Yohanɛsɛ 10:28 - ONUGBÙ NYƐNYÃ VUVƆ

²⁸ Ɛkɔ alɛ ɛkpã mabeke mabeke, klɛ lɛtɛ ba tsi, anɔnyanɔ atɛ ba bhɛ lɛ nɛ mɛ ahwɛ.

Yohanɛsɛ 10:28 ပူးပေါင်းရင်းမြစ်များ

Marko 13:22

Alasɛ Kristo itroayɛ anɛ batɔnu itroa yɛ nɛ be koeyi klɛ ba baa bhɛtɛ ebuimumɔ anɛ ebuiyiyinɔ anɔ, sɛ tɛ ba yɛkɔ awɛɛ bagɛ be kulu, onu gɛ kɛɛ ba za bɔbɔɛbɔɛ.

Luka 23:46

Yesu akpɛ ogugu nɛ olimɛ gɛganɛ sɛ, “Aka, wɔ ahwɛmɛ Ɛyɛkɔ mɛ ɔfufɔɛ nɛ kpɛ.” Gɛ aɖɔ kibuinɛ beke afɔɛ yɛ ɔfufɔɛ gugɔɛ.

Yohanɛsɛ 10:29

Mɛ Aka, gɛ akɔ mɛ alɛ, etri adɛ alɛ petee klɛ anɔnyanɔ atɛ ba bhɛ alɛ nɛ ma Aka nɛ ahwɛ.

Yohanɛsɛ 11:25

Yesu etsre yɛ asɛ, “Mɛ nu bekpuimɛ alɛlɔ nɛ̀ ɛkpã. Anɔ gɛ ayɛkɛ mɛabhaŋa, aba za nɛkpã kɛlɛlɛmɛ sɛ etsi tsyɛ,

Yohanɛsɛ 14:19

Kɛtɛ ba dze, kanɔ na tia mɔ mɛ, pɔ nɔ bɔ mɔ mɛ. Alasɛ ɛlɛ klɛ wɔnɔ tsyɛ nɔ bɔ za.

Yohanɛsɛ 17:2

Alasɛ wɔ ɔkɔ yɛ kabhaŋɛŋa nɛ banɔ nɛ petee abha sɛ tɛ aba kɔ ɛkpã mabeke banɔ petee gɛ ɔyɛkɔ kpɛ ahwɛ kɔ yɛ.

Yohanɛsɛ 18:9

Kɛɛ nɛ kɛ bhɛtɛ sɛ tɛ ebui nɛ gɛ ba ɖɔ nɛ abɛ lɛ mɛ: “Ɛka lɛla bagɛ ɔkɔ mɛ nɛ ɔmɛayɛ kanyaka.”

Yohanɛsɛ 3:36

Anɔ nɛ gɛ ayɛkɛ Eyi nɛ abhaŋa ɛkpã mabeke lɛ yɛ ahwɛ, pɔ anɔ nɛ gɛ adɛ yɛkɛ Eyi atɛ bamɔ ɛkpã, alasɛ Kpaya obulo ɔwɔ yɛ abha.”

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Yohanɛsɛ 6:27

Nɔ tɔwa kɛxwɛ kɔ kɛŋɛŋa gɛ kɛ bazi, pɔ nɔ pɛɛ kɛdɔ ŋɛŋa gɛ kɛbakɔ ɛkpã mabeke gɛ Anɔdzyrame Yi aba kɔ nɔ. Nɛ yɛabha Aka Kpayɛa atrɔ ahwɛ.”

Yohanɛsɛ 6:37

Banɔ nɛ petee gɛ Kpayɛa akɔmɛ ba baba mɛ ɔkɔ, klɛ anɔnyanɔ gɛ aba mɛ ɔkɔ ɛtɛ ba kɛkɛ yɛ.

Yohanɛsɛ 6:47

Itsre nɔ kɛgbɛ sɛ, anɔ nɛgɛ ayɛkaŋa aba mɔ ɛkpã mabekemabeke.

Yohanɛsɛ 6:68

Simɔn Petro ebulɛnu akɔ yɛ asɛ, “Apalete, ane yɛ ɔkɔ bu ba vɛ? Wɔ ahwɛ ɛkpã mabekemabeke ebui na lɛ.

Axwɛwɛwa 7:59

Kibe lɛ gɛ be hu yɛ aklãgbu nɛ, Stefano eklu Kpaya sɛ, “Apalete Yesu, yɛkɛ mɛ kɛtɔwi.”

Romanɛ 5:17

Alasɛ onu, ganɔ anɔ terikpo buzizia bha, butsi ŋɛabha ganɔ anɔ terikpoa lɛlɛ nɛa bha, kɛlɛ kɛ taa za dɛ sɛ bagɛ ba yɛkɛ Kpaya eshutukubui didi gelee anɛ tɛnɛna kɛdɔkukɔ taa ŋɛa bha nɛ ɛkpã mɛ ganɔ anɔ terikpoa lɛlɛ, gɛ enu Yesu Kristoa bha.

Romanɛ 5:2

ganɔ yɛa bha lɔ mɔ kidzo ganɔ tɛyɛykɛŋa pɛ bu tsoku eshutukubui didia nɛ mɛ gɛ bu li titi ɔtsɔ̃. Klɛ bu mɔ same nɛ kidzoenudidi nɛ Kpaya ishubhubhui mɛ.

Romanɛ 5:21

sɛ tɛ, ansɛ gɛ buzizi ŋa kabha nɛ butsi mɛ, kana ke eshutukubui didi tsyɛ aba ŋa kabha ganɔ tɛnɛnam sɛ tɛ ɛkpã mabeke mabeke lɛ ba ganɔ Yesu Kristo bulɔ Apalete nɛa bha.

Romanɛ 5:9

Ɔtsɔ̃ nɛ gɛ ba tɛ danɛ lɔ shu ganɔ yɛ dzyosu nɛ mɛ, kɛlɛ kɛ zɛ ba za sɛ be tee bulɔ edenɔ Kpaya obulo nɛ mɛ ganɔ yɛa bha!

Romanɛ 6:23

Alasɛ buzizi kɛbhɛ kɛlɛ nu butsi, pɔ Kpaya kɛdɔkukɔ kɛlɛ nu ɛkpã gɛ tɛ ba beke nɛ bulɔ Apalete Yesu Kristom.

Romanɛ 8:1

Kɛlɛso, ɔtsɔ̃ kɛpɔbubu va ma kɔ bagɛ ba kpasɛ Yesu Kristo mɛ,

Romanɛ 8:29

Alasɛ banɔ nɛ gɛ Kpaya enyi putɔnɔ atɛ bhɛtɛ alɛ sɛ tɛ ba za Yɛeyi nɛ tɛzɛzam, sɛ tɛ ebe dzi amumɔtutɔpu nɛ badzya gelee shi.

Filipianɛ 1:6

idzyigɛganɛ alɛ mɛ ahwɛ sɛ, agɛ yakpɛ kɛxwɛ dzyɔgoe nɛesi nɛ wɔnɔ mɛ aba vɛ kɛlɛa bha ɔdɔtɔnɔ kɛlɛ obekekɔ nɛ Kristo Yesu kiwi nɛabha.

2 Tɛsolonianɛ 2:13

Pɔ alasɛ tɛ kibenyɛbe buhu Kpaya ahwɛ nɛ nɔɛ tɔkpu, badzya gɛ Apalete nɛ aɖɔ, alasɛ denɔ kesikpɛkpɛ Kpaya ekulu nɔ sɛ tɛ be bu nɔ ganɔ Ɔfufɔɛ nɛ kɛxwɛ shu dɛdanɛ nɛ ganɔ kɛgba nɛa bha yɛyɛkɛŋa mɛ.

1 Timotio 1:16

Pɔ kibui lɛ nɛ shu so pɛ be di mɛ eshutukubui sɛ tɛ nɛ mɛ mɛɛ, ansɛ eziziadɛ nɛ be zizi nɛ shi, tɛ Kristo Yesu ebe bu yɛ tɛdudɔfɔɔ̃ nɛ gɛ obekekɔ ma kɔɛ lɛ nɛ akasɛ ansɛ kibui gɛ bagɛ ba ba yɛkɛ yɛa bha aŋa nɛ be di abhɛtɛ pɛ la ba mɔ ɛkpã mabeke mabeke.

2 Timotio 1:12

Kɛlɛ so pɛ ɛɛtɔ ansɛ gɛ ɛlɛ. Tsyɛ kɛwɛ̃ tɛɛ ku mɛ, alasɛ inyi aanɔ nɛa bha gɛ ɛyɛkɛŋa, klɛ kixui mɛ sɛ aba na kɛgɛ ɛyɛkɔ kpɛ yɛahwɛ nɛ bunyɛna kɔ kiwi lɛlɛ.

Hebriuanɛ 7:25

Kɛlɛso aba za yɛkɛ kɔ bagɛ balɛ petee gɛ ba ba Kpaya kɔ aganɔ yɛabha, alasɛ alɛ kibenyɛbe sɛ tɛ evuboe kɔ alɛ.

1 Petro 1:5

ganɔ agɛ tɛyɛyɛkɛŋaɛ abha Kpaya kemi kakpɛ buka kpɛ ɔdɔtɔnɔ kibe nɛ gɛ tɛbhubhuiyɛkɛ kɔ ba kɛlɛ nu tɛbubukasɛ nɛ kibe gugɔɛ nɛabha.

1 Yohanɛsɛ 1:2

Ɛkpã ba koeyi, bumɔɛ lɛ klɛ buɖɔaɖɔ nɛ lɛ shu, klɛ bu bu ɛkpãmabeke ebui tsre nɔ, gɛ lɛza Aka nɔ bha klɛ lɛ ba koeyi kɔ lɔ.

1 Yohanɛsɛ 2:19

Ba shɛ nɛ bulɔɛ shi, pɔ ba dɛ nu bulɔ banɔ kɛgbɛagba. Alasɛ onugɛ benu bulɔ banɔ ba ta wɔ bulɔ bha, pɔ balɛ tɛ shɛshɛ̃ nɛ kasɛ sɛ balɛ akanyaka edi nu bulɔ ayɛ.

1 Yohanɛsɛ 2:25

Klɛ kɛnɛ nɛ aɖɔlu kɔ lɔ—ɛkpã mabekemabeke kuratsyɛ.

1 Yohanɛsɛ 5:11

Klɛ kɛlɛ nu kibuiɖɛɖɔɛ: Kpaya akɔ lɔ ɛkpã mabeke mabeke, klɛ ɛkpãɛ nɛ lɛ yɛ Yi nɛ mɛ.

Yuɖa 1:1

Yuɖa, Yesu Kristo axwɛdɛ anɛ Yakobo yɛadzya, Kɔ bagɛ be kulu, gɛ Kpaya Aka nɛ aɖɔ klɛ Yesu Kristo anyɛna evunɔ:

Yuɖa 1:21

Nɔ nyɛna wɔnɔ shu ɔkpɛ Kpaya anɔ ɖuɖɔm nɛ kibe lɛ mɛ gɛ no dzi ozo po ApaleteYesu Kristo eshutukubui didi sɛ tɛ amɛna nɔ kɔ ɛkpã gɛ tɛ ba beke di.

Yuɖa 1:24

Kɔ anɔ nɛ gɛ anyɛna wɔnɔ evunɔ sɛ nɔ tɛ bɔ wɔlɛ klɛ tɛ ayɛkɔ nɔ akpɛ ahwɛ nɛ yɛ tɛzɛzamɔmɔ amɛ, butsutsɔmɔ maza kɛlɛ mɛ anɛ samemumɔ gbla—