Yakobo 1:6 - ONUGBÙ NYƐNYÃ VUVƆ

⁶ Pɔ onu gɛ ebisi, alasɛ tɛ ayɛkɛaŋa klɛ eti di kɛlɛ asɛ otro, alasɛ anɔ nɛ gɛ atɛ yɛkɛaŋa nɛ edzi ansɛ aƒu mɛ bunigiglebe, gɛ kɛlɛɛ fu kana.

Yakobo 1:6 ပူးပေါင်းရင်းမြစ်များ

Mateo 14:28

Petro ebui lɛ nu asɛ, “Apalete, onu wɔ, tsre mɛ ɔsɛ ɛba wɔ bha nɛ keni nɛa bha.”

Axwɛwɛwa 10:20

So lɔ tɛ ozhi ɔvɛ kesi. Tɛ zi kibe nɛ balɛ tɛtutɔnɔ vɛ mɛ, alasɛ mɛ kpɛ alɛ.”

Efesoanɛ 4:14

Kɛlɛ bu tɛa dzi banɛvɔ, gɛ kɛlɛɛ ba wanya vɛnɔ kede anɛ otugba klɛ kɛdɔkɛkasɛ kɛlɛɛ ba fu lɔ vɛnɔ ɔkɛ̃ anɛ mɛna ɔkɛ̃ ganɔ banɔ anɔwuwɔɛ anɛ bushɛ edzo bhɛbhɛtɛ mɛ.

1 Timotio 2:8

Ɛpɛ banɔ nɛ ɔkɔnyɔkɔ sɛ be bu ɛhwɛ gɛ ɛlɛ shu bhui akpɛa bha kɔ kpayakuklu, obulo anɛ kibui wɛ̃wlãnkɛ ma kɛlɛ mɛ.

Hebriuanɛ 10:23

Nɔ kɔlɔ nyɛna gɛganɛ kɛdzoenudidi gɛ bubu ɖɔ, alasɛ agɛ atɛɖɔlu enu ayɛyɛkɛŋa.

Hebriuanɛ 11:6

Klɛ tɛyɛyɛkɛŋa mazɛlɛ mɛ ɔtɛ bɔ na Kpaya awɔ̃ ku, alasɛ anɔnyanɔ gɛ aba ba yɛ ɔkɔ alasɛ tɛ ayɛkɛŋa sɛ alɛ klɛ abuya kɛbhɛ kɔ bagɛ ba pɛɛ yɛ gɛganɛ.

Hebriuanɛ 13:9

Nɔ tɛkɔ kɛdɔ kɛkasɛ bhlatɔ dinyɛdi kɛ gbanɛ nɔ koeyi nɛ kidzo dzyɔgo nɛabha. Kɛbɔ sɛ tɛ kɛdɔkukɔ kpɛ lɔ idzyi kemi, anɛ kibenyɛbe dɔ ŋɛŋa gɛ kɛdɛ plɛnɔ bagɛ baŋa lɛ.

Yakobo 1:7

Anɔa lɛlɛ nɛ atɛ bhɛtɛ kɛtɔkpum asɛ aba yɛkɛ kɛdɔnyɛdɔ edenɔ Apalete nɛ ɔkɔ;

Yakobo 5:15

Klɛ kpayakuklu nɛ gɛ ede tɛyɛyɛkɛŋam nɛ aba bhɛtɛ anyɛnya nɛ bunya lu ba beke, Apalete nɛ ebe feke yɛ ewunɔ. Onu gɛ kɛlɛ sɛ abhɛtɛ buzizi, ba ba yɛkɔ etsye yɛ.

2 Petro 2:17

Banɔa nɛ be nu kizi gɛ buni ma kɛlɛ mɛ klɛ be nu ɔmunɔ gɛ kɛlɛɛ fu. Otumu tutuɔdɛ ba bala lu kɔ alɛ.