Yakobo 5:7 - ONUGBÙ NYƐNYÃ VUVƆ

⁷ Kɛlɛa lɛ, madzyalɛ mɔ, nɔ dɔ fɔ̃ɔ, ɔdɔ nanɔ Apalete nɛ tɛbɛba. No di kana gɛ ayadɛ nɛ eepo kesukpa nɛ asɛ tɛ ke yu kɛdɔɖɛɖa nɛ kana gɛ adɔ fɔ̃ɔ eepo subhavuvɔ anɛ ekukum ayɛ nɛ tɛbɛba.

Yakobo 5:7 ပူးပေါင်းရင်းမြစ်များ

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Mateo 16:28

Itsre nɔ kɛgba, banɔ teli gɛ be lii titi nɛ ɔkɛ̃ be ti be mini butsi flogo pɛ ba ba mɔ Anɔdzyrame yɛ Eyi nɛ aaba nɛ yɛ bukusi mɛ.”

Mateo 24:27

Alasɛ ansɛ gɛ subhaɛfu nɛ kii de kiwiɔyɛkɔ pɛɛ kɛɛ wɛŋ nɛ kiwiɔdɔkɔ, kana Anɔdzyrame yɛ Eyi nɛ tɛbɛba nɛ baa za.

Mateo 24:44

Kɛlɛ so alasɛ wɔnɔ tsyɛ nɔ za tɛbɛbala mɛ, alasɛ Anɔdzyrame yɛ Eyi nɛ aba ba nɛ ɔɖɔ nɔɔ nɛ mɛ gɛ otoo di kidzoe nu.

Luka 18:8

Itsre nɔ sɛ, ebedi sɛ ba yɛkɛ kebhui kuklu dzyɔgo nɛ zia. Pɔ onugɛ Anɔdzyrame Yi aba, aba mɔ tɛyɛyɛkɛŋa nɛ kesukpa nɛabha?”

Luka 21:27

Nɛ kibelɛlɛ nɛ mɛ ba ba mɔ Anɔdzyrame Yi gɛ àba nɛ ɔmunɔ nɛ mɛ, nɛ́ kemi nɛ̀ ishudɛdanɛ gbɛgbla mɛ.

Luka 8:15

Eyi gɛ la dɔ kesukpa dzyɔgo nɛabha ale nu ba gɛ nu bui gɛ ba yɛkɛ lɛ atrɔ shu nɛ idzyi dzyɔgo, gɛ be nu ebui, ba yɛkɔ alɛ, klɛ nɛ kanyɛtsitsimɛ, lɛ yu eyuyu.

Yohanɛsɛ 21:22

Yesu ebuilɛnu sɛ, “Onugɛ ɛpɛɛ sɛ tɛ aza nɛ ɛkpã ɔdɔtɔnɔ kɛbenɔ nɛ gɛ ɛba ba, kide lɛ nu kɔ wɔ? Kɛlɛ sɛ tɛ ɔza mɛede.”

Yohanɛsɛ 21:23

Kɛbuinɛ so, nɔ ɖɔ ebui ɔkana nɛ bala badzya nɛ mɛ sɛ adɔkpasɛ anɛ eti be tsi. Pɔ Yesu adɛ ɖɔ sɛ etibe tsi, aɖɔ ko sɛ, “Onugɛ ɛpɛɛ sɛ tɛ azanɛ kpã ɔdɔtɔnɔ kɛbe gɛ ɛbatsodzi ba, kɛde lɛ nu kɔ wɔ?”

Romanɛ 15:4

Alasɛ kɛdɔnyɛdɔ gɛ ba ŋlɔmɛ elu aba fla ba ŋlɔmɛ kɛlɛ sɛ tɛ ba yɛkɔ akasɛ lɔɛdɔ nɔ, sɛ tɛ ganɔ awɔ̃dzudzu mɛ nɛ Kpayɛbuieplukpa anɛ kemikpɛkpɛ lɔ mɛɛ tɛ bu mɔ kidzoenudidi.

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

1 Kɔrintioanɛ 1:7

Kɛlɛso ɔfufɔɛmɛ dɔkukɔ kanyakama gɛ kɛma wɔnɔ ahwɛ anasɛ gɛ nɔ po gɛganɛ bulɔ Apalete Yesu Kristo sɛ tɛ be buakasɛ.

Galatianɛ 5:5

Pɔ nɛ tɛyɛyɛkɛŋa abha bupo ganɔ Ɔfufɔɛ kɛdzyɔgo bhɛbhɛtɛ kɛlɛ bu didzoenu kɔ.

Galatianɛ 6:9

Nɔ tɛ kɔ lɔ tɔ nɛ kɛdɔ dzyɔgo bhɛbhɛtɛ mɛ, alasɛ nɛ kibe dzyɔgoɛ mɛ bu ba tsui dɔ gelee onugɛ bu dɛ zukɔlɔ lɛ bhɛbhɛtɛ.

Koloseanɛ 1:11

akɔ lɔ tɛgɛganɛ nɛ̀ yɛ kemi petee anɛ́ yɛ kabhaŋɛŋa sɛ tɛ nɔ bɔ yɛkɛ kɛxwɛwɛwa gbɛgbla, nɛ ishu bububɔ anɛ̀ samemumɔ

1 Tɛsolonianɛ 1:3

Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.

1 Tɛsolonianɛ 2:19

Alasɛ kɛgɛ nu bulɔ kidzoenu didi, bulɔ same, ɔdɔgɔsɛ bukusikutu nɛm gɛ bu ba za nɛ ishubhubhui anɛ bulɔ Apalete Yesu nɛ amɛ onu gɛ aaba? Ganɛ wɔnɔ?

1 Tɛsolonianɛ 3:13

Kɔ yɛ agɛganɛ wɔnɔ idzyi sɛ tɛ kɛpɔ tɛ za nɔ shu tɛ wɔnɔ shu bhui nɛ bulɔ Kpaya anɛ Aka nɛ amɛ kibe lɛ gɛ bulɔ Apalete Yesu aba ba nɛ yɛ banɔ gɛ balɛ shu bhui nɛ petee.

Hebriuanɛ 6:15

Klɛso gɛ aze po nɛ tɛdɛdɔfɔɔ̃, Abraham ayɛkɛ bunuwã kpɛkpɛ dɔ.

Yakobo 4:11

Badzya mɔ, no ti zi aglɔ shu. Anɔnyanɔ gɛ aɖɔaɖɔ kpã nɛ yadzya shu ɔdɔgɔsɛ ekluebhui nɛ yɛ aɖɔaɖɔ kpã nɛ ɔshã nɛ shu klɛ ekluebhui nɛ ɔlɛ. Onu gɛ okluebhui nɛ ɔshã nɛɛ, anɛ ɔlɛabha ɔbhɛtɛ, pɔ ozhiodzi kebhuikuklum nɛ ɔlɛa bha.

Yakobo 5:10

Badzya mɔ, ansɛ diɔbhɛtɛ na nɛɛ nɛ tɛdɛdɔfɔ̃ɔ nɛ butɔ mɛɛ, nɔ yɛkɔ batɔnu nɛ gɛ baɖɔaɖɔ nɛ Apalete nɛ kinyi mɛ.

Yakobo 5:3

Wɔnɔ sɛkadzɛdzã anɛ efufu nɛ eti dzyewule. Balɛ budzyewule nɛ ba bhui nɔ nu klɛ bu ba tã wɔnɔɛ dzya ansɛ kifu. No kpu kɛnɔmɛdɔ nɛ ewi gɔgɔɛ nɛm.

2 Petro 3:4

Ba baɖɔ sɛ, “Yɛ ‘tɛbɛba’ gɛ aɖɔlu ɛlɛ xɔ̃? Denɔ kibelɛlɛ nɛ tsyɛ kɛgɛ bulɔ akalɛ nɛ tsi, kɛkanyaka vɛ labha anasɛ gɛ kɛza denɔ kanɔ nɛ kesikpɛkpɛ mɛ.”