Yakobo 2:19 - ONUGBÙ NYƐNYÃ VUVƆ

¹⁹ Nɔ yɛkɛ ɔŋa sɛ Kpaya terikpo yɛ alɛ. Abɔ! Ɛfufɔɛkpã nɛ tsyɛ yɛkɛ ŋa na— klɛ lɛ shuku nɛ kifu.

Yakobo 2:19 ပူးပေါင်းရင်းမြစ်များ

Mateo 8:29

Ɛfufɔɛkpã elete nɛ ba kpɛ ogugu asɛ, “Kidee wɔ ɔɔpɛ denɔ bulɔ kɔ, Kpaya yɛ Eyi?” “Ɔba ɔkɛ̃ sɛ tɛ ɔbɔ nyama bulɔ flogo tɛ bulɔ ɔɖa nɛ mɛ ɔbɔ na dza?”

Marko 1:24

“Kidee wɔ Yesu Nazarɛtɛ eyi nɛ ɔpɛɛ denɔ bulɔ ɔkɔ? Ɔba sɛ tɛ obo beke lɔ dza? Inyi anɔ nɛdi gɛ onu, wɔ nu Kpaya Ɔfufɔɛ Dzyɔgo Anɔ!”

Marko 12:29

Yesu ebui lɛ bunu asɛ, “Ɔgɛ ɔlɛ ɖamadɛ,” “ɔlɛ nu sɛ, O Izraɛl, ‘Taatɔ, Apalete blɔ Kpaya, Apalete terikpoo ko enu.

Marko 5:7

Akpɛ ogugu gɛganɛɛ asɛ, “Yesu, Apaletedɛ nɛ yɛ Eyi, kɛdee wɔ pɛɛ denɔ mɛ ɔkɔ? Tanɛ Kpaya sɛ ɔtɛ bɔ bhɛtɛ mɛ kibui kpã!”

Marko 7:9

Klɛ etsre balɛ asɛ, “Edzo dzyɔgo alɛ wɔnɔ ahwɛ gɛ nɔ ga pɛ nɔɔ yɛkɔ plɛ Kpaya ɛshã nɛ olu kɛwã sɛ tɛ nɔ mɔ wɔnɔ nahwɛ begu nɛ bu gu!

Luka 4:34

“Ah! Kɛde wɔ pɛɛ nɛ blɔ shu, Yesu Nazarɛtɛ eyi? Ɔba se tɛ obo beke bulɔ ɛkpã? Ɛnyi anɔ nɛ gɛ onu—Kpaya ye Yi dzyɔgo!”

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Axwɛwɛwa 16:17

Adzɛnuvɔɛ anɛ aza Paolo anɛ bulɔ bagɔgɔɛ nɛe de nɛ igugu asɛ, “Banɔa nɛ benu Ɔɖɛɖamakɔ dɛ nɛ Kpaya anɛ baxwɛdɛ, gɛ ba kasɛ wɔ kidzo nɔɔ nɛ gɛ ɔbɔ ga pɛ bebe bu wɔ.”

Axwɛwɛwa 19:15

Kiwi nɛ tili nɛ, ɔfufɔɛkpã nɛ ɔbɔ dɛmɛ ɔkɔa lɛ ɔsɛ, “Yesu nɛ inyi yɛ, klɛ inyi kibui denɔ Paolo shu, pɔ wɔ nu ane?”

Axwɛwɛwa 24:25

Gɛ Paolo aɖɔ kaɖɔ denɔ tɛzɛzam dzyɔgo, ishua bhaŋɛŋa anɛ kebhui kuklu nɛ ga ba ba, Felikisi esi kifu klɛ aɖɔ asɛ, “Agɛ ɔɖɔa na bɔ gbɔ! Ɔbɔ shɛ faã. Kɛɛ ba dɔ kɔm tsyɛ, ɛba kpɛ anɔ nɛ wɔesi.”

Romanɛ 3:30

nɛ kiwili gɛ Kpaya terikpo ko yɛalɛ, gɛ yɛ aba danɛ bagɛ be bhui bunyɛnyɛ nɛ shu ganɔ tɛyɛyɛkɛŋɛa bha anɛ bagɛ edi bhui bunyɛnyɛ ganɔ tɛyɛyɛkɛŋa tirikpoe lɛlɛ nɛa bha.

1 Kɔrintioanɛ 8:4

So nɛlɛmɛ, denɔ kɛŋɛŋa gɛ ba kɔ kɛdɔbhubhɔ shu: Bu nyi sɛ kɛdɔbhubhɔ kidi nu kɛdɔnyɛdɔ kura nɛ kanɔ nɛ mɛ klɛ Kpaya bhlatɔ avama pɔ terikpoa nɛ ko.

1 Kɔrintioanɛ 8:6

pɔ kɔ bulɔ Kpaya terikpo, Aka, gɛ yɛ ɔkɔ kɛdɔnyɛdɔ de klɛ yɛ akɔ lɔ lɛ nɛ ɛkpã, klɛ pɔ Apalete terikpo, Yesu Kristo, ganɔ yɛabha kɛdɔ nɛ petee ba klɛ nɛ yɛ abha bu lɛ nɛ kpã.

Galatianɛ 3:20

Kishitɛbhanɔ, pɔ, ama kɔ kapɛ tierikpo, pɔ Kpaya enu terikpo.

1 Timotio 2:5

Alasɛ Kpaya terikpo yɛa lɛ, enu ebuevu nɛ Kpaya nɛ banɔdzyrame nɛ shi, yɛ enu Kristo Yesu,

Yakobo 2:8

Onu gɛ kii nu sɛ nɔ nyɛna bukusi ɔshã nɛ gɛ ɔkpasɛ Kpayabuie plukpa nɛ mɛ sɛ, “Dɛmɛ nɛ wɔhayɛ ansɛ gɛ ɔdɛmɛ nɛ ishu,” nɔɔ bhɛtɛ mɔmɔ.

Yuɖa 1:4

Alasɛ banɔ teli gɛ be bu kɛpɔ pɛ ba ŋlɔmɛ kɛdɔ nɛ balɛ shu kukuku, ba ga tɛkpukpu mɛ ashɔku wɔnɔɛ shi. Be nu banɔ gɛ kpaya ama balɛ mɛ, gɛ be tsyina Kpaya ɛyamyuyɔ nɛ edzi kidzokukɔ kɔ azhuzhɔlɛbui bhɛbhɛtɛ klɛ ba dɛ yɛkɛ Yesu Kristo bulɔ Ishuahwɛzɛza anɛ Apalete terikpo.

Yuɖa 1:6

Klɛ kpayaxwɛdɛ nɛ gɛ ba dɛ nyɛna balɛ kabhaŋɛŋa ɛzakɔ nɛm evunɔ pɔ pɛ ba shɛnahwɛ balɛ nahwɛ bapa nɛ shu—balɛlɛ nɛ evu akpɛ otumu mɛ, gɛ akpɛ buɖɛ gɛ ba za vɛnɔ xũii kɔ kebhuikuklu nɛ Kiwigbla nɛa bha.

Tɛbubukasɛ 20:10

Klɛ ɔfufɔɛkpã, nɛ gɛ ɔwɛa lɛ, ba yɛkɔ ɔlɛ atɛ̃akpɛ kɛklãgbui fui vɔ gɛ tã nɛ mɛ, ɔkɛlɛ gɛ ba yɛkɔ ayakpamaga anɛ itro batɔnu nɛ atɛ̃a kpɛ. Ba ba nyagbã nɛ balɛ elishi anɛ kemuze ɔvɛnɔ mabeke mabeke mɛ.