Yohanɛsɛ 12:27 - ONUGBÙ NYƐNYÃ VUVƆ

²⁷ “Ɔtsɔnɛ mɛ dzyi amɔ butɔ, klɛ kide mɛ baɖɔ? Ɛbaɖɔ sɛ ‘Aka, bhui mɛ ɔyɛkɛ nɛ ɔɖɔ nɛ mɛ’? Ao, kɛnɛ nahwɛ so gɛ ɛba nɛ ɔɖɔ nɛ mɛ.

Yohanɛsɛ 12:27 ပူးပေါင်းရင်းမြစ်များ

Mateo 11:25

Nɛ kibe lɛ nɛ mɛ Yesu aɖɔ asɛ, “Ɛkpɛ wɔ, nɛabha, mɛ Aka, owũsise nɛ kesukpa Apalete, alasɛ ɔyɛkɔ ebuia nɛ okpu bebuinyi anɛ badɔkpasɛ, klɛ obua lɛ ɔkasɛ bunuvɔɛ bhli.

Mateo 11:26

Ee, Aka, alasɛ kɛnɛ nɛ nu wɔ tɛpɛpɛɛ dzyɔgo.

Mateo 26:42

Aza shɛ bubhla avɛ klɛ ede kulukpaya sɛ, “Maka, onu gɛ kɛɛ ta ba kɛlɛ mɛ sɛ tɛ kantsea nɛ kafla mɛ nu, pɛ kɛlɛ sɛ tɛ ɛwɔɛ̃a lɛ, kɛlɛ kɔ la bhɛtɛ wɔ tɛpɛpɛɛ.”

Mateo 26:45

Ɔkɛlɛ etsodzi aba badɔkpasɛ nɛ ɔbha klɛ etsre balɛ asɛ, “Nɔ kodzi ɔdɔ tra pɛ no dzi ozo muene? No di, ɔɖa nɛ mɛ otsuɔba, klɛ ba ga Anɔdzyrame yɛ Eyi nɛesi akpɛ bagɛ ba bhɛtɛ buzizi nɛ ahwɛ.

Luka 22:44

Klɛ butɔ za yɛ abha gɛganɛ, eklukpaya gɛganɛdɛ ana, klɛ yɛ buhihe nɛ za anasɛ dzyosu gɛ awɔlɛ lu kesukpa.

Luka 22:53

Kiwuinyɛwui Mɛ ɛlɛ wunɔ bha nɛ́ kpayavu nɛ mɛ, klɛ nɔ dɛ trɔ ahwɛ nɛ mɛa bha sɛ nɔ vu mɛ. Pɔ wunɔe be nɛɛ—gɛ otumu ɔŋa abha.”

Yohanɛsɛ 11:41

Nɛlɛso be bu kɛklãgbu nɛ odzre nɛ kedunu. Kɛlɛ Yesu ebu amɛ kpɛ kabha klɛ aɖɔ sɛ, “Aka, Ihu wɔ ahwɛ sɛ onu mɛ bui.

Yohanɛsɛ 12:23

Yesu etsre alɛ sɛ, “Kibe na sɛ tɛ bakpɛ Anɔdzyrame Yi nɛabha.

Yohanɛsɛ 13:21

Gɛ aɖɔ kibui nɛ bekɛ, Yesu dzyi ahwa nɛ́ ɔfufɔɛ mɛ, klɛ aɖɔaɖɔ sɛ, “Itsre nɔ kɛgba, wunɔ mayɛ terikpo aba yɛkɔmɛ atɛ kpɛ ahwɛ.”

Yohanɛsɛ 18:37

Pilato ebisi asɛ, “Kɛlɛso ekusi wɔ nu?” Yesu ebushunu asɛ, “Kibui gbɛagba wɔɖɔ Ɛnu ekusi. Kɛgbɛagba kɛlɛso gɛ bamɔ mɛ, nɛ kɛlɛso gɛ ɛba kanɔ nɛ mɛ, sɛ tɛ ibu kɛgbɛagba nɛ kasɛ. Anɔnyanɔ gɛ alɛ kibui gbɛagba nɛede ata mɛatɔ.”

1 Timotio 1:15

Kibuiɖuɖɔ gɛ kɛlɛ sɛ ba yɛkɛ kɛlɛa bha ŋa nɛ nɛɛ: Kristo Yesu aba kanɔ nɛm sɛ tɛ aba yɛkɛ kɔ bezizi—gɛ mɛ inu ezizi nɛ dɛ nɛ balɛm.

Hebriuanɛ 2:14

Gɛ ishuidzya anɛ dzyosu alɛ bunuvɔɛ nahwɛ, yɛtsyɛ ayɛkɔ tili nɛ balɛ anɔdzyrame tɛdzidzi mɛ sɛ ganɔ yɛ butsi mɛ tɛ ezi agɛ yɛ vunɔ butsi kemi—gɛ enu Abɔnsam—

Hebriuanɛ 5:7

Nɛ Yesu ɛkpã zɛza nɛ kesukpa nɛabha be, ayɛkɔ kpayakuklu anɛ tɛbibisi anɛ ogugu gɛganɛ anɛ ɛwɔ̃mɛ kɔ anɔ nɛ gɛ ebe bu yɛ denɔ butsi mɛ, klɛ be nu lɛ akɔ yɛ alasɛ nɛ́ yɛ́ ishu zhizhinɔ kɛtɔkpuesi kpɛkpɛ so.