ aɖɔ.

Yohanɛsɛ 13:26

Yesu etsre alɛ sɛ, “Anɔ nɛ gɛ ɛba yɛkɔ gbɛ̃gbɛ̃vu kapɛa nɛ kɔ kibe lɛ gɛ ɛkpɛa lɛ nɛ kesugba nɛ mɛ beke.” Ɔkɛlɛ ayɛkɔ gbɛ̃gbɛ̃vu kapɛ nɛ etsu kesugba nɛ mɛ klɛ ayɛkɔ akɔ Yuɖasɛ Iskarɔtɛ, Simɔn yɛ yi.

Yohanɛsɛ 15:16

Anɛ́ wunɔ klu mɛ, pɔ mɛ klu nɔ klɛ ebu nɔ sɛ nɔ vɛ klɛ tɛ nɔ yu eyuyu—eyuyu gɛ la ba za vɛnɔ. Kɛlɛ Aka aba kɔ nɔ kɛdɔnyɛdɔ gɛ nɔ bisi nɛ mɛ nyi mɛ.

Yohanɛsɛ 15:19

Onugɛ nɔ nu kanɔ na yɛ, ka ba dɛmɛnɛ nɔ anasɛ kalɛ nahwɛ ayɛ. Anasɛ gɛ kɛ nu, nɔ dɛ nu kanɔ nɛ ayɛ, pɔ iklu nɔ denɔ kanɔ nɛ mɛ. Kɛlɛso gɛ kanɔ kegu nɔ.

Yohanɛsɛ 15:25

Pɔ kɛnɛ nɛ kɛlɛ nu sɛ tɛ kɛ bɛlɛmɛ kɛgɛ baŋlɔmɛ akpɛ balɛ ɛshã kɛkplukpa nɛ mɛ: ‘Be gu mɛ anɛ kibuinyɛbui shu so.’

Yohanɛsɛ 17:12

Kɛbelɛlɛ gɛ ɛlɛ ba lɛ ɔbha ɛkpɛ buka kpɛ alɛ klɛ idi ba lɛabha mɔmɔ ganɔ kɛ nyi gɛ ɔkɔ mɛ nɛabha. Anɔnyanɔ adɛ lɛla ɔdɛ nu agɛ yɛ ba trɔ sɛ tɛ alɛla nɛ sɛ tɛ be bu Kpayaplukpa mɛ ebui nɛ akasɛ.

Yohanɛsɛ 18:32

Kibui nɛ bɛlɛmɛ sɛ tɛ ebui nɛ gɛ Yesu aɖɔ lu nɛ̀ yɛ butsi nɛdi gɛ ebe tsi tɛ kɛ bɛlɛmɛ.

Yohanɛsɛ 19:24

Baɖɔ tsee ɛhaglɔ sɛ, “Nɔ tɛ kɔlɔ tsyuɛ̃ yɛ. Nɔ kɔlɔ bisi dɔ agɛ yɛabha lɛ dɔ yɛ ayɛkɔ.” Kɛnɛ kɛ bɛlɛmɛ sɛ kpayakeplukpa nɛ bui bɛlɛmɛ gɛ kɛɖɔ sɛ, “Ba yɛkɔ mɛ kɛdɔ kpɛkpɛ akpɛ aglɔmɛ klɛ bawlãkɛ mɛdɔ kpɛkpɛ dzidze.” So kɛnɛ keyutugbani nɛ abhɛyɛ.

Yohanɛsɛ 19:36

Kɛbui nɛ bɛlɛmɛ sɛ tɛ Kpayaplukpa bui nɛ bɛlɛmɛ, “Yɛ xwa terikpo tsyɛ be tibe dzyini,”

Yohanɛsɛ 21:17

Butramɛ aza ɖɔ tsre asɛ, “Simɔnɛ Yohanɛsɛ yɛ eyi, ɔdɛmɛ mɛ bui xã?” Kɛ puɛ Petro alasɛ butramɛ nyɔ na gɛ Yesu ebisi yɛ bui nɛ sɛ, “Ɔdɛmɛ mɛ bui?” Aɖɔ sɛ, “Apalete, ɔnyi ebui nɛ petee; onyi sɛ ɛdɛmɛ wɔɛ bui.” Yesu aɖɔ sɛ “Kɔ mɛ ibhoshi nɛ kɛdɔŋɛŋa.

Yohanɛsɛ 6:70

Yesu ebuilɛnu asɛ, “Anɛ mɛ klu nɔ banɔ lɔfɔ nɛtiabha? Pɔ sɛ wunɔ mayɛ teli enu Abonsam!”

Axwɛwɛwa 1:16

klɛ asɛ, “Badzya mɔ, alasɛ tɛ Kpayɛbui ŋuŋlɔmɛ nɛ ba kɛlɛm gɛ Ɔfufɔɛ Dzyɔgo nɛ ɔɖɔ kukuuku ganɔ Daviti onugbu mɛ denɔ Yuɖasɛ nɛ gɛ akɔ bagɛ be vu Yesu nɛ tɛpɛplɛnɔ.

Axwɛwɛwa 1:2

ɔkɔ dɔ nanɔ kiwi lɛ nɛ gɛ ba yɛkɔ yɛ avɛnɔ owũsise, nɛ kibe lɛ nɛ gɛ aɖɔ kɛxwɛ nɛ gɛ ba baa wa nɛ ganɔ Ɔfufɔɛ Dzyɔgo nɛa bha nɛ etsre yɛ banɔkpɛkpɛ gɛ eklu.

2 Kɔrintioanɛ 4:5

Alasɛ bu tɛɖɔ kibui denɔ bulɔnahwɛ shu, pɔ Yesu Kristo anasɛ Apalete, klɛ bulɔnahwɛ anasɛ wunɔ axwɛdɛ nɛ Yesu tɔkpu.

Hebriuanɛ 4:13

Kɛdɔnyɛdɔ nɛ kɛdɔ bhɛbhɛtɛ nɛ shi nɛ dɛ kpu nɛ Kpaya amɛ. Ba dɛda kɛdɔnyɛdɔ dɔ klɛ kɛdanɛ li agɛ alasɛ bu bhɛtɛ akɔnta kɔ nɛ amɛ.

Tɛbubukasɛ 2:23

Ɛba husi yɛeyialɛ nɛ yi. Kɛlɛ basɔlɛha nɛ petee be be ti asɛ mɛ nu agɛ yɛ edi idzyi anɛ atɔkpu mɛ, klɛ ɛba buya kɛbhɛ kɔ anɔnyanɔ nɛ yɛ tɛbhɛbhɛtɛ nɛ nu.