Yohanɛsɛ 11:52 - ONUGBÙ NYƐNYÃ VUVƆ

⁵² klɛ anɛ kɔ ɔma lɛlɛ tite so, pɔ kɔ Kpaya banuvɔ nɛ gɛ balɛ ebha tɛ ba gbanɛ ala exogo tɛ ba bhɛtɛ alɛ terikpo.

Yohanɛsɛ 11:52 ပူးပေါင်းရင်းမြစ်များ

Luka 15:8

“Pɛnɔ kɛɛ ba kɛlɛ mɛ sɛ kɔba fufu xwɛtsɛ lɔfɔ alɛ adzɛ teli ahwɛ, klɛ alɛla terikpo. Adzɛ nɛ ete deke kanɛgbɛ, gɛ aba gba bupa nɛ mɛ klɛ aba pɛɛ kɔba nɛ mɔmɔ ɔdɔtɔnɔ kɛbenɔ nɛ gɛ amɔ kɔba nɛ?

Luka 2:32

kifu kɔ kibui bubukasɛ kɔ ba gɛ dinu Yuɖanɛ klɛ kɔ kinyi kpɛkpɛabha kɔ wunɔ Izraɛl banɔ.”

Yohanɛsɛ 1:12

Pɔ kɔ bagɛ balɛ petee gɛ bayɛkɛ yɛ, kɔ bagɛ ba yɛkɛ yɛ nyi nɛa bha ŋa, akɔ alɛ kidzo sɛ tɛ ba be dzi Kpaya yɛeyialɛ—

Yohanɛsɛ 1:29

Kiwui bhla nɛ Yohanɛsɛ amɔ Yesu aba yɛ ɔkɔ klɛ aɖɔ sɛ, “Di, Kpaya Obhoshieyi, agɛ yɛ ayɛkɔ kanɔɛmɛ ebuizizi nɛ ashɛ̃nɔ!

Yohanɛsɛ 10:16

Ibhoshi bhlatɔ lɛ mɛ ahwɛ gɛ lɛ ma ibhoshi buka nɛ mɛ. Ɛba tɛ gbanɛ lɛ tsyɛ mɛna. Ɛlɛ tsyɛ ba nu mɛ olimɛ, klɛ ibhoshiha tirikpo nɛ agbɛgbanɔ Terikpo.

Yohanɛsɛ 12:32

Pɔ mɛ, kibelɛlɛ gɛ befeke mɛ avɛnɔ kabha denɔ kesukpɛa nɛ mɛ, ɛba gbanɔ banɔ petee ɛmɛna me shu.”

Axwɛwɛwa 18:10

Alasɛ ɛlɛ plɛnɛ wɔ, klɛ anɔnyanɔ eti be bhui wɔɛdzo pɛ ebe zi kɛdɔ nɛ wɔ shu, alasɛ banɔ gelee ba lɛ mɛ ahwɛ nɛ ɔmagbla nɛ mɛ.”

Romanɛ 3:29

Kpaya Yuɖanɛ Kpaya tite ko enu? Gnɛ yɛ ko yɛ enu bagɛ ba dɛ yɛkɛaŋa nɛ tsyɛ ayɛ? Ee, enu kɔ balɛ tsyɛ,

Romanɛ 4:17

Anasɛ gɛ ba ŋlɔmɛ elu sɛ: “Ɛbhɛtɛ wɔ aka kɔ amadi gelee.” Yɛ enu bulɔ aka nɛ Kpaya amɛ, gɛ yɛa bha ayɛkɛaŋa— Kpaya nɛ gɛ aakɔ betsitsi nɛ ɛkpã klɛ eeklu kɛdɔ nɛ gɛ ma nɛ asɛ kɛ lɛ.

Efesoanɛ 1:5

eti klu lɔ sɛ bu nu anasɛ yɛ beyi ganɔ Yeesu Kristo abha nɛ yɛ tɛpɛpɛɛ nɛ́ yɛnahwɛ shui mɛ—

Efesoanɛ 3:11

nɛ yɛ tɛtɛtrɔ mabeke gɛ abhɛtɛ elu kibe lɛlɛ gɛ ke lɛ Kristo Yesu bulɔ Apalete nɛ mɛ.

Yakobo 1:1

Mɛ Yakobo, Kpaya nɛ Apalete Yesu Kristo axwɛdɛ, Kɔ amadi lɔfɔntabha nɛ amadi nɛshi: Ɛsɛnɛ nɔ.

1 Petro 1:1

Mɛ Petro, Yesu Kristo anɔkpɛkpɛ, Ɛŋlɔmɛ kɔ Kpaya yɛ ekuklu, befu nɛ kanɔ nɛ mɛ, gɛ bakɛkaku Ponto, Galatia, Kapadokia, Asia anɛ Bitinia,

1 Yohanɛsɛ 2:2

Yɛ ayɛkɔ ishu etsye kɔ bulɔ ebuizizi, klɛ ganɛ bulɔ tite pɔ kɔ kanɔ nɛ petee buzizi.

1 Yohanɛsɛ 3:1

Kɛlɛ Aka nɛ tɛdɛdɛmɛnɔ nɛ anɔ etri gɛ ayɛkɔ akɔ lɔ, sɛ tɛ be klu lɔ asɛ Kpaya ye yialɛ! Klɛ kɛlɛ kɔ sɛ bu nu yɛ ayɛ! Kibui nɛ so gɛ kanɔ nɛ tinyi lɔ kɛlɛ nu sɛ ke tɛ nyi yɛ.

1 Yohanɛsɛ 3:10

Kɛnɛ kɛlɛ kɔ bu ti bagɛ benu Kpaya yɛ yialɛ klɛ ganɛ̀ bagɛ benu ɔfufɔɛkpã yɛ yialɛ. Anɔnyanɔ gɛ adɛ bhɛtɛ kɛ gɛ nu kɛdzyɔgo edɛnu Kpaya yɛ yi, ɔdɔgɔsɛ adɛ dɛmɛnɔ nɛ yɛ adzya, edi nu Kpaya yɛ yi.

1 Yohanɛsɛ 3:2

Ɛbhɛya mumɔa, ɔtsɔ̃nɛ bu nu Kpaya ye yialɛ, klɛ kɛdɔnɔ nɛ gɛ bu badzi ba ka kɔ lɔ ti lɛ. Pɔ bu nyi sɛ kibe nɔ gɛ aba koeyi, bu ba dzi anasɛ yɛ, alasɛ bu ba mɔ yɛ anasɛ gɛ alɛ.

Tɛbubukasɛ 5:9

Klɛ ba zha ɔdzɛ vuvɔ: “Wɔ ɔna sɛ tɛ ɔyɛkɔ kazaplukpa tɛ ɔdanɛ kalɛ badɛda, alasɛ be yi wɔ, klɛ ɔyɛkɔ wɔ dzyosu odzi banɔ kɔ Kpaya denɔ kɛmadi nɛ bunuhu kanyaka mɛ anɛ banɔ nɛ amadi nɛ mɛ.