Yakobo 4:4 - ONUGBÙ NYƐNYÃ VUVƆ

⁴ Wɔnɔ banɔ gaa dɛ ɔmamɛ, no ti nyi ɔsɛ kɛbhɛam zɛza nɛ kanɔ nɛɛ kinu Kpaya mapɛmapɛ? Anɔnyanɔ gɛ ayɛkɔ asɛ ebe dzi kanɔa nɛ mɛ ɔbhɛa nɛɛ, ebe dzi anɔ gɛ alɔ kititi nɛ Kpaya shu.

Yakobo 4:4 ပူးပေါင်းရင်းမြစ်များ

Mateo 12:39

Yesu ebui lɛ nu asɛ, “Atɔkpum gɛganɛ anɛ ɔmamdɛdɛ banɔ nɛ obonobo kanɔa nɛ mɛ bee bisi asɛ tɛ ba mɔ kibui yiyinɔanɔ! Pɔ ba tɛ ba kɔ anɔnyanɔ kɛkanyaka, Yona atɔnu na yɛ ko.

Mateo 16:4

Atɔkpum gɛganɛ anɛ aglɔbui bhɛbhɛtɛ kanɔa nɛ mɛ banɔ naa pɛɛ ebui yiyinɔanɔɛ dɔmumɔ, pɔ ba tɛ ba kɔ akanyaka odu nu sɛ Yona kɛdɔmumɔ.” Ɔkɛlɛ Yesu ashɛ̃ nɛ balɛ ɔbha klɛ ada fla shɛ.

Mateo 6:24

“Anɔnyanɔ atɛ ba na axwɛ dɛ kɔ baka tɛabha. Aba ɖɔ teli adɛ teli, klɛ aba mɔ ɔhwɛ kɔ teli adɛ teli. Ɔtɛ bɔɔ na axwɛ dɛ kɔ Kpaya anɛ Ehoeyi.

Luka 19:27

Pɔ ba gɛ bata pɛɛ mɛ bui gɛ ba dɛ pɛɛ sɛ tɛ ɛŋa balɛabha—gbanɔ balɛ ɔmɛna ɔkɛ̃ tɛ oyi alɛ nɛ mɛ amɛ.’ ”

Yohanɛsɛ 15:19

Onugɛ nɔ nu kanɔ na yɛ, ka ba dɛmɛnɛ nɔ anasɛ kalɛ nahwɛ ayɛ. Anasɛ gɛ kɛ nu, nɔ dɛ nu kanɔ nɛ ayɛ, pɔ iklu nɔ denɔ kanɔ nɛ mɛ. Kɛlɛso gɛ kanɔ kegu nɔ.

Yohanɛsɛ 17:14

Ɛkɔ alɛ wɔe bui klɛ kanɔ ke ti gu alɛ, alasɛ anɛ kanɔa nɛ mɛ elete be ke nu dɛ mɛ gɛ ɛka nu kanɔ nɛ mɛ ayɛ.

Yohanɛsɛ 7:7

Kanɔ ketibe gu nɔ, pɔ ke gu mɛ alasɛ itsre kanɔ nɛ sɛ ebui nɛ gɛ ka bhɛtɛ le nu ezizi.

Romanɛ 5:10

Alasɛ onu gɛ, kibe lɛ gɛ bu nu banɔ gɛ bu dɛ pɛɛ Kpaya, ba kpɛ bulɔ ɛhwɛetsu ganɔ Yɛeyi nɛ titsitsi mɛ, kɛlɛ kɛ taa za sɛ, gɛ ba tɛ kpɛ lɔ ɛhwɛetsu, be tee bu lɔ ganɔ yɛ ɛkpã nɛ mɛ!

Romanɛ 8:7

Anɔ gɛ abhɛtɛ buzizi nɛ tɔkpu mɛ nu kititilulɔ nɛ Kpaya shu. Kɛ tɛɛ kpɛ kɛtɔkpuesi kɔ Kpaya ɔshã, ɔdɔgɔsɛ kɛ ba naa bhɛtɛ ana.

1 Kɔrintioanɛ 1:20

Fakɔ ebuiti nɛ alɛ? Fakɔ keplukpalete na lɛ? Fakɔ banɔ nɛ gɛ benyi denɔ kanɔ nɛ shu alɛ? Anɛ Kpaya yɛ abhɛtɛ agã edzi ebuiti nɛ kanɔ nɛ mɛ?

1 Kɔrintioanɛ 1:21

Alasɛ nɛ Kpaya buititi mɛ kanɔ gabɔ kalɛ kibuinyinyi mɛ ke di ti yɛ, kɛku Kpaya awɔ̃ ganɔ matimati kɛdɔ kɛkasɛ busɔlɛ buiɖɛɖɔ tɛ bayɛkɛkɔ bagɛ bayɛkɛ aŋa.

Galatianɛ 1:10

Ɔtsɔ̃nɛ ɛwlãnkɛ sɛ ɛmɔ ahwɛ tɛtrɔ denɔ banɔ kɔ pɛnɔ Kpaya kɔ? Pɛnɔ ɛwlãkɛ sɛ tɛ ɛku banɔ awɔ̃? Onugɛ ɛka wlãnkɛ sɛ tɛ ɛku banɔ awɔ̃, ɛtɛba dzi Kristo axwɛwa.

Yakobo 1:27

Busɔlɛ nɛ gɛ Kpaya bulɔ Aka nɛ adɛmɛ asɛ bɔlɛ shu bhui klɛ kɛpɔ ma bɔlɛ shu, bɔlɛ nu sɛ: tɛ odi batsyavi anɛ bagɛ be tsianyɛ nɛabha nɛ balɛ ebui nɛ gɛ atrɔ balɛa bha nɛm klɛ tɛ ɔnyɛna ishu tɛ kanɔ nɛm kibo nɛ tɛ la wɔ.