Yakobo 1:26 - ONUGBÙ NYƐNYÃ VUVƆ

²⁶ Onu gɛ anɔ teli edi shu asɛ asɔlɛ tsyɛ pɛɛ adɛ kpaka yɛ kɛnɛkɛ nɛ gɛganɛ nɛɛ, awɛɛ shu klɛ kedziŋɛŋa kanyaka ma yɛ busɔlɛ nɛ shu.

Yakobo 1:26 ပူးပေါင်းရင်းမြစ်များ

Mateo 15:9

Baa kpɛ kɛtɔkpuesi akɔm nɛ kɛlɛɛ mɛ, balɛ kɛdɔkɛkasɛ nɛ nu ɛshã gɛ banɔa kasɛ.’ ”

Marko 7:7

Ba kpɛ kɛtɔkpuesi kɔ mɛ kito; balɛ kɛdɔ kɛkasɛ nɛ nu banɔdzyrame eshã gɛ bakpɛ elu.’

Luka 8:18

Kɛlɛso nɔ ta atɔ mɔmɔ nɛ kɛnu gɛ nɔnu ebui. Anɔ nɛ gɛ kɛdɔ lɛ yɛ ahwɛ ba ba kɔ yɛ gelee, agɛ kɛdɔnyɛdɔ ma yɛ ahwɛ, kɛ gɛ ayɛkɔ sɛ kɛlɛ yɛ ahwɛ tsyɛ ba zia yɛkɛ lɛ nɛ yɛ ahwɛ.”

1 Kɔrintioanɛ 15:15

Ɔyɛkɔ dɛa na, ba ba mɔ lɔ asɛ bu nu otro bebuimɔɖɔ denɔ Kpaya shu, alasɛ bu tɛ bu ɖɔ denɔ Kpaya shu sɛ anyɛmɛ Kristo denɔ bekpu mɛ. Pɔ adɛ nyɛmɛ yɛ onu gɛ ki nu kɛgbɛagba sɛ ba taa nyɛmɛ be tsitsi.

1 Kɔrintioanɛ 15:2

Ganɔ kibui dzyɔgo nɛabha be bhuinɔayɛkɛ, onugɛ nɔnyɛna gɛganɛ kibui dzyɔgo nɛ gɛ ɛɖɔ tsre nɔ. Odunusɛ, wunɔ kabhaŋɛŋa kɛdinu kɛdɔ dzyɔgo.

1 Kɔrintioanɛ 3:18

Nɔ tɔ wɔɛ wunɔ nahwɛshu. Onugɛ wunɔ mayɛ teli ayɛ kɔɛ lɛ asɛ enyi bui nɛ kanɔa nɛ tɛ zɛza nɛ mɛ, yɛ ebe dzi “agã” sɛ tɛ ebe dzi ebuiti.

Galatianɛ 2:6

Kɔ bagɛ wɔɛ̃ anasɛ bavɛ kɛdɔnyɛdɔ di gɛ be nu kɛ dɛ bhɛtɛ ɔtɔgɛga kɔ mɛ, Kpaya etedi anɔ tɛzɛzamɛ eklu kebhui—banɔ alɛlɛ ba dɛ yɛkɔ kɛdɔnyɛdɔ aplɛnɔ mɛ ɔsɔkɛkla.

Galatianɛ 2:9

Yakobo, Petro anɛ Yohanɛsɛ, ba gɛ benu anasɛ bushã, ba kɔ mɛ anɛ̀ Barnabasɛ ahwɛ nɛna kukɔ ɔhaglɔ kibelɛlɛ gɛ ba mɔ ɛyamyuyɔ gɛ bakɔ mɛ. Ba dɛmɛ sɛ bu vɛ ba gɛ be dinu Yuɖanɛ nɔ kɔ klɛ tɛ ba lɛ avɛ Yuɖanɛ nɔ kɔ.

Galatianɛ 3:4

Ɔtɛ mɔ butɔ gelee gɛ kɛdɔnyɛdɔ malɛ mɛ—onugɛ kɛgbɛagba kɛ dɛ dzi kɛdɔnyɛdɔ?

Galatianɛ 6:3

Onugɛ anɔ teli edi shu sɛ enu kɛdɔ tili nɛ kɛbelɛlɛ gɛ edinu kɛdɔnyɛdɔ awɔɛ yɛnahwɛ shu.

Efesoanɛ 4:29

Nɔ tɛ kɔ kaɖɔ tsutsɔmɔ kanyaka ke koeyi nɛ wɔnɔ inugbu mɛ, pɔ ka gɛ ko ka ba plɛnɔ tɛbhubhɔ trɔ kɔ bagugɔɛ kɔ balɛ dɔ pɛpɛɛ, tɛ kɛ ba pɛ̃ kɔ ba gɛ ba tatɔ.

Efesoanɛ 5:4

Pɛnɔ obushuolu kɔ, agã ebui ɖɛɖɔ, pɛnɔ ɔyɔzizi gɛ la tɛ ba mɔ ɔzakɔ, pɔ nɔ za ahwɛhuhu abha.

Koloseanɛ 4:6

Kɔ wɔnɔɛ kibuiɖɛɖɔ kanyaka yuku nɔ nɛ ɛyɛmɛyuyɔ, gɛ ba kpɛ lɛ bumɔɛ, sɛ tɛ nɔ ti kana gɛ no bo bu kibui nu nɛ anɔnyanɔ.

Yakobo 1:19

Madzyalɛ gɛ ɛɖɔ mɔ, no vu anhũ nɛ kibui: Anɔnyanɔ ahwua kɔ batɔtɛta, atɛ nawɔ̃ kɔ kaɖɔɖuɖɔ klɛ atɛ tsɔ obulo mɔ,

Yakobo 1:22

Nɔ tɛ ta batɔ nɛ kibui nɛ tite ko, sɛ tɛ nɔ wɛɛ shu. Nɔ bhɛtɛ kɛgɛ kibui nɛɛ ɖɔ.

Yakobo 2:20

Wɔ bugã anɔ, ɔpɛ sɛ tɛ ɔmɔ kibuimɔɖɔ sɛ tɛyɛyɛkɛŋa gɛ kɛxwɛwɛwa ma kɛlɛ shu nɛ ma kibuinyɛbuim?

1 Petro 3:10

Alasɛ, “Anɔ nɛ gɛ aba dɛmɛnɔ ɛkpã klɛ amɔ ewui dzyɔgo azɛkɔlɔ ebuikpã ɖɛɖɔ nɛ yɛ nɛkɛ klɛ tɛ ada onugbu akpɛ yɛ kɛnɛkɛ nɛ ebuizizi kaɖɔ ɖɛɖɔ shu.