Yohanɛsɛ 1:14 - ONUGBÙ NYƐNYÃ VUVƆ

¹⁴ Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Yohanɛsɛ 1:14 ပူးပေါင်းရင်းမြစ်များ

Mateo 1:16

klɛ Yakɔb yɛ enu Yosɛfu yɛ aka, Maria yɛ enyine gɛ ba mɔ Yesu akɔ, gɛ be klu asɛ Kristo.

Luka 2:11

Obo nɛ Daviti ɔma nɛ mɛ bamɔ Ayɛyɛkɛkɔ kɔ nɔ, yɛ nu Kristo Apalete.

Luka 2:7

klɛ amɔ yɛ eyianyɛ, tɛtɔpu. Anya yɛ akpɛ kɛpɔtɛ mɛ klɛ ayɛkɔ yɛ akpɛ kɛdɔ nɛ mɛ gɛ baga na ŋaɛdɔ, alasɛ ba dɛ mɔ ɔyakɔ nɛ befu ɔtsɛkɔ.

Luka 9:32

Tra gɛganɛ ku Petro anɛ̀ yɛɔhaɛalɛ, pɔ gɛ ba nyɛmɛ, ba mɔ Yesu shubhubhui klɛ banɔ tiabha nɛ alɔɛ titi nɛ Yesu ɔbha.

Yohanɛsɛ 1:1

Nɛ kesikpɛkpɛ Kibui nɛ lɛ, klɛ Kibui nɛ lɛ plɛnɔ Kpaya, klɛ Kibui nɛ kɛlɛ nu Kpaya.

Yohanɛsɛ 11:40

Ɔkɛlɛ Yesu aɖɔ asɛ, “Ɛdɛ tsre wɔ sɛ onugɛ ɔyɛkɛŋa, ɔbɔ mɔ Kpaya kabhaŋɛŋa?”

Yohanɛsɛ 14:6

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

Yohanɛsɛ 14:9

Yesu ebuilɛnu asɛ, “Oti nyi mɛ, Filipo, kibe dzidze nɛ gɛ ɛlɛ wunɔ ɔbhɛa tsye? Anɔnyanɔ gɛ amɔ mɛ amɔ Aka. Kide so gɛ ɔbɔ ɖɔ sɛ, ‘Kasɛ lɔ Aka’?

Yohanɛsɛ 17:22

Ɛkɔ alɛ Kabhakpɛkpɛ gɛ ɔkɔ mɛ, sɛ tɛ ba be dzi Terikpo anasɛ gɛ bu nu terikpo:

Yohanɛsɛ 17:24

“Aka, ɛpɛɛ sɛ bagɛ ɔkɔmɛ sɛ tɛ baza mɛ ɔbha nɛ ɔkɛlɛ gɛ ɛlɛ, klɛ tɛ ba mɔ kabhaŋɛŋa, kɛbhaŋɛŋa nɛ gɛ ɔkɔ mɛ alasɛ ɔdɛmɛnɔ mɛ flogo gɛ kanɔ bhɛbhɛtɛ ka kpɛesi.

Yohanɛsɛ 18:37

Pilato ebisi asɛ, “Kɛlɛso ekusi wɔ nu?” Yesu ebushunu asɛ, “Kibui gbɛagba wɔɖɔ Ɛnu ekusi. Kɛgbɛagba kɛlɛso gɛ bamɔ mɛ, nɛ kɛlɛso gɛ ɛba kanɔ nɛ mɛ, sɛ tɛ ibu kɛgbɛagba nɛ kasɛ. Anɔnyanɔ gɛ alɛ kibui gbɛagba nɛede ata mɛatɔ.”

Yohanɛsɛ 2:11

Kɛnɛ, kɛlɛ nu yɛ kɛbuiyiyinɔanɔ tɛtɔpu gɛ Yesu abhɛtɛ, nɛ Kana nɛ Galelia. Ebu yɛ shu bhubhui akasɛ, klɛ yɛ badɔkpasɛ ba yɛkɔ balɛ tɛyɛyɛkɛŋa akpɛ yɛ mɛ.

Yohanɛsɛ 3:16

“Alasɛ Kpaya adɛmɛnɔ nɛ kanɔ sɛ ayɛkɔ yɛa yɛ gɛ enu Eyianyɛ terikpo akɔ, sɛ tɛ anɔnyanɔ gɛ ayɛkɛ yɛabha ŋa eti be tsi pɔ aba mɔ ɛkpã mabeke.

Yohanɛsɛ 3:18

Anɔ nɛ gɛ ayɛkɛ yɛ abha ŋa be di bu yɛ kɛpɔ, pɔ anɔ nɛ gɛ adɛ yɛkɛ aŋa be ti bu yɛ pɔ kukuku alasɛ adɛ yɛkɛ Kpaya Yɛeyi terikpo nɛ kinyi nɛa bha ŋa.

Yohanɛsɛ 6:51

Mɛ nu ɛkpã gbɛ̃gbɛ̃vu gɛ ede owũsise aba. Onugɛ anɔ teli atã gbɛ̃gbɛvui nɛ, aba za nɛ ɛkpã ɔvɛnɔ mabekemabeke. Gbɛ̃gbɛ̃vui nɛ kɛlɛ nu mɛ ishuidzya, gɛ ɛba yɛkɔ lu kɔ ɛkpã kɔ kanɔ.”

Yohanɛsɛ 8:32

Ɔkɛlɛ nɔ bɔ ti gbɛagba, gɛ kibui gbɛagba ba bhui nɔ yɛkɛ.”

Axwɛwɛwa 13:33

atɛ bhɛtɛ lɛ akɔ lɔa gɛ nu balɛ yialɛ, ganɔ Yesu tɛfifeke wunɔm. Anasɛ gɛ kɛŋlɔ̃mɛ li nɛ Ɔdzɛeplukpa bhla nɛm sɛ: “ ‘Wɔ onu mɛeyi, obo nɛɛ idzi wɔ Aka.

Romanɛ 8:3

Alasɛ kɛdɔnɔ nɛ gɛ ɔshã nɛ ɔdɛ mɔ kemi pɛ lɔ na bhɛtɛ akpɛasɛ buzizi tɛzɛzam zi dɔ nɛ ɔlɛ shu so, Kpaya xũ nɛ abhɛtɛ kɛlɛ ganɔ yɛnahwɛ Yɛeyi nɛ gɛ akpɛ asɛsɛ ansɛ anɔ zizi gɛ ba yɛkɔ akɔ nɛ buzizi kɛtɔkpu. Klɛ so ebu buzizi kɛpɔ nɛ anɔ gɛ abhɛtɛ buzizi mɛ,

Romanɛ 9:5

Balɛ yɛ kɛlɛ nu banɔshishe, klɛ denɔ balɛ mɛ Kristo ansɛ anɔdzyrame ana la ba mɔ yɛ bakakuku, gɛ enu Kpaya kɔ anɔnyanɔ, gɛ ba kpɛ nɛa bha! Tɛ kɛbɛlɛm.

1 Kɔrintioanɛ 15:47

Anɔ tɛtɔpu kesukpaɛ tisi kɛlɛ ba yɛkɔ abhɔ yɛ nɔ, anɔ bhla ede owũsise.

2 Kɔrintioanɛ 12:9

Pɔ aɖɔ tsre mɛ sɛ, “Mɛ ɛyamyuyɔ kpe kɔ nɔ, alasɛ ba bhɛtɛ mɛ kemi nɛ kana nɛ́ tɛbubotsoe mɛ.” Kɛlɛso ɛba fekeshu gelee dɛa na gɛ ɛba mɔ same nɛ mɛ tɛbubotso shu, sɛ tɛ Kristo bupu nɛ za mɛabha.

Galatianɛ 4:4

Pɔ gɛ kibe nɛ na mɔmɔ, Kpaya asɛsɛ yɛ Eyianyɛ, gɛ adzɛ amɔ, ba mɔ yɛ nɛ ɔshã nɛesi,

Efesoanɛ 3:8

Kɛlɛ anasɛ enu ebhliyi dɛ Kpaya banɔ bhliyi, yɛ kɛdɔ kuku ba kɔ mɛ: sɛ tɛ ɛɖɔ kibui dzyɔgo nɛ kɔ bagɛ bedinu Yuɖanɛ Kristo kedziŋɛŋa gɛ ɔtɛ bɔ pɛɛɔ mɔ,

Koloseanɛ 1:19

Alasɛ kɛ ku Kpaya awɔ̃ sɛ tɛ ayɛkɔ yɛ shu petee aba za yɛ mɛ,

Koloseanɛ 2:3

nɛ kɛlɛ mɛ le kpu kibuinyinyi anɛ̀ kibuititi petee ɔbalakɔ.

Koloseanɛ 2:9

Alasɛ nɛ Kristo mɛ tɛnɛna petee nɛ́ Kpaya shuidzya tɛzɛza mɛ,

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

Hebriuanɛ 1:3

Eyi yɛ nu kɛfutɛtã kɔ Kpaya otugbavɛvɛ klɛ ayɛkɔ Kpaya tɛzɛzɛmɛ, abhɛtɛ kɛdɔnyɛdɔ nɛ yɛ bupu kibui ɖuɖɔɛ mɛ. Gɛ akɔ ebuizizi tipuplu beke, ada za Ɔgbɛgblakɔ kɛŋamɛ nɛ owũsise.

Hebriuanɛ 1:5

Alasɛ kɔ baxwɛdɛ ɖueɖu Kpaya eti tsre di sɛ, “Wɔ nu me Yi, obo nɛ idzi wɔ Aka”? Pɛnɔ ɔyɛkɔ plɛnɔ, “ɛba dzi yɛ Aka, klɛ ebe dzi me Yi”?

Hebriuanɛ 10:5

Kɛlɛso gɛ Kristo aba kanɔ nɛ mɛ, aɖɔ sɛ: “Ishutsyitsye anɛ kɛdɔkukɔ kɛ tɛ za wɔ li, pɔ ishuidzya nɔ bala kɔ mɛ,

Hebriuanɛ 2:11

Anɔ nɛ gɛ abhɛtɛ banɔ pɛ balɛ shu bhui anɛ bagɛ abhɛtɛ pɛ balɛ shu bhui nɛ petee benu bupa turukpom banɔ. So kɛwɛ̃ tɛ ku Yesu sɛ tɛ eklualɛ asɛ yɛadzyalɛ.

Hebriuanɛ 5:5

So Kristo tsyɛ adɛ yɛkɔ atrɔ shu nɛ kabhɛŋɛŋa mɛ sɛ tɛ edzi kpayazakɔanɔ ɖɛɖama. Pɔ Kpaya etsre asɛ, “Wɔ nu me Yi, obo nɛ idzi wɔaka.”

1 Yohanɛsɛ 4:14

Klɛ bu tɛ mɔ klɛ bu buɖɔ sɛ Aka asɛsɛ yɛ Eyianyɛ tɛ edzi Ayɛyɛkɛkɔ kanɔ.

1 Yohanɛsɛ 4:9

Kɛnɛ nɛ mɛ Kpaya akasɛ yɛ tɛdɛdɛmɛnɔ nɛ́ bulɔɛ shi: Asɛsɛ yɛ eyi klɛ ɛnu Eyianyɛ terikpo nɛ kanɔ nɛ mɛ sɛ tɛ bu za nɛ ɛkpã ganɔ yɛa bha.

2 Yohanɛsɛ 1:7

Banɔ awuwɔɛ gelee, gɛ ba dɛdɛmɛ atrɔ Yesu Kristo anasɛ gɛ aba nɛ ishuidzya mɛ, ba tɛ koeyi ɛtsoku kanɔ nɛ mɛ. Anɔ alɛ nɛdi enu agɛ awɔɛ anɔ anɛ̀ otrokristo.

Tɛbubukasɛ 19:13

Akpɛ awidzidze gɛ ba vɔ akpɛ dzyosu mɛ, klɛ yɛ kɛnyi nɛ kɛlɛ nu Kpaya Kibui.

Tɛbubukasɛ 21:3

Klɛ mɛ inu olim gɛganɛɛ denɔ kekusigbu nɛ ɔkɔ gɛ ɔɔɖɔ sɛ, “Ɔtsɔ̃ nɛɛ Kpaya tɛzɛza nɛ lɛ plɛnɔ banɔ, klɛ aba za plɛnɔ balɛ. Be be dzi yɛanɔalɛ, klɛ Kpaya nahwɛ nɛ aba za plɛnɔa lɛ klɛ ebe dzi balɛ Kpaya.