Yakobo 3:15 - ONUGBÙ NYƐNYÃ VUVƆ

¹⁵ “Kibuinyinyi” lɛ nɛɛ di de owũsise ba pɔ ki nu kesukpɛa bha kibui, kidɛ de ɔfufɔɛ mɛ, ki de Abosamu ɔkɔ.

Yakobo 3:15 ပူးပေါင်းရင်းမြစ်များ

Luka 16:8

Apalete nɛ akpɛ axwɛdɛ zizi nɛabha alasɛ awaɛxwɛ nɛ bushɛ. Kanɔa nɛ mɛ banɔ be nyi saŋhwɛ̃ kibuititi gɛ bayɛkɔ aganɛ ishu nɔ dɛ amɛ bhubhui mɛ banɔ.

Yohanɛsɛ 3:17

Alasɛ Kpaya adɛ sɛsɛ yɛ Eyianyɛ nɛ kanɔ nɛ mɛ sɛ tɛ ebe zi kanɔ, pɔ apɛa sɛ tɛ ebhui kanɔ nayɛkɛ aganɔ yɛ abha.

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

Axwɛwɛwa 13:10

“Wɔ, ɔfufɔɛkpã nɛ yɛeyi onu, klɛ ɔlɔ kititi nɛ kibui dzyɔgo kanyakaɛ di shu! Wɔ oyuku nɛ anɔ wɛwɛ edidedi anɛ kɛtɔkpum kpã. Klɛ so ɔtɛ bɔ zukɔlɔ Apalete nɛ edzo dzyɔgo nɛ bu tsyina?

Romanɛ 1:22

Ba nyaa ɖɔ sɛ be nu bebuinyi pɔ, be be dzi bagã

1 Kɔrintioanɛ 1:27

Pɔ Kpaya ebu ebuikpã nɛ kanɔmɛ tɛ la kpɛ kibuititi nɛ wɔ̃ɛ nɔ, Kpaya abhɛtɛ ebui nɛgɛ la dɛ gɛganɛ nɛ kanɔnɛ mɛ tɛ la kpɛ ebui gɛganɛ nɛ wɔɛ nɔ.

1 Kɔrintioanɛ 2:14

Anɔ nɛ gɛ Ɔfufɔɛ ɔma yɛ mɛ atɛ yɛkɛ dɔ denɔ Kpaya Ɔfufɔɛ mɛ, alasɛ lenu agãebui kɔ yɛ, klɛ atɛ be nu alɛesi, alasɛ ɔfufɔɛ mɛ la ba de.

1 Kɔrintioanɛ 3:19

Alasɛ kanɔa nɛ mɛ buititi ke nu bugã dɛdɔ nɛ́ Kpaya amɛ. Anasɛ gɛ ba ŋlɔmɛ elu: “Evu bebuiti nɛ balɛ ebui bhɛbhɛtɛ mɛ”

1 Kɔrintioanɛ 3:3

Nɔ kɔ lɛ anasɛ kanɔ mɛ banɔ. Gɛ kawɔ̃kpɛ nɛ ebla pɛpɛɛ la lɛ wunɔɛ mɛ, anɛ kanɔɛmɛ banɔ nɔ nu? Sɛ nɔ bhɛtɛ ebui anasɛ banɔ tite ko?

2 Kɔrintioanɛ 1:12

Ɔtsɔ̃nɛ kɛnɛ kɛlɛ nu bulɔ ishufifeke: Bulɔ tɔkpuimɛ tsre lɔ sɛ bu nyɛna shu nɛ kanɔ nɛ mɛ, klɛ ɔyɛkɔdɛana terikpo bhɛbhɛtɛ nɛ nɔ, nɛ tɛbhubhui anɛ kibui gbɛgbla bhɛbhɛtɛ gɛ kide Kpaya kɔ. Bu bhɛtɛ kibui nɛ ana ganɛ nɛ kanɔmɛ kibuinyinyi shu pɔ nɛ Kpaya kɛdɔkukɔ shu.

2 Kɔrintioanɛ 11:3

Pɔ isifu sɛ anasɛ gɛ eblidzya bushɛ wuwa wɔɛ Eva, wunɔ tɔkpuimɛ kɛba na tsyina lɛla denɔ wunɔ kɛmumɔ nɛ kɛdzyɔgo kɔ Kristo.

Filipianɛ 3:19

Balɛ tɛyɛyɛkɛ mɛna nu kɛdɔzizi, balɛ kpaya ye nu balɛ evu, klɛ balɛ ishubhubhui nɛ nu kɛwɔɛ̃. Balɛ atɔkpu nɛm alɛ kesukpɛa bha dɔ nɛ shu.

2 Tɛsolonianɛ 2:9

Agɛ ama ɔshã kanyaka mɛ nɛ tɛbɛba nɛ ba za nɛ Satana kɛxwɛwɛwa nɛ nu gɛ be bu akasɛ ganɔ itro ebui nɛ petee gɛ abhɛtɛ bi nɛ mɛ,

1 Timotio 4:1

Ɔfufɔɛ nɛ ɔdanɛ kɛlɛ mɛ ɔɖɔ sɛ nɛ kibe gɔgɔɛ nɛ mɛ banɔ teli aba shɛnahwɛ tɛyɛyɛkɛŋa nɛ shu klɛ ba tɛ za ɛfufɔɛ nɛ gɛ wɛɛ anɔ anɛ ɛfufɔɛkpã kɛdɔkɛkasɛ nɛe de.

Yakobo 1:17

Kɛdzyɔgo kanyaka anɛ kɛdɔkukɔ dzyɔgo ki de kabha, ba denɔ owũsise efu Aka nɛ ɔkɔ, gɛ yɛ ete tsyina ansɛ buyi gɛ fla.

Yakobo 1:5

Onu gɛ kibuinyinyi kɛɛ ma wɔnɔmɛayɛ teli ahwɛ, alasɛ tɛ ebisi Kpaya, gɛ yɛakɔɛdɔ fãa kɛpɔ mazɛlɛ shu, klɛ bá ba yɛkɔ kɛlɛ akɔ yɛ.

Yakobo 3:17

Pɔ kibuinyinyi nɛ gɛ de owũsise, putɔnɔ nɛɛ, kɛlɛ shu petee bhui, klɛ ishuyuyɔ— tɛdɛdɛmɛnɔ, tɛyɛyɛkɔ nɛ lɛm, ishu zhizhinɔesi, tɛyuyuku nɛ eshutukubui didi nɛ eyuyu dzyɔgo, anɔamɛ madimadi anɛ kidzo tirikpom nyɛnyɛna vunɔ.

Yuɖa 1:19

Balɛ enu banɔ nɛ gɛ aba pɔɛ nɔɛ shi, gɛ baa tɔ nɔ kanɔa nɛm ishumɛ ebuie de klɛ Ɔfufɔɛ nɛ ɔma balɛ ahwɛ.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

Tɛbubukasɛ 2:24

Ɔtsɔ̃ nɛɛ ɛɖɔ tsre wɔnɔ banɔ gɔgɔɛ nɛ Taɛtira, kɔ wɔnɔa gɛ nɔ dɛ nyɛna yɛ kɛdɔkɛkasɛ nɛ mɛ ovunɔ klɛ nɔ kɔ kpasɛ Satana ebuikpukpu dzudzu alɛlɛ nɛ mɛ (ɛtɛa trɔ nɔ kituku bhlatɔ kanyaka):

Tɛbubukasɛ 9:11

Ekusi alɛ balɛ ahwɛ gɛ enu Ozi gɛ ɔlɛ obekekɔ ɔma kpayaxwɛdɛ, gɛ yɛ kinyi nɛ Yuɖa bunuhu mɛ nu sɛ Abaɖɔnɛ, klɛ nɛ Griki mɛ, Apoliɔnɛ.