Yakobo 4:1 - ONUGBÙ NYƐNYÃ VUVƆ

¹ Kide gɛ mɛna ekpli anɛ ebla pɛpɛɛ nɛ wɔnɔɛ shi? Ganɛ wɔnɔ kɛdɔpɛpɛɛ nɛ gɛ ta keyu nɛ wɔnɔ mɛ nɛ kii de?

Yakobo 4:1 ပူးပေါင်းရင်းမြစ်များ

Mateo 15:19

Alasɛ idzyi nɛ mɛ atɔkpum kpã, gɛ enu anɔyiyi, aglɔbui, azhuzhɔlɛbui, buzi, otro ebuimɔɖɔ, anɔshuzizi ede.

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

Romanɛ 7:23

pɔ ɛɛmɔ ɔshã bhlatɔ gɛ odzi ɔwa kɛxwɛ nɛ mɛ ishu mɛ dɔ nɛ mɛ, gɛ ɔɔta keyu nɛ ɔshã nɛ gɛ ɔlɛ mɛ tɔkpu mɛ, klɛ lɔɔ bhɛtɛ mɛ evuza kɔ buzizi ɔshã nɛ gɛ odzi ɔwa kɛxwɛ nɛ mɛ ishu mɛ.

Romanɛ 7:5

Alasɛ nɛ kibe lɛ nɛ gɛ buzizi tɛzɛzam ŋa bulɔa bha, buzizi mɛ ɛdzyɛ nɛ gɛ ɔshã nɛ obuyinɔ nɛ wa kɛxwɛ nɛ bulɔ ishuidzyam, gɛ kɛkɔ sɛ bu yu eyuyu kɔ butsi.

Romanɛ 8:7

Anɔ gɛ abhɛtɛ buzizi nɛ tɔkpu mɛ nu kititilulɔ nɛ Kpaya shu. Kɛ tɛɛ kpɛ kɛtɔkpuesi kɔ Kpaya ɔshã, ɔdɔgɔsɛ kɛ ba naa bhɛtɛ ana.

Galatianɛ 5:17

Alasɛ anɔdzyrame tɛzɛzamɛ ebui kpã pɛpɛɛ la lɔ kititi nɛ Ɔfufɔɛ nɛ shu, klɛ Ɔfufɔɛ mɛ yɛ na lɔ kititi nɛ tɛzɛza ebui kpã nɛ shu. La lɔɛtiti nɛ agblɔ shu, so tɛ nɔ tɛ bhɛtɛ kɛgɛ ɔpɛɛ sɛ tɛ ɔbhɛtɛ.

Koloseanɛ 3:5

Pɔ kɔ butsi, kɛdɛnyɛdɔ gɛ kɛ nu wunɔ kesukpaɛ dɔ: ɔmamɛdɛdɛ, ɛkpãzizi zɛza, kɛdɔ kukuanɔli, ebuizizi bhɛbhɛtɛ anɛ kɛdɔ gbɛgbla pɛpɛɛ gɛ kɛ nu obudi busɔlɛsɔlɛ.

2 Timotio 2:23

Kibuinyɛbui tɛ za wɔahwɛ gɛ ɔbhɛtɛ nɛ bugã anɛ kibui matimati mɛ ebui wɛwlãnkɛ, alasɛ onyi sɛ la mɛna ebla.

Titusɛ 3:3

Nɛ kibe tili mɛ, bulɔ tsyɛ bu tɛ dɔ gã, bu dɛ taa tɔ, ba wɛɛ lɔ klɛ la bhɛtɛ lɔ banɔdzidzi ganɔ tɛpɛpɛɛ kanyaka di mɛ anɛ ba same mumɔm. Bu za nɛ atɔkpumkpã anɛ kawɔ̃kpɛ, ba dɛ pɛɛ bulɔɛ bui klɛ bulɔ tsyɛ dɛ pɛɛ ɔhayɛ bui.

Titusɛ 3:9

Pɔ nɔ plɛ bugã ebla pɛpɛɛ anɛ ɛkɔɖuɖɔ anɛ ebui ŋuwlãnkɛ anɛ ebla pɛpɛɛ denɔ ɛshã nɛ shu, alasɛ anɛ nɛ ama kedzi klɛ la ma kibuinyɛbui mɛ.

Yakobo 1:14

pɔ be be feke anɔnyanɔ edi, ganɔ yɛnahwɛ butsutsɔmɔ nɛ bisi nɛ gɛ bu bisi, be be he yɛ ebueyinɔ ada wɛɛ.

Yakobo 4:3

Onu gɛ noo bisi, nɔ tɔɔ mɔ ɔyɛkɛ, alasɛ noo bisi nɛ atɔkpum kpã, sɛ tɛ kɛgɛ nɔɔ mɔ tɛ nɔ yɛkɔ ŋa ɛkpã nɔ.

1 Petro 1:14

Anasɛ banuvɔ gɛ ba tatɔ, nɔ tɛ kɔ ebuizizi pɛpɛɛ laza wũnɔ ahwɛ kibelɛlɛ nɛ gɛ nɔ za matimati mɛ.

1 Petro 2:11

Ɛbhɛya mumɔa, ɛpɛɛ denɔ wũnɔ kɔ anasɛ befu nɛ ɛma bhlatɔɛ mɛ elete nɛ kanɔ nɛ mɛ, tɛ nɔ zukɔlɔ ebuikpã bhɛbhɛtɛ, gɛ la ta keyu nɛ wɔnɔ atɔwui.

2 Petro 2:18

Alasɛ ba lɛ nɛ onugbu kpɛkpa, ishufifeke buɖɔ klɛ, ba pɛɛ kɔ aglɔbui bhɛbhɛtɛ anɛ anɔdzyrame ɛkpãzizi zɛza, ba tɔɛgba kɔ banɔ gɛ bakpɛesi sɛ tɛ be koeyi nɛ bagɛ ba lɛ ebuikpã nɛ mɛ.

2 Petro 3:3

Oputɔ nɔ, kɛlɛsɛ tɛ nɔ nulɛesi sɛ nɛ ewui gugɔɛ nɛ mɛ bagɛ ba mɔɛ̃ anɔ ba ba za mɔɛ̃ banɔ klɛ ba ba za ga nɛ balɛ ebuikpã bhɛbhɛtɛ nɛabha.