Yakobo 5:13 - ONUGBÙ NYƐNYÃ VUVƆ

¹³ Wɔnɔ ɔmayɛ teli akpasɛ butɔm dza? Alasɛ tɛ eklukpaya. Anɔ teli aamɔ same dza? Kɔ yɛ azha kabhakpɛkpɛ ɛdzɛ.

Yakobo 5:13 ပူးပေါင်းရင်းမြစ်များ

Mateo 26:30

Gɛ ba zha ɔdzɛ nɛ beke, ba shɛ avɛ Olivɛ Butu nɛa bha.

Luka 22:44

Klɛ butɔ za yɛ abha gɛganɛ, eklukpaya gɛganɛdɛ ana, klɛ yɛ buhihe nɛ za anasɛ dzyosu gɛ awɔlɛ lu kesukpa.

Luka 23:42

Klɛ aɖɔ sɛ, “Yesu, baka mɛ bui kibenɔ nɛ gɛ odoku wɔ bukusiɔŋakɔ.”

1 Kɔrintioanɛ 14:15

So kɛde mɛ ɛba bhɛtɛ? Ɛba klukpaya nɛ mɛ ɔfufɔɛ, pɔ mɛ tsyɛ ɛba klukpaya nɛ́ mɛ tɔkpuimɛ, ɛba zha ɔdzɛ nɛ mɛ ɔfufɔɛ, pɔ mɛ tsyɛ ɛba zha ɔdzɛ nɛ́ mɛ tɔkpuimɛ.

1 Kɔrintioanɛ 14:26

Kide kɛlɛ bu baɖɔ ɔtsɔ̃ nɛ, badzya mɔ? Kibenɔ nɔ bɔ xogo, anɔnyanɔ evunɔ ɛdzɛ zhɛzha, ɔdɔgɔsɛ kibui gɛ ba kasɛ kɛdɔ, tɛbubukasɛ, ɔfufɔɛmɛaɖɔ ɔdɔgɔsɛ kibuiesibubu. Anɛ nɛɛ di petee alasɛ sɛ tɛ ba bhɛtɛ kɔ busɔlɛɔha nɛ tɛgɛganɛ.

Efesoanɛ 5:19

Ɖɔaɖɔ kɔ ɔhaglɔ nɛ ɛdzɛ, busɔlɛ ɛdzɛ anɛ ɔfufɔɛmɛ ɛdzɛ. Nɔ zha ɛdzɛ klɛ tɛ nɔ wɔ denɔ wɔnɔ idzyim kɔ Apalete,

Hebriuanɛ 5:7

Nɛ Yesu ɛkpã zɛza nɛ kesukpa nɛabha be, ayɛkɔ kpayakuklu anɛ tɛbibisi anɛ ogugu gɛganɛ anɛ ɛwɔ̃mɛ kɔ anɔ nɛ gɛ ebe bu yɛ denɔ butsi mɛ, klɛ be nu lɛ akɔ yɛ alasɛ nɛ́ yɛ́ ishu zhizhinɔ kɛtɔkpuesi kpɛkpɛ so.

Yakobo 5:10

Badzya mɔ, ansɛ diɔbhɛtɛ na nɛɛ nɛ tɛdɛdɔfɔ̃ɔ nɛ butɔ mɛɛ, nɔ yɛkɔ batɔnu nɛ gɛ baɖɔaɖɔ nɛ Apalete nɛ kinyi mɛ.

Tɛbubukasɛ 14:3

Klɛ ba zha ɔdzɛ vuvɔ nɛ kekusigbu nɛ amɛ anɛ kɛdɔbhɛbhɛtɛ lulu tɛɛlɛ̃ anɛ beshishe nɛ amɛ. Anɔnyanɔ adɛ na ɔdzɛ nɛ nu kpasɛ ɔyɛkɔdɛ banɔ 144,000 nɛ gɛ be bu nɛ kesukpa nɛa bha.

Tɛbubukasɛ 7:10

Klɛ ba kpɛ igugu gɛganɛɛ asɛ: “Tɛbhubhuiyɛkɛ nu bulɔ Kpaya nɛ yɛ, gɛ ezhiedzi bukusiegbu nɛa bha, anɛ kɔ Obhoshieyi.”