Yakobo 4:12 - ONUGBÙ NYƐNYÃ VUVƆ

¹² Ɔshãelete anɛ ebhuiklu terikpo ko yɛa lɛ, agɛ yɛ aba na anɔ bu klɛ aba na kɛdɔ zi. Pɔ wɔnɔ—ane no nu pɛ no bo kluebhui nɛ wɔnɔhayɛalɛ?

Yakobo 4:12 ပူးပေါင်းရင်းမြစ်များ

Mateo 10:28

No ti si fu nɛ bagɛ be be yi nɔ pɛ ba tɛ ba na kɛtɔwi nɛ buyi. Pɔ no si fu nɛ agɛ aba na wɔ ɔfufɔɛ anɛ ishuidzya nu yi nɛ fu gɛ tɛ ba ni di mɛ.

Luka 12:5

Pɔ ɛbakasɛ nɔ ba gɛ balɛ nɔ bɔ sifu nɔ: Sifu nɛ agɛ eyi ishuidzya beke gɛ kemi alɛ yɛ ahwɛ gɛ aba yɛkɔ wɔ atɛ̃ akpɛ kifu nɛ gɛ tɛ ba ni mɛ. Ee, itsre nɔ sɛ, si yɛ fu.

Romanɛ 14:13

Kɛlɛ so nɛɛ, nɔ kɔ lɔ yɛlɔ kebhui kulu nɛ ɔhayɛ. Tɛ, nɔ tɛ bhɛtɛ kɛtɔkpum ɔsɛ tɛ nɔ tɛ yɛkɔ kɛdɔnyɛdɔ gɛ ba kpatanɔ anɔ ɔdɔgɔsɛ nɔ yɛkɔ kɛdɔ obhui dzo mɛ kɔ nɔ adzyalɛ.

Romanɛ 14:4

Anee onu gɛ obo kulu kebhui nɛ anɔ teli yɛ axwɛdɛ? Yɛ nahwɛ apalete amɛ aba na ɔdɔgɔsɛ aba wɔlɛ. Klɛ aba za na, alasɛ Akagbla nɛ aba na yɛ bhɛtɛ sɛ tɛ ana.

Romanɛ 2:1

So, wɔnɔ nɛɛ, kideyiyi ma kɔnɔ, wɔnɔa gɛ okulu bhui nɛ anɔ bhlatɔ, alasɛ kibenyɛbe gɛ okulu kebui nɛ wɔhayɛ, wɔ nahwɛ shu ozi, alasɛ wɔ nɛ gɛ okulu bhui nɛ anɔ nɛ tsyɛ ɔbhɛtɛ ebui alɛ nɛɛ di.

Romanɛ 9:20

Pɔ anee wɔ onu, wɔ anɔdzyrame, pɛ obo dzu onugbu nɛ Kpaya? “Klɛ kɛdɔnɔ nɛ gɛ ba bhɛtɛ, nɛ ba ɖɔ tsre agɛ abhɛtɛ lɛ nɛ asɛ, ‘Kide so pɛ ɔbhɛtɛ mɛ kana?’ ”

Hebriuanɛ 7:25

Kɛlɛso aba za yɛkɛ kɔ bagɛ balɛ petee gɛ ba ba Kpaya kɔ aganɔ yɛabha, alasɛ alɛ kibenyɛbe sɛ tɛ evuboe kɔ alɛ.

Yakobo 5:9

Nɔ tɔɔ kpamɛ ishu nɛ ɔhaglɔ, madzyalɛ mɔ, odi nu kana tɛ be be kluebhui nɛ wɔnɔ. Ebhuiklu nɛ eli kititi nɛ kedunu!