Yohanɛsɛ 12:42 - ONUGBÙ NYƐNYÃ VUVƆ

⁴² Nɛ kibe lɛlɛ mɛ be gelee tsyɛ nɛ bagbɛgbanɔ nɛ mɛ ba yɛkɛ yɛ abhaŋa. Pɔ alasɛ Farisianɛ nɛ so ba dɛ bu ba lɛ tɛyɛyɛkɛŋa na kasɛ, alasɛ bɛ sifu sɛ ba be bu alɛ nɛ oxogokɔvu nɛ mɛ,

Yohanɛsɛ 12:42 ပူးပေါင်းရင်းမြစ်များ

Mateo 10:32

“Anɔnyanɔ gɛ aabaka mɛ bui nɛ banɔdzyrame amɛ, mɛ tsyɛ ba baka yɛ bui nɛ Maka nɛ gɛ alɛ owũsise nɛ amɛ.

Luka 12:8

“Itsre nɔ sɛ, anɔ nɛ gɛ aba dɛmɛ sɛ yɛ ayɛ enu nɛ́ banɔ amɛ, Anɔdzyrame Eyi tsyɛ aba dɛmɛ sɛ yɛ ayɛ yɛ nu nɛ Kpaya axwɛdɛ nɛ amɛ.

Luka 23:13

Pilato eklu exogo, kpayaɔzakɔanɔ ekusi, bamani nɛ̀ banɔ,

Luka 6:22

Bayula nɔ kɛbelɛlɛ nɛ gɛ banɔ egu nɔ, onugɛ bebunɔ nɛ balɛshi klɛ ba kula nɔ klɛ beklu wunɔe nyi anasɛ bezizi, alasɛ nɛ Anɔdzyrame yɛ Eyi nɛ shu.

Yohanɛsɛ 11:45

Kɛlɛso Yuɖanɛ gelee gɛ ba ba sɛ tɛ ba da sɛnɛ Maria, gɛ ba mɔ kɛdɔ nɛ gɛ Yesu abhɛtɛ, ba yɛkɛ yɛ abhaŋa.

Yohanɛsɛ 12:11

alasɛ yɛ so Yuɖanɛ gelee bavɛ Yesu abha klɛ bayɛkɛ Yesu abhaŋa.

Yohanɛsɛ 16:2

Ba be bu nɔ nɛ oxogokɔvu nɛ mɛ, kɛgbɛagba, kibe ba gɛ anɔnyanɔ gɛ eyi nɔ aba yɛ kɔ sɛ adɛ xwɛ kɔ Kpaya.

Yohanɛsɛ 19:38

Nɛ kɛlɛede, Yosɛfu nɛ Arimatia ede bisi Pilato sɛ tɛ atsyɛnahwɛ Yesu tsitsi akɔ yɛ. Ɔtsyɔnɛ Yosɛfu edzi Yesu adɔkpasɛ, pɔ nɛ́ tɛkpukpuimɛ alasɛ esi Yuɖanɛ nɛ fu. Nɛ Pilato kidzokukɔ abha avɛ klɛ ada yɛkɔ Yesu tsitsi ashɛ̃nɔ.

Yohanɛsɛ 3:2

Aba Yesu ɔbha elishi teli klɛ aɖɔ sɛ, “Rabbi, bunyi sɛ wɔnu adɔkasɛ gɛ ede Kpaya kɔ. Alasɛ anɔnyanɔ atɛ bana ebuiyinɔanɔ kɛdɔmumɔ nɛ gɛ ɔbhɛtɛ nɛ abhɛtɛ, onugɛ Kpaya ama plɛnɔ yɛ.”

Yohanɛsɛ 7:13

Pɔ anɔnyanɔ ataɖɔ kibui nɛ nɛ yɛ shu sɛ tɛ kɛ yi, alasɛ besi Yuɖanɛ nɛ fu.

Yohanɛsɛ 7:31

Tsyɛ, banɔ gelee ba za yɛkɛ yɛabhaŋa. Ba ɖɔ asɛ, “Kɛbenɔ nɛgɛ Kristo aba, aba bhɛtɛ ebuiyinɔanɔ dɔ dɛ anyɛa nɛ?”

Yohanɛsɛ 9:22

Yɛ ni nɛ ye aka ba ɖɔana alasɛ be sifu nɛ Yuɖanɛ, alasɛ Yuɖanɛ ba tɛ nya lu asɛ anɔnyanɔ gɛ aba dɛmɛ atrɔ sɛ Yesu enu Kristo ba be bui yɛ nɛ oxogokɔvu nɛ mɛ.

Yohanɛsɛ 9:34

Kɔ kɛnɛ be builɛnu asɛ, “Buzizi mɛ la mɔ wɔ nɔ, kidzo ɖuwɛɖu ɔmɔ sɛ ɔkasɛ lɔɛ dɔ!” Klɛ be bu yɛ atɛ̃.

Axwɛwɛwa 5:41

Banɔkpɛkpɛ na shɛ nɛ Bebhuiklu nɛ amɛ nɛ same mumɔ sɛ ba kla lɛ asɛ bana kɔ butsɔ kpɛkpɛ nɛ Kinyi nɛ tɔkpu.

Romanɛ 10:10

Alasɛ wɔ idzyi nɛ ɔyɛkɛ ɔŋa nɔ klɛ la yɛkɔ danɛ wɔ shu nɔ, klɛ wɔ onugbu nɛ ɔyɛkɔ danɛ wɔ shu nɔ pɛ be bu wɔ.

1 Yohanɛsɛ 4:15

Onugɛ anɔ teli adɛmɛ atrɔ sɛ Yesu enu Kpaya yɛ Yi, Kpaya alɛ yɛ mɛ klɛ alɛ Kpaya mɛ.

1 Yohanɛsɛ 4:2

Kɛnɛ kɛlɛ ba kɔ nɔ mɔ sɛ Kpaya Ɔfufɔɛ lo nu: Ɔfufɔɛ kanyaka gɛ lɔ dɛmɛ ɔtrɔ sɛ Yesu Kristo aba nɛ Anɔdzyrame tɛzɛzamɛ lɔ de Kpaya ɔkɔ,