Yohanɛsɛ 1:49 - ONUGBÙ NYƐNYÃ VUVƆ

⁴⁹ Ɔkɛlɛ Nataniɛl ebu aɖɔ sɛ, “Rabbi, wɔ nu Kpaya yɛ Yi, wɔ nu Ekusi nɛ Izraɛl.”

Yohanɛsɛ 1:49 ပူးပေါင်းရင်းမြစ်များ

Mateo 14:33

Ɔkɛlɛ bagɛ ba kpasɛ opupu nɛ mɛ na kpɛ atɔkpuesi kɔ yɛ, aaɖɔ sɛ, “Kɛgbɛagba wɔ onu Kpaya yɛ Eyi.”

Mateo 2:2

klɛ le be bisi asɛ, “Fakɔ eyi nɛ gɛ ba mɔ anasɛ Yuɖanɛ ekusi nɛ alɛ? Bumɔ yɛ nɛ kiwiɔyɛkɔ klɛ lɔ ba sɛ tɛ buba kpɛ kɛtɔkpuesi kɔ yɛ.”

Mateo 21:5

“Tsre Zayɔnɛ Adzɛnuvɔɛ nɔ sɛ, ‘Di, wɔ ekusi na ba wɔbha, adɔfɔɔ̃ klɛ etsri kitukuaga nɛa bha, nɛ agaeyi nɛa bha, gɛ enu kitukuagaeyi.’ ”

Mateo 23:7

ba pɛɛ tɛsɛsɛnɔ denɔ banɔ ɔkɔ nɛ budzi mɛ tɛ beze kulua lɛ asɛ ‘Adɔkasɛ.’

Mateo 23:8

“Pɔ ama sɛ be kulu nɔ asɛ ‘Adɔkasɛ,’ alasɛ Apalete terikpo ko yɛ alɛ wɔnɔ ahwɛ klɛ wɔnɔ petee no nu badzya.

Mateo 27:11

Nɛ kɛlɛ mɛ Yesu eli kititi nɛ ɔma ekusigbla nɛ amɛ, klɛ ebisi yɛ asɛ, “Wo nu Yuɖanɛ ekusi?” Yesu ebui lɛ nu asɛ, “Ee, kɛlɛ ansɛ gɛ ɔɖɔɛ lɛ.”

Mateo 27:42

Klɛ baa ɖɔ asɛ, “Ebu banɔ, ” “pɔ ataa na yɛshu bu! Yɛ enu Izraɛlanɛ nɛ Ekusigbla! Ezhia ba nɛ butsiosi nɛ shue, tɛ bumɔ yɛa bha yɛkɛŋa.

Mateo 4:3

Ɔfufɔɛkpã nɛ ɔba yɛ ɔbha klɛ lɔ ɖɔ sɛ, “Onu gɛ onu Kpaya Yeyi, klɛ tɛ otsre aklãgbua nɛ tɛ le tsyina dzi kɛŋɛŋa.”

Marko 15:32

Nɔ kɔ Kristoanɛ, Izraɛlanɛ Ekusia nɛ, ezhi ɔtsɔtsiɔ̃ aba nɛ butsiosi nɛ shu, tɛ bu mɔ tɛ bu yɛkɛ yɛabha ŋae.” Bagɛ yɛnalɛ ba kplasɔ nɛ tsyɛ ba yalɛ akulatu abalɛ akpɛ yɛa bha.

Luka 1:35

Axwɛdɛ nɛ ebui lɛ nu asɛ, “Ɔfufɔɛ Dzyɔgo nɛ lɔ bɔ ba wɔa bha, klɛ Agbɛgbladɛ nɛ kemi nɛ kebe kumu wɔ. Kɛlɛ so agɛ yɛ shu bhui gɛ la ba mɔ ba be klu yɛ asɛ Kpaya yɛ Eyi.

Luka 19:38

“Baba ysula kɔ ekusi gɛ aba nɛ Apalete nɛ nyimɛ!” “Ishuyuyɔ ba nɛ Yɛ ɔzakɔ klɛ nɛ otugba vɛvɛ kɔ Kpaya nɛ owũsise.”

Yohanɛsɛ 1:18

Anɔnyanɔ aka mɔ Kpaya edi, pɔ Kpaya Eyi nɛ̀ Terikpo, gɛ alɛ Aka nɛ wã, ye abhɛtɛ sɛ bu ti yɛ.

Yohanɛsɛ 1:34

Ɛmɔ klɛ ɛmɔɖɔ sɛ yɛe nu Kpaya yɛ Yi.”

Yohanɛsɛ 1:38

Gɛ Yesu etsyina di ɛbha, amɔ sɛ batɔ nɛ yɛ klɛ ebisi alɛ sɛ, “Kide nɔ pɛɛ?” Ba ɖɔ sɛ, “Rabbi” (kɛlɛesi klɛnu sɛ Adɔkasɛ), “fakɔ wɔ lɛ?”

Yohanɛsɛ 1:50

Yesu aɖɔ asɛ, “Nɔ yɛkɛŋa alasɛ ɛtsre wɔ sɛ, ɛmɔ wɔ nɛ kabhɔosi nɛesi. Ɔbɔ mɔ ebui gbɛgbla dɛ ana.”

Yohanɛsɛ 18:37

Pilato ebisi asɛ, “Kɛlɛso ekusi wɔ nu?” Yesu ebushunu asɛ, “Kibui gbɛagba wɔɖɔ Ɛnu ekusi. Kɛgbɛagba kɛlɛso gɛ bamɔ mɛ, nɛ kɛlɛso gɛ ɛba kanɔ nɛ mɛ, sɛ tɛ ibu kɛgbɛagba nɛ kasɛ. Anɔnyanɔ gɛ alɛ kibui gbɛagba nɛede ata mɛatɔ.”

Yohanɛsɛ 4:31

Kibelɛlɛ yɛ badɔkpasɛ nɛ tsre yɛ asɛ, “Adɔkasɛ, pɛɛ kɛdɔ tili ɔŋa.”