Yakobo 2:5 - ONUGBÙ NYƐNYÃ VUVƆ

⁵ Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

Yakobo 2:5 ပူးပေါင်းရင်းမြစ်များ

Mateo 11:5

awɔ̃hũ pupuelete nɛ ba kpaa mɔ, akpatanɛ alɔa ga, bunya dzɛdzãelete nɛ banya nɛ ba shɛ, batɔpu nɛ ba kpa nu, betsitsi nɛ ba nyɛmɛ, klɛ ba ɖɔ kibui dzyɔgo nɛ etsre betsyutsyuini.

Mateo 25:34

“Ɔkɛlɛ Ekusi nɛ ebe tsre ɛgɛ li kɛŋa nɛ mɛ asɛ, ‘Nɔ ba, wɔnɔ bagɛ mɛ Aka nɛ atɛ yula, nɔ yɛkɔ wɔnɔ ɔŋakɔ, gɛ bukusiɔŋakɔ nɛ gɛ ba bala lu kɔ nɔ denɔ kanɔ nɛ kesikpɛkpɛ.

Mateo 5:3

“Ba yula bagɛ ba dɔɛtsyui nɛ ɔfufɔɛ mɛ, alasɛ balɛ yɛ kɛlɛ nu bukusiɔŋakɔ nɛ owũsise.

Marko 7:14

Yesu eze klu banɔɛza nɛ amɛna yɛ ɔbha klɛ etsre alɛ asɛ, “Nɔ ta mɛ batɔ, anɔnyanɔ, tɛ no nu kibui nɛ kesi.

Luka 12:21

Kɛlɛ Yesu asɛ “Kana lɛ ba za nɛ̀ anɔ kanyaka gɛ abala kɛdɔ lu kɔ shu pɔ adɛ mɔ ehueyi ɔvɛnɔ Kpaya kɔ.”

Luka 12:32

No ti sifu, bagɛha bhli, alasɛ kɛku wɔ Aka awɔ̃ sɛ tɛ akɔ wɔ bukusiɔŋakɔ.

Luka 16:22

“Kɛbe na gɛ adɔbisi netsi, klɛ baxwɛdɛ ne feke yɛ avɛnɔ Abraham ɔbha. Ehueyi elete nɛ tsyɛ tsi klɛ bavubɔ yɛ.

Luka 16:25

“Pɔ Abraham ebuilɛnu asɛ, ‘Eyi, baka sɛ nɛ wɔ ɛkpã za bɛ ɔyɛkɛ wɔɛ dɔ dzyɔgo, nɛ lɛ be Lazaro ayɛkɛ dɔ zizi, pɔ ɔtsɔ̃ nɛ yɛ shu yɔ nɛ ɔkɛ̃ nɛ klɛ wɔ mɔ butɔ.

Luka 22:29

Klɛ eshɛnahwɛ bukisiɔŋakɔ kɔ nɔ anasɛ gɛ mɛ Aka tsyɛ ashɛ̃nahwɛ tuli shu atrɔ mɛabha,

Luka 6:20

Yesu gɛ edi yɛ badɔkpasɛ, aɖɔ sɛ: “Bayula wunɔ agɛ nɔ dɔɛ tsyui, alasɛ wunɔɛyɛ klɛ nu Kpaya kusiŋakɔ

Yohanɛsɛ 7:48

“Nɔ tɛ mɔ sɛ bagɛ baŋɛabha, pɛnɔ Farisianɛ ba yɛkɛ yɛ abhaŋa?

Axwɛwɛwa 7:2

Ebui lɛ nu aɖɔ sɛ, “Madzyalɛ anɛ mɛakalɛ mɔ, nɔ tatɔ tɛ nɛ mɛ! Ishu dɛdanɛ Kpaya nɛ ebu ishu akasɛ bulɔ Aka Abraham nɛ kibe lɛ gɛ aka lɛ Mesopotemia, flogo pɛ aba za Haran.

Romanɛ 8:17

Ɔtsɔ̃ nɛɛ, onu gɛ buu nu banuvɔ, klɛa lɛ bu nu beyi gɛ aba ŋa Kpaya ɔzakɔ, Kpaya ɔŋakɔeyi anɛ ɔŋakɔeyi plɛnɔ Kristo, onu gɛ kɛɛ lɛ lɛm sɛ bu plɛnɔ nɛ yɛ batɔ́ nɛ mɛ sɛ tɛ bulɔ tsyɛ ba za yɛ ishu bhuibhui nɛ mɛ plɛnɔ yɛ.

1 Kɔrintioanɛ 2:9

Pɔ, anasɛ gɛ ba ŋlɔmɛ lu: “Kɛwɔ̃hu kanyaka dɛ mɔ, batɔ kanyaka dɛ nu, kɛdɛ ba anɔnyanɔ kɛtɔkpui mɛ kɛ gɛ Kpaya abhɛtɛ elu kɔ ba gɛ ba dɛmɛnɔ nɛ yɛ”—

2 Kɔrintioanɛ 4:15

Anɛ petee lɛ nu wunɔ tɛpɛpɛ̃, se tɛ kɛdɔkukɔ gɛ kɛnanɛ lɔ gelee klɛ banɔ gelee ba bakɔ ahwɛhuhu be yukuagbɛgba kɔ Kpaya kabhaŋɛŋa.

2 Kɔrintioanɛ 6:10

samemamɔ mamɔ, pɔ kibenyɛbe bu mɔ same, be tsyutsyukpɛ̃, pɔ bu mɔ ehoeyi gelee, kɛdɔmaza maza anɔ ahwɛ, pɔ kɛdɔnyɛdɔ lɛ anɔ ahwɛ.

2 Kɔrintioanɛ 8:9

Alasɛ nɔ nyi bulɔ Apalete Yesu Kristo kɛdɔkukɔ, sɛ nɛlɛmɛ aba mɔ ehueyi, pɔ nɛ bulɔɛ tɔkpu ebe dzi kitsyutsyuikpɛ̃, so tɛ ganɔ yɛ butsyutsyuikpɛ̃ mɛ nɔ bɔ dzi ehueyilete.

Efesoanɛ 1:18

Ɛka klukpaya tsyɛ sɛ wɔnɔ idzyi aŋɔhu la danɛ sɛ tɛ nɔ tii kidzoenudidi kɔ kɛ gɛ lɛ so gɛ eklu nɔ, yɛ kededɔŋɛŋa nɛ shu bhubhui nɛ kpayabanɔ nɛ mɛ,

Efesoanɛ 3:8

Kɛlɛ anasɛ enu ebhliyi dɛ Kpaya banɔ bhliyi, yɛ kɛdɔ kuku ba kɔ mɛ: sɛ tɛ ɛɖɔ kibui dzyɔgo nɛ kɔ bagɛ bedinu Yuɖanɛ Kristo kedziŋɛŋa gɛ ɔtɛ bɔ pɛɛɔ mɔ,

1 Tɛsolonianɛ 2:12

balɛ kemikpɛkpɛ, ishumyuyɔ klɛ etsre nɔ asɛ tɛ nɔ za nɛ ɛkpã gɛ ku Kpaya awɔ̃, gɛ eekulu nɔ akpɛ yɛ bukusiɔŋakɔ nɛ ishubhubhui nɛ mɛ.

2 Tɛsolonianɛ 1:5

Ebuianɛ petee enu tɛmumɔɖɔ sɛ Kpaya kebhuikuklu nɛ kana, klɛ nɛ kɛlɛ shu so ba ba kla nɔ sɛ nɔ na kɔ Kpaya bukusiɔŋakɔ, gɛ bulɛ shu nɔɔ tɔ.

1 Timotio 6:18

Bu otsre alɛ sɛ ba bhɛtɛ kɛdzyɔgo, tɛ kibui dzyɔgo ehoeyi aza balɛ ahwɛ, tɛ ba pɛ̃ ɛyam tɛ ba dɛmɛ akɔ kɛdɔ.

2 Timotio 4:18

Apalete nɛ ebe bu mɛ nɛ kititilulɔ tsutsɔmɔ kanyakaɛ di mɛ klɛ aba gbanɔ mɛ amɛna fuflɔ̃fuflɔ̃ aba kpɛ yɛ owũsise bukusɔŋakɔ nɛ mɛ. Ishubhubhui lɛ kɔ yɛ denɔ ɔtsɔ nɛ ɔyɛkɔ vɛnɔ. Tɛlɛbɛlɛm.

2 Timotio 4:8

Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.

Hebriuanɛ 11:26

Adɛmɛ kɛwɔɛ̃ gɛ ba ba kpɛɛ yɛ nɛ Kristo tɔkpu dɛ kisiredɔ gɛ aba mɔ nɛ Egipte, alasɛ edi kɛdɔ gɛ aba mɔ nɛ otugba.

Yakobo 1:12

Ba yula anɔ nɛ gɛ akpɛemi nɛ yɛ tɛfifekedi mɛ, alasɛ onu gɛ ana kɛlɛ nu za nɛɛ, aba yɛkɛ ɛkpã kikutu nɛ gɛ Kpaya aɖɔ asɛ aba kɔ bagɛ ba ɖɔ yɛ.

Yakobo 1:16

Ba tɛ wɛɛ nɔ, madzyalɛ dzyɔgo mɔ.

Yakobo 1:19

Madzyalɛ gɛ ɛɖɔ mɔ, no vu anhũ nɛ kibui: Anɔnyanɔ ahwua kɔ batɔtɛta, atɛ nawɔ̃ kɔ kaɖɔɖuɖɔ klɛ atɛ tsɔ obulo mɔ,

Yakobo 1:9

Adzya nɛ gɛ anyɛna shu nɛ kibuinyɛbui mɛ kɛlɛ sɛ tɛ efeke shu nɛ yɛ ɔzakɔ ɖɛɖama.

1 Petro 1:4

klɛ bu di otugba kɔ kededɔŋɛŋa gɛ kɛtɛ ba tsi, kɛtɛbazi, pɛnɔ kɛbakpã—gɛ babala lu kɔ nɔ nɛ owũsise,

2 Petro 1:11

klɛ nɔ bɔ yɛkɛ kedziŋɛŋa tɛyɛyɛkɛ ɔkpɛ bukusiɔŋakɔ mabekemabeke nɛ́ bulɔ Apalete anɛ Yesu Kristo gɛ ebhulɔayɛkɛ.

Tɛbubukasɛ 2:9

Inyi ebui nɛ gɛ atrɔ wɔabha anɛ wɔ kitsyui—pɔ ehoeyi alɛ wɔahwɛ! Inyi bagɛ asɛ enu Yuɖanɛ flogo pɛ bedi nu, pɔ be nu Satana oxogokɔvu.

Tɛbubukasɛ 21:7

Aanɔ nɛ gɛ aŋɛabha aba mɔ ɔŋakɔ nɛ anɛ nɛ peteem, klɛ ɛba dzi yɛ Kpaya klɛ ebe dzi mɛ eyi.

Tɛbubukasɛ 3:18

Ɛkasɛ wɔɛdɔ sɛ tɛ odzi ɔfufɔɛ mɛ sɛkadzɛdzã gɛ be plui nɛ kifu mɛ, sɛ tɛ obo dzi ehoeyielete, nɛ apɔtɛ fufu sɛ tɛ onyumu, sɛ tɛ ɔyɛkɔ ɔda wɔ kɛwɛ̃ buzholia, anɛ bubɔ gɛ ɔbɔ kpɛ anhũm sɛ tɛ ɔzɔɔ mɔ.