Yakobo 1:27 - ONUGBÙ NYƐNYÃ VUVƆ

²⁷ Busɔlɛ nɛ gɛ Kpaya bulɔ Aka nɛ adɛmɛ asɛ bɔlɛ shu bhui klɛ kɛpɔ ma bɔlɛ shu, bɔlɛ nu sɛ: tɛ odi batsyavi anɛ bagɛ be tsianyɛ nɛabha nɛ balɛ ebui nɛ gɛ atrɔ balɛa bha nɛm klɛ tɛ ɔnyɛna ishu tɛ kanɔ nɛm kibo nɛ tɛ la wɔ.

Yakobo 1:27 ပူးပေါင်းရင်းမြစ်များ

Mateo 12:32

Anɔnyanɔ gɛ aba ɖɔ kaɖɔkpã nɛ Anɔdzyrame Yeyi nɛ shu ba ba yɛkɔ etsye yɛ, pɔ anɔ nɛ gɛ aba ɖɔ kaɖɔ kpã nɛ Ɔfufɔɛ Dzyɔgo nɛ shu ba tɛ ba yɛkɔ etsye, eze dzi nɛ tɛmumɔɛ nɛ mɛo kɛ gɛ tɛ ba nɛ mɛo.

Mateo 5:8

Ba yula bagɛ balɛ idzyi mɛ ebhui, alasɛ balɛ aba mɔ Kpaya.

Luka 1:6

Banɔ edi tabha nɛ dzi banɔ dzyɔgo nɛ Kpaya amɛ, ba bhɛtɛ atrɔ Apalete nɛ ɛshã nɛ tɛtɛtrɔ nɛabha amɛ makamaka.

Romanɛ 12:2

Nɔ tɔɔ yɛkɔ wɔnɔ shu nɛ ɔkpɛ kanɔ nɛ tɛzɛza mɛ ɔtsɔlɛ, pɔ no dzi banɔ gɛ otsyina ganɔ wɔnɔ atɔkpum vuvɔ bhɛbhɛtɛ. Kɛlɛmɛ nɔ bɔ na Kpaya tɛpɛpɛ nu fekedi pɛ nɔ bɔ trɔahwɛ yɛ tɛpɛpɛ nɛa bha—yɛ tɛpɛ̃pɛ, kɛku awɔ̃ klɛ kɛna.

Romanɛ 2:13

Alasɛ ganɛ banɔ nɛ gɛ be nu ɔshã nɛ balɛ enu banɔnɛna nɛ Kpaya amɛ, pɔ ba gɛ balɛ abhɛtɛ atrɔ ɔshã nɛa bha balɛ la ba ɖɔ sɛ be nu banɔnɛna.

Galatianɛ 1:4

agɛ ayɛkɔ yɛnahwɛshu akɔ kɔ bulɔ ebuizizi tɔkpu sɛ tɛ ebu lɔ denɔ ɔtsɔ̃nɛ kanɔ zizia nɛ mɛ, anɛ́ bulɔ Kpaya anɛ̀ Aka nɛ́ tɛpɛpɛɛ nu,

Galatianɛ 3:11

Kɛlɛmɛ bhui sɛ bedi bu anɔnyanɔ butsya nɛ Kpaya amɛ nɛ ɔshã nɛ shu, alasɛ, “Anɔnɛna aba za nɛkpã ganɔ tɛyɛyɛkɛŋa mɛ.”

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

Galatianɛ 6:14

Mɛ ɛtɛ ba fekeshu odunu sɛ bulɔ Apalete Yesu Kristo butsiosi shu, ganɔ kɛlɛ abha bakpla kanɔ le yi nɛ butsiosi shu kɔ mɛ, klɛ mɛ kɔ kanɔ.

Efesoanɛ 2:2

nɛ gɛ nɔ za kanɔ mɛ ebui nɛede klɛ agɛ aŋa bukusi nɛ kɛlɛmɛ, ɔfufɔɛ nɛ gɛ lɔ waɛxwɛ ɔtsɔ̃nɛ nɛ́ bagɛ ba ta ta tɔ nɛ mɛ.

1 Timotio 1:5

Ɔshã nɛ tɛtutrɔ yɛ kɛlɛ nu tɛɖuɖɔ, gɛ kii de idzyi gɛ ebhui mɛ anɛ ishumdɛdanɛ dzyɔgo nɛ tɛyɛyɛkɛŋa gɛganɛ.

1 Timotio 5:4

Pɔ onu gɛ beyi nɛ beshui alɛ anyɛtsi teli ahwɛ, balɛ alasɛ tɛ kpɛ otugba ba kpasɛ kana gɛ ba ba yɛkɔ balɛ busɔlɛ ebui nɛ akpɛ tɛbhɛbhɛtɛm ganɔ balɛ nahwɛ bupa nɛa bha didi mɛ, tɛ kidzi kɛbhɛ bubuya kɔ balɛ eni anɛ aka anɛ balɛ enishe anɛ bakashiealɛ, alasɛ kana mɛ bui kɛlɛ ku Kpaya awɔ̃.

Titusɛ 2:12

Lɔɔ kasɛ lɔ sɛ buɖɔ sɛ, “Ao” kɔ kpaya mɛ mazamaza anɛ kanɔmɛdɔ pɛpɛɛ, klɛ tɛ ɔna ishu ganɔ, tɛfuflɔ̃ anɛ kpayamzɛza ɛkpã nɛ ɔtsɔ̃ nɛa nɔmɛ,

Yakobo 3:17

Pɔ kibuinyinyi nɛ gɛ de owũsise, putɔnɔ nɛɛ, kɛlɛ shu petee bhui, klɛ ishuyuyɔ— tɛdɛdɛmɛnɔ, tɛyɛyɛkɔ nɛ lɛm, ishu zhizhinɔesi, tɛyuyuku nɛ eshutukubui didi nɛ eyuyu dzyɔgo, anɔamɛ madimadi anɛ kidzo tirikpom nyɛnyɛna vunɔ.

Yakobo 3:9

Kɛnɛkɛ nɛ bu yɛkɔ kpɛ bulɔ Apalete anɛ Aka nɛ kabha, klɛ kɛlɛ lɔ yɛkɔ ɖɔɛ bui kpɛ banɔ, gɛ ba bhɛtɛ nɛ Kpaya tɛzɛzam.

Yakobo 4:4

Wɔnɔ banɔ gaa dɛ ɔmamɛ, no ti nyi ɔsɛ kɛbhɛam zɛza nɛ kanɔ nɛɛ kinu Kpaya mapɛmapɛ? Anɔnyanɔ gɛ ayɛkɔ asɛ ebe dzi kanɔa nɛ mɛ ɔbhɛa nɛɛ, ebe dzi anɔ gɛ alɔ kititi nɛ Kpaya shu.

2 Petro 1:4

Ganɔ anɛ nɛabha akɔ lɔ yɛ dɔ gbɛgbla anɛ̀ kedziŋɛŋa gɛ aɖɔlu kɔ lɔ so tɛ ganɔ balɛ abha nɔ bɔ bhɛtɛ nɛ́ kanɔ mɛ kemi klɛ nɔ bɔ koeyi nɛ otumu mɛ kɛdɔ yɛyɛkɛ anɛ kanɔ mɛ gɛ ke de ɔfufɔɛ zizi tɛpɛpɛɛ ɔkɔ.

2 Petro 2:20

Onugɛ be sikoyi nɛ kanɔɛmɛ ebuikpã nɛ mɛ gɛ be ti bulɔ Apalete nɛ̀ Ebhubhuiayɛkɛ Yesu Kristo klɛ ba za vu alɛ anya nɛ lɛ mɛ klɛ baŋa balɛabha, be ziadɛ nɛ kibe gugɔɛ nɛ gɛ ba za nɛ kesikpɛkpɛ.

2 Petro 3:14

Kɛlɛso, ɔtsɔ̃ nɛ ɛbhɛya mumɔa, denɔ kibelɛlɛ gɛ no di otugba kɔ kibuinɛ, bhɛtɛ kɛkanyaka sɛ tɛ ba tɛmɔ ɔpɔɛzizi, tɛtsitsirenɔ nɛ tɛ nɔ za ishuyuyɔ mɛ nɛ yɛ.

1 Yohanɛsɛ 5:18

Bu nyi sɛ anɔnyanɔ gɛ ba mɔ nɛ Kpaya mɛ ata za lɛabha abhɛtɛ kibui kpã, agɛ yɛ la mɔ nɛ Kpaya mɛ akpɛ buka akana yɛ, klɛ ɔfufɔɛ kpã nɛ lɔ tɛ bɔ bhɛtɛ yɛ kizizi.