Yakobo 5:16 - ONUGBÙ NYƐNYÃ VUVƆ

¹⁶ Kɛlɛso nɔ danɛ wɔnɔ buzizi nɛm ɔkɔ aglɔ tɛ no klukpaya nɛ aglɔɛ tɔkpu sɛ tɛ wɔnɔ banya nɛ be beke. Anɔnɛna kpayakuklu nɛ alɛ kemi klɛ awa kɛxwɛ.

Yakobo 5:16 ပူးပေါင်းရင်းမြစ်များ

Mateo 21:22

Onu gɛ ɔyɛkɛŋa, ɔbɔ yɛkɛ kɛdɔnyɛdɔ gɛ obisi ganɔ kpayakuklu mɛ.”

Mateo 3:6

Be bu balɛ buzizi nɛ aɖɔ, klɛ akpɛ buni akɔa lɛ nɛ Yɔɖan Keni nɛm.

Marko 1:5

Banɔ petee gɛ ba kana Yuɖia be ɔyɛkɔ plɛnɔ Yerusalɛm ɔma mɛ banɔ nɛ petee bekoeyi aba tɔnɔ yɛ. Gɛ be bu balɛ buzizi nɛ aɖɔ beke nɛɛ, ba yɛkɛ bunikpɛkpɛ denɔ yɛ ɔkɔ nɛ Yɔɖan Keni nɛ mɛ.

Luka 9:6

Kɛlɛ batɔnɛ dzo klɛ bavɛ denɔ kɔxoe ɔvɛnɔ kɔxoe, baɖɔ kibui dzyɔgo klɛ bakɔ banɔ shu bhui nɛ ɔkɔnyɔkɔ.

Yohanɛsɛ 9:31

Bu nyi sɛ Kpaya ataa ta batɔ nɛ bagɛ ba bhɛtɛ buzizi. Ata batɔ nɛ kpayanɔ nɛ gɛ ba bhɛtɛ yɛ tɛpɛpɛɛ.

Axwɛwɛwa 10:38

Kana gɛ Kpaya asrabɔ akɔ Yesu Nazarɛtɛ eyi nɛ Ɔfufɔɛ Dzyɔgo anɛ kemi, anɛ kɛkana nɛ gɛ aga ka na nɛ ebui dzyɔgo tɛbhɛbhɛtɛ nɛ bagɛ za ɛfufɔɛ kpãesi nɛ banya tɛbibeke, alasɛ Kpaya aza plɛnɔ yɛ.

Axwɛwɛwa 19:18

Banɔ gelee gɛ baba yɛkɛ aŋa na ba danɛ ishum nɛ balɛ buzizi nɛshu ɔtsɔlɛ.

Axwɛwɛwa 8:24

Klɛ Simɔnɛ aɖɔ asɛ, “Kulu Apalete nɛ ɔkɔm sɛ tɛ kibuinyɛbui gɛ ɔɖɔ nɛɛ kɛ tɛ ba mɛa bha.”

Romanɛ 3:10

Anasɛ gɛ ba ŋlɔmɛ elu asɛ: “Anɔnyanɔ adɛ na, terikpo tsyɛ ama,

Romanɛ 5:19

Alasɛ ansɛ gɛ ganɔ anɔ terikpo batɔ matamata mɛ pɛ banɔ gelee be dzi buzizi abhɛtɛ, kana tsyɛ ke ganɔ anɔ terikpo batɔtɛta mɛ banɔ gelee ba ba bhɛtɛ alɛ be dzi banɔnɛna.

Koloseanɛ 1:9

Kibui nɛ so, denɔ kiwuili gɛ bu nu wɔɛ dɔ, bu ka zukɔlɔ kpayaklu nɛ́ wɔɛ tɔkpu sɛ Kpaya ebe yuku wɔ nɛ yɛ tɛpɛpɛɛ ganɔ ɔfufɔɛ mɛ kibuinyinyi anɛ kibuiesi nunu.

1 Tɛsolonianɛ 5:17

za kpayakuklua bha;

1 Tɛsolonianɛ 5:23

Kɔ Kpaya nahwɛ, ishuyuyɔ Kpaya, adanɛ nɔ shu avɛnɔ etsodzini avɛnɔ. Kɔ wɔnɔ ɔfuɔɛ nɛ petee, kɛtɔwi anɛ ishuidzya nɛ za kɛpɔ maŋa maŋa mɛ nɛ bulɔ Apalete Yesu Kristo tɛbɛba mɛ.

1 Tɛsolonianɛ 5:25

Badzya mɔ, no klukpaya ɔkɔ lɔ.

Hebriuanɛ 11:4

Tɛyɛyɛkɛŋa mɛ Abɛl akɔ Kpaya kɛdɔ pupɔɛ dzyɔgo dɛ Kayɛ̃. Tɛyɛyɛkɛŋa mɛ eku awɔ̃ anasɛ kɛdɔ dzyɔgo, gɛ Kpaya aɖɔ kaɖɔ dzyɔgo denɔ yɛ kɛdɔ pupɔɛ nɛ shu. Klɛ ganɔ tɛyɛyɛkɛŋa mɛ aka ɖɔaɖɔ ko, kɛnyalɛ lɛ mɛ sɛ eti tsi pɔ.

Hebriuanɛ 11:7

Ganɔ tɛyɛyɛkɛŋa abha Nowa, gɛ betsrɛnɔ denɔ ebui nɛ gɛ ba ka mɔ, nɛ kifu sisi bhubhui mɛ afatɛ kɛniabha opupu sɛ tɛ ebu yɛ bupa. Nɛ yɛ tɛyɛyɛkɛŋa nɛ mɛ ebu kanɔ nɛ mɛ pɔ klɛ ebe dzi balɛ kɛdɔ dzyɔgo nɛ kusi gɛ kɛ ba ganɔ tɛyɛyɛkɛŋa bha.

Hebriuanɛ 12:13

“Nɔ bhɛtɛ edzo nɛabha tɛ la mutɔ kɔ ɛtsrɛ,” sɛ tɛ ba nyɛnya gɛ ba taa na ga na tɛ wɔa na, pɔ tɛ balɛ banya nɛ ebeke.

Hebriuanɛ 13:18

Nɔ klukpaya nɛ bulɔɛ tɔkpu. Bu yɛkɛŋa sɛ bulɔɛ tɔkpui mɛ bhui klɛ bu pɛɛ sɛ tɛ bu za nɛ ɛkpã dzyɔgo nɛ kidzonyɛdzoe mɛ.

1 Petro 2:24

Kristo nahwɛ ayɛkɔ bulɔ ebuizizi nɛ akpɛ ishuidzya mɛ nɛ osi nɛ shu, sɛ tɛ bu ba tsi kɔ kizizi klɛ bu za nɛ ɛkpã kɔ kɛdzyɔgo bhɛbhɛtɛ, yɛ apɔ la kɔ sɛ bunya koeyi nɛ bulɔ shuimɛ.

1 Yohanɛsɛ 3:22

klɛ bu yɛkɛ kɛdɔnyɛdɔ gɛ bu bisi, alasɛ bu tatɔ yɛ ɛshã klɛ bu bhɛtɛ kɛgɛ apɛɛ.