Yakobo 3:13 - ONUGBÙ NYƐNYÃ VUVƆ

¹³ Ane gɛ enyibui pɛ enu kibuiesi nɛ wɔnɔɛ shi? Kɔ ebui lɛ akasɛ ganɔ yɛ ɛkpã dzyɔgo nɛm, ganɔ ebui bhɛbhɛtɛ anɛ ishu zhizhinɔesi nɛ gɛ de kibuinyinyi mɛ.

Yakobo 3:13 ပူးပေါင်းရင်းမြစ်များ

Mateo 11:29

Nɔ yɛkɔ mɛ ɔkpakasi nɛ ɔtrɔ shu tɛ nɔ kpasɛ kɛdɔ denɔ mɛ ɔkɔ, alasɛ ɛyɔ klɛ mɛ dɔfɔ̃ɔ nɛ idzyi mɛ, klɛ nɔ bɔ mɔ omuenekɔ kɔ wɔnɔ atɔwi.

Mateo 21:5

“Tsre Zayɔnɛ Adzɛnuvɔɛ nɔ sɛ, ‘Di, wɔ ekusi na ba wɔbha, adɔfɔɔ̃ klɛ etsri kitukuaga nɛa bha, nɛ agaeyi nɛa bha, gɛ enu kitukuagaeyi.’ ”

Mateo 5:5

Ba yula bagɛ enu banɔ yuyɔ, alasɛ balɛ aba ŋa kesukpa.

Mateo 7:24

“Kɛlɛ so anɔnyanɔ gɛ enu mɛ ebuia nɛ, klɛ ayɛkɔ alɛ akpɛ tɛbhɛbhɛtɛ mɛ asɔnɔ anɔ nyinyibui gɛ edzu buvu atrɔ kɛklãgbua bha.

1 Kɔrintioanɛ 6:5

Ɛɖɔ kibui nɛ sɛ tɛ ɛyɛkɔ kpɛ wɔnɔɛ wuɛ̃. Kɛ lɛlɛmɛ sɛ anɔnyanɔ ama wɔnɔɛ shi gɛ enyibui mɔmɔ gɛ ebe klu ke bhui nɛ basusɔlɛ shi?

2 Kɔrintioanɛ 10:1

Kristo yɛ tɛyɛyɔ anɛ ishunyɛnyɛna, ibisi denɔ wunɔ kɔ—Mɛ, Paulo, gɛ mɛ “kɛwɔ̃ɛ ku” kibelɛlɛ gɛ bu tsya amɛ nɛ amɛ nɛ wunɔ, pɔ “ɛgɛganɛ” kibelɛlɛ gɛ ɛma!

2 Kɔrintioanɛ 8:24

Kɛlɛso nɔ kasɛ banɔ anɛ wunɔ anɔ tɛdɛdɛmɛ bui klɛ kibui nɔ nɛ so gɛ kɛ kɔ bulɔ ishufifeke nɛ wunɔ mɛ sɛ tɛ busɔlɛha ba mɔ lɛ.

Galatianɛ 5:23

ishu nyɛnyɛna anɛ ishua bhaŋɛŋa. Ɔshã dɛ lɔɛtiti nɛ ebuianɛ di shu.

Galatianɛ 6:1

Madzyalɛ mɔ, onugɛ bevu anɔ teli gɛ abhɛtɛ kibuizizi, wɔnɔ bagɛ nɔ nu ɔfufɔɛmɛ ayɛ nɔ kasɛ yɛ kidzo dzyɔgo nɛ ishu nyɛnyɛna mɛ. Pɔ nɔ di ɛshuabha sɛ tɛfifekedi kɛ tɛba kɔ wɔ.

Galatianɛ 6:4

Anɔnyanɔ eluawɔ̃di yɛ ebui bhɛbhɛtɛ. Kɛlɛ abana ishu efeke, gɛ atɛba yɛkɔ ɛshu asɔnɔ anɔbhlatɔ ebui bhɛbhɛtɛ,

Efesoanɛ 4:2

No vu ishu tɛ nɔ dɔfɔ̃ɔ petee, nɔ dzi banɔ yɛyɔ, nɔ bhɛtɛ terikpo nɛ ɔhaglɔ tɛdɛdɛmɛ nɔ mɛ.

Filipianɛ 1:27

Kibuinyɛbui gɛ kɛ baa, nɔ nyɛna wɔnɔ shu nɛ Kristo kibui dzyɔgo nɛ tɛzɛzam. Kɛlɛede, kɛba dzi sɛ ɛba pɛ ɛba mɔ nɔ ɔdɔgɔsɛ ɛba nu wɔnɔɛ dɔ nɛ mɛede, eba ti sɛ nɔ lɛ gɛganɛ nɛ ɔfufɔɛ torikpo mɛ, ɔwlãnkɛ ansɛ anɔ terikpo kɔ kibui dzyɔgo nɛabha yɛyɛkɛŋa

Koloseanɛ 3:12

Kɛlɛso anasɛ Kpaya banɔ kuklu, tɛbhubhui anɛ tɛdɛdɛmɛnɔ mɔmɔ, wɔnɔ nahwɛ nɔ nyumu eshutukubuididi, ɛyamɛyɛyɔ ishubububɔ, ishunyɛnyɛna anɛ tɛdɛdɔfɔɔ̃.

1 Timotio 4:12

Tɛ kɔ anɔnyanɔ ebu wɔnɔa bha agɔ alasɛ no ko she so, pɔ nɔ kɔ kɛ gɛ bagɛ ba yɛkɛaŋa nɛ ebe diabhɛtɛ nɛ kaɖɔ ɖuɖɔ mɛ, anɛ ɛkpã mɛ, anɛ tɛɖuɖɔ mɛ, anɛ tɛyɛyɛkɛŋa mɛ ganɛ nɛ ishu bhubhui mɛ.

1 Timotio 6:11

Pɔ wɔ, Kpayanɔ, siɔshɛ lɔ anɛ nɛɛdi petee, klɛ tɛ ɔpɛɛ tɛnɛnamɛzɛza, kpayamzɛza, tɛyɛyɛkɛŋa, anɔɖuɖɔ, tɛzɛza gɛganɛɛ anɛ tɛdɛdɔfɔ̃.

2 Timotio 2:25

Bagɛ ba ma yɛe de, adɔfɔɔ̃ tɛ ebu ebui mɛ akɔa lɛ, nɛ kidzoenu didi sɛ Kpaya aba kɔa lɛ kitem tsyitsyina gɛ ba gbanɔa lɛ vɛnɔ kɛgba nɛ tititi mɛ,

Titusɛ 3:2

ba tɛ zi anɔnyanɔ shu, tɛ ba bhɛtɛ ishuyuyɔ anɛ anhũvuvu nɛ anɔ, tɛ ɔbhɛtɛ ishubububɔ kɛgbɛagba ɔvɛnɔ banɔ nɛ petee ɔkɔ.

Hebriuanɛ 13:5

Nɔ bu kɔba dɛdɛmɛnɔ ebui nɛ wɔnɔ ɛkpã nɛ mɛ klɛ nɔ kɔ kɛgɛ lɛ wɔnɔahwɛ nɛ ku nɔ awɔ̃, alasɛ Kpaya aɖɔ asɛ, “Ɛtɛ ba shɛnahwɛ wɔnɔ shu di, ɛtɛ ba shɛ̃ lɔ nɔ di.”

Yakobo 1:21

Klɛso, nɔ shɛnahwɛ ɛkpã dudɔɛbo nɛ petee shu anɛ butsutsɔmɔ nɛ gɛ gbla yuku nɛ kanɔ mɛ tɛ nɛ ishuzhizhinɔesi mɛ ɔyɛkɛ kibui nɛ gɛ ba ɖa kpɛ wɔ mɛ, gɛ kɛ ba bu wɔ.

Yakobo 2:18

Pɔ anɔ teli aba ɖɔa sɛ, “Tɛyɛyɛkɛŋa lɛ wɔ ahwɛ, tɛbhɛbhɛtɛ lɛ mahwɛ.” Kasɛ mɛ wɔ tɛyɛyɛkɛŋa kɛxwɛwɛwa maza kɛlɛ mɛ, klɛ tɛ ɛkasɛ wɔ mɛ tɛyɛyɛkɛŋa ganɔ kɛgɛ ɛbhɛtɛ nɛ shu.

Yakobo 3:1

Madzyalɛ mɔ, ganɛ wɔnɔ banɔ gelee balɛ alɛ asɛ tɛ ba bhɛtɛ shu ansɛ badɔkasɛ, alasɛ no nyi ɔsɛ bulɔa gɛ bu kasɛ kɛdɔ nɛɛ, be be kule bhui nɛ lɔ gɛganɛɛ ɔyɛkɔdɛ.

Yakobo 3:17

Pɔ kibuinyinyi nɛ gɛ de owũsise, putɔnɔ nɛɛ, kɛlɛ shu petee bhui, klɛ ishuyuyɔ— tɛdɛdɛmɛnɔ, tɛyɛyɛkɔ nɛ lɛm, ishu zhizhinɔesi, tɛyuyuku nɛ eshutukubui didi nɛ eyuyu dzyɔgo, anɔamɛ madimadi anɛ kidzo tirikpom nyɛnyɛna vunɔ.

1 Petro 1:15

Pɔ anasɛ agɛ eklu nɔ yɛ shu bhui, kɛlɛso nɔ kɔ wũnɔ shu bhui nɛ́ alɛ petee gɛ nɔ bhɛtɛ,

1 Petro 2:12

Nɔ za ɛkpã dzyɔgoe nɛdi nɛ ibuidielete, sɛ kɛlɛlɛmɛ ba be bu nɔɛ pɔ sɛ nɔ bhɛtɛ kizizi, ba ba ba mɔ ɛnɔ ebui dzyɔgo bhɛbhɛtɛ klɛ ba ba kpɛ Kpaya nɛabha nɛ kiwui nɛ gɛ aba ba bulɔ kɔ.

1 Petro 2:9

Pɔ wũnɔ nu banɔ kuklu, bukusiupa kpayazakɔanɔ, amɛbhubhui madi, anɔ gɛ enu Kpaya ayɛ, gɛ nɔ bɔ buɖɔ yɛ tɛkpɛkpɛ abha gɛ eklu nɔ denɔ otumu mɛ akpɛ yɛ kibui yinanɔ obhubhuikɔ.

1 Petro 3:4

Kɛlɛmaza, kɛbadzi kɛ gɛ de wunɔ nahwɛ mɛ, bubite gɛ butɛ xule ishunyɛnyɛna anɛ̀ ishuvuvu ɔfufɔɛ, gɛ kɛ nu kedziŋɛŋa gbɛgbla nɛ Kpaya amɛ.