Yohanɛsɛ 1:45 - ONUGBÙ NYƐNYÃ VUVƆ

⁴⁵ Filipo amɔ Nataniɛl klɛ etsre yɛ asɛ, “Bu mɔ anɔ gɛ yɛ shu Mose aŋlɔmɛ dɔ nɛ Ɛshã keplukpa nɛ mɛ, klɛ yɛ shu batɔnu tsyɛ aŋlɔmɛ—Yesu ede Nazarɛtɛ, Yosɛfu ye yi anyɛ.”

Yohanɛsɛ 1:45 ပူးပေါင်းရင်းမြစ်များ

Mateo 10:3

Filipo anɛ Batelemeo, Tomasɛ anɛ Mateo gɛ enu adɔdzyɔ, Yakobo Alfeosɛ yɛ eyi, anɛ Tadeosɛ,

Mateo 13:55

“Ganɛ adɔfatɛ nɛ yeyi nɛ naa? Ganɛ yeni nɛ bee kulu asɛ Maria, klɛ anɛ yadzyalɛ balɛ nu Yakobo, Yosɛfu, Simɔnɛ anɛ Yuɖasɛ?

Mateo 2:23

klɛ ada za ɔma toli gɛ bee kulu asɛ Nazarɛtɛ nɛm. Kana kɛda ba kɛlɛm anasɛ gɛ ba ɖɔɛ lɛ aganɔ batɔmu nɛa bha asɛ: “Be be kulu yɛ asɛ Nazarɛtɛeyi.”

Mateo 21:11

Banɔɛza nɛ asɛ, “Yesu naa, atɔnu gɛ ede Nazarɛtɛ nɛ Galelia.”

Marko 14:67

Gɛ amɔ Petro gɛ edzi aŋanɛ kifu, evu awɔ̃hũ nɛ yɛ mɔɔ mɔ. Klɛ aɖɔ asɛ, “Wɔ tsyɛ ɔza Nazarɛtɛ eyi Yesu nɛe de.”

Marko 6:3

Ganɛ osiafatɛ nɛ naa? Ganɛ Maria yɛeyi Yakobo, Yosɛfu, Yuɖas anɛ Simɔnɛ balɛ adzya nɛ naa? Sɛ yɛadalɛ nɛ balɛ ɔkɛ̃ nɛ bulɔ?” Klɛ banɔ na mɔ obulo nɛ yɛ.

Luka 18:37

Be tsre yɛ asɛ, “ Yesu gɛ ede Nazarɛtɛ yɛ afla.”

Luka 2:4

Kɛlɛ so Yosɛfu tsyɛ alɔ de Nazarɛtɛ ɔma nɛ Galelia ewu avɛ Yuɖea, nɛ Betlehem Daviti ɔma nɛ mɛ alasɛ enu Daviti bupa mɛ anɔ klɛ alɛ aplɛnɔ Daviti kɛpatsu.

Luka 2:48

Gɛ aka anɛ eni ba mɔ yɛ, kɛbhɛtɛ alɛ bi. yɛeni aɖɔ tsre yɛ asɛ, “Eyi, kɛdeso gɛ ɔbhɛtɛ ebui nɛdi ɔmɛna bulɔ kɔ? Wɔ aka anɛ mɛ bu yɛkɔ awũdzɛdzã apɛɛ wɔ nɔ.”

Luka 24:27

Klɛ kesikpɛkpɛ nɛ Mose anɛ̀ batɔnu petee, ebu alesi kɔ alɛ kɛ gɛ ba ɖɔ nɛ Kpayaeplukpa nɛ mɛ denɔ yɛnahwɛ shu.

Luka 24:44

Etsre alɛ sɛ, “Kibui nɛ mɛ tsre nɔ kɛlɛbe nɛ gɛ ɛza wunɔ bha: Kɛkanyaka gɛ ba ŋlɔmɛ elu denɔ mɛ shu alasɛtɛ kɛbɛlɛmɛ nɛ Mose Ɛshã, Batɔnu anɛ Ɛdzɛeplukpa.”

Luka 3:23

Ɔtsɔnɛ Yesu nahwɛ aba yɛkɛ́ anasɛ agɔ afata gɛ akpɛ yɛ kɛxwɛ wɛwaesi. Edzi eyianyɛ, so bɛdi yɛ asɛ Yosɛfu yɛeyi, Yosɛfu, Heli yɛeyi,

Luka 4:22

Banɔ petee ba ɖɔaɖɔ dzyɔgo nɛ yɛ shu klɛ kɛyinɔ alɛ nɛ ɛyɛmɛyuyɔ ebui nɛ gɛ le koeyi nɛ yɛ onugbu. Be bisi asɛ, “Anɛ̀ Yosef ye yi nɛ na?”

Yohanɛsɛ 1:44

Filipo, anasɛ Andrɛasɛ anɛ Petro be de ɔma nɛ gɛ be klu asɛ Betaida.

Yohanɛsɛ 12:21

Ba ba Filipo gɛ ede Betaida nɛ Galelia ɔkɔ, nɛ tɛbibisi asɛ, “Apalete,” ba ɖɔ sɛ, “bu pee sɛ tɛ bu mɔ Yesu.”

Yohanɛsɛ 14:8

Filipo aɖɔ sɛ, “Apalete, kasɛ lɔ Aka klɛ kɛ ba xui lɔ.”

Yohanɛsɛ 18:5

Baɖɔ sɛ, “Yesu gɛ ede Nazarɛtɛ.” Yesu aɖɔ sɛ, “Mɛ nu yɛ.” (Klɛ Yuɖasɛ agɛ akpɛ Yesu ahwɛ aza kititi nɛ balɛ ɔbha.)

Yohanɛsɛ 18:7

Ɛze bisi ale sɛ, “Ane nɔ pɛɛ?” Klɛ baɖɔ sɛ, “Yesu gɛ ede Nazarɛtɛ.”

Yohanɛsɛ 19:19

Pilatio aŋlɔmɛ kɛdɔ ata butsiosi nɛ shu. Kɛlɛ tɛkɛkla nɛ ɖɔ sɛ: Yesu Nazarɛtɛeyi, Yuɖanɛ Ekusi.

Yohanɛsɛ 21:2

Simɔn Petro, Toma (be klu asɛ Didamusɛ), Natanɛlɛ gɛ ede Kana nɛ́ Galelia, Zɛbɛdi yɛeyialɛ, anɛ badɔkpasɛ tɛabha bhlatɔ be xogoe li.

Yohanɛsɛ 6:42

Ba ɖɔ sɛ, “Anɛ yɛe nu Yesu, Yosef yɛeyi gɛ aka anɛ̀ eni bu nyi? Kɛlɛ ɔtsɔlɛ aba ɖɔ sɛ, ‘Ezhi de Owũsise ba’? ”

Yohanɛsɛ 6:5

Gɛ Yesu efeke amɛ ewunɔ klɛ amɔ banɔɛza gbɛgbla tili gɛ kɛ ba yɛ ɔbha, aɖɔ etsre Filipo sɛ, “Fakɔ lɔ ba mɔ kɛŋɛŋa dzi kɔ banɔa nɛ tɛ ba ŋa?”

Yohanɛsɛ 6:7

Filipo ebu ishu nu akɔ yɛ asɛ, “Wele tɛasɔɛ bhɛ bubuyɛa kuratsyɛ kɛtɛ ba dzi gbɛ̃gbɛvu gelee kɔ balɛ mɛayɛ kanyɛaka gɛ aba tã!”

Axwɛwɛwa 10:38

Kana gɛ Kpaya asrabɔ akɔ Yesu Nazarɛtɛ eyi nɛ Ɔfufɔɛ Dzyɔgo anɛ kemi, anɛ kɛkana nɛ gɛ aga ka na nɛ ebui dzyɔgo tɛbhɛbhɛtɛ nɛ bagɛ za ɛfufɔɛ kpãesi nɛ banya tɛbibeke, alasɛ Kpaya aza plɛnɔ yɛ.

Axwɛwɛwa 2:22

“Izraɛlanɛ mɔ, nɔ tatɔ kibui nɛ, Yesu Nazarɛtɛ eyi nɛɛ edzi anɔ gɛ Kpaya ebu kɔnɔ ganɔ ebui gɛ abhɛtɛ bi mɛ, ebui yiyinɔanɔ nɛ kɛdɔmumɔm gɛ Kpaya abhɛtɛ nɛ wɔnɔɛ shi ganɔ yɛa bha, ansɛ gɛ wɔnɔ nahwɛ no nyi.

Axwɛwɛwa 22:8

Ebisi sɛ, “ ‘Wɔ onu ane, Apalete?’ Ebui lɛ nu asɛ, “ ‘Mɛ nu Yesu Nazarɛtɛ eyi, nɛ gɛ ɔkpatɔnɔ.’

Axwɛwɛwa 26:9

“Mɛ nahwɛ tsyɛ ba nu klɛm sɛ alasɛ tɛ ɛbhɛtɛ kɛdɔnyɛdɔ gɛ ba bɛɛ lɛm sɛ tɛ ɛyɛkɔ lɔ kititi nɛ Yesu Nazarɛtɛ eyi nɛ kinyi shu.

Axwɛwɛwa 3:6

Petro efeke aɖɔ asɛ, “Sɛkafufu ɔdɔgɔsɛ adzɛdzã ama mahwɛ, pɔ kɛgɛ lɛ mahwɛ nɛ mɛ ɛba kɔ wɔ. Nɛ Yesu Kristo Nazarɛtɛ eyi nɛ kinyi mɛ, lɔ ga.”