Yakobo 1:22 - ONUGBÙ NYƐNYÃ VUVƆ

²² Nɔ tɛ ta batɔ nɛ kibui nɛ tite ko, sɛ tɛ nɔ wɛɛ shu. Nɔ bhɛtɛ kɛgɛ kibui nɛɛ ɖɔ.

Yakobo 1:22 ပူးပေါင်းရင်းမြစ်များ

Mateo 12:50

Alasɛ ananyanɔ gɛ abhɛtɛ Maka nɛ owũsise nɛ tɛpɛpɛɛ yɛ enu badzya, mada anɛ meni.”

Mateo 28:20

klɛ tɛ nɔ kasɛ dɔ sɛ anɔnyanɔ abhɛtɛ ansɛ gɛ ɛtrɔ kɔ nɔ. Klɛ kɛlɛ kɛlɛm sɛ ɛlɛ plɛnɔ nɔ kibenyɛbe, ɔkɔ dɔ nanɔ kanɔ nɛ tibibeke.”

Luka 11:28

Ebuilɛnu asɛ, “Bayula bagɛ be nu Kpaya bui klɛ ba bhɛtɛ atrɔ kɛlɛ abha.”

Yohanɛsɛ 13:17

Ɔtsyɔnɛ gɛ nɔ nyi ebuia nɛ, nɔ bɔ yɛkɛ tɛyuyula onugɛ nɔ bhɛtɛ alɛ.

Romanɛ 2:13

Alasɛ ganɛ banɔ nɛ gɛ be nu ɔshã nɛ balɛ enu banɔnɛna nɛ Kpaya amɛ, pɔ ba gɛ balɛ abhɛtɛ atrɔ ɔshã nɛa bha balɛ la ba ɖɔ sɛ be nu banɔnɛna.

1 Kɔrintioanɛ 15:33

Nɔ tɛ kɔ la wɔɛ nɔ: “Ɔhazizi kpɛkpɛ lɔ zi ɛkpã dzyɔgo.”

1 Kɔrintioanɛ 3:18

Nɔ tɔ wɔɛ wunɔ nahwɛshu. Onugɛ wunɔ mayɛ teli ayɛ kɔɛ lɛ asɛ enyi bui nɛ kanɔa nɛ tɛ zɛza nɛ mɛ, yɛ ebe dzi “agã” sɛ tɛ ebe dzi ebuiti.

1 Kɔrintioanɛ 6:9

Nɔ tinyi sɛ kɛtɔkpumɛ gɛganɛelete atɛ ba ŋa kededɔ nɛ Kpaya kusiɔŋa kɔ? Nɔ tɛkɔ la wɔɛ nɔ: Aglɔbui bhɛbhɛtɛ pɛnɔ obudisɔlɛ pɛnɔ ɔmɛmɛdɛdɛ pɛnɔ ɔhaglɔ shudɛdɛ pɛnɔ anyɛ anɛ anyɛ tɛzɛza

Galatianɛ 6:3

Onugɛ anɔ teli edi shu sɛ enu kɛdɔ tili nɛ kɛbelɛlɛ gɛ edinu kɛdɔnyɛdɔ awɔɛ yɛnahwɛ shu.

Galatianɛ 6:7

Nɔ tɛ kɔ la wɔɛ nɔ: Ɔtɛbɔna bugã kpɛ Kpaya. Kɛdɔnɔ nɛ gɛ anɔ aɖa kɛlɛ yɛ etsu.

Filipianɛ 4:8

Gɔgɔɛ, badzya mɔ, kɛgɛ nu kɛgbɛagba, kɛgɛ gbɛgbla, kɛgɛ kɛlɛ nu kɛdzyɔgo, kɛgɛ kɛlɛ shu bhui, kɛgɛ kɛlɛ nu anɔɛ bui dɛdɛmɛnɔ, kɛgɛ kɛɛ pudi--onugɛ kɛdɔ tili pɛɛ̃ ɔdɔgɔsɛ kɛlɛ gɛ ba ba kpɛ nɛa bha--bhɛtɛ alɛlɛ nɛɛ di kɛtɔkpu mɛ.

Koloseanɛ 3:17

Klɛ kɛgɛ nɔ bhɛtɛ, kɛlɛlɛmɛ sɛ kibui ɖɛɖɔɛ mɛ ɔdɔgɔsɛ kɛbhɛbhɛtɛ mɛ, bhɛtɛ lɛ petee nɛ Apalete Yesu nyi mɛ, nɔ hu Kpaya Aka nɛ ahwɛ ɔganɔ yɛabha.

2 Timotio 3:13

nɛ kibe lɛ mɛ gɛ banɔ tsutsɔmɔ anɛ bagɛ ba wɛanɔ na ba lɔ denɔ butsutsɔmɔ mɛ avɛ butsutsɔmɔ dɛa na nɛ mɛ, aza wɛanɔ klɛ la ba za wɛalɛ tsyɛ.

Titusɛ 3:3

Nɛ kibe tili mɛ, bulɔ tsyɛ bu tɛ dɔ gã, bu dɛ taa tɔ, ba wɛɛ lɔ klɛ la bhɛtɛ lɔ banɔdzidzi ganɔ tɛpɛpɛɛ kanyaka di mɛ anɛ ba same mumɔm. Bu za nɛ atɔkpumkpã anɛ kawɔ̃kpɛ, ba dɛ pɛɛ bulɔɛ bui klɛ bulɔ tsyɛ dɛ pɛɛ ɔhayɛ bui.

Yakobo 1:26

Onu gɛ anɔ teli edi shu asɛ asɔlɛ tsyɛ pɛɛ adɛ kpaka yɛ kɛnɛkɛ nɛ gɛganɛ nɛɛ, awɛɛ shu klɛ kedziŋɛŋa kanyaka ma yɛ busɔlɛ nɛ shu.

Yakobo 4:11

Badzya mɔ, no ti zi aglɔ shu. Anɔnyanɔ gɛ aɖɔaɖɔ kpã nɛ yadzya shu ɔdɔgɔsɛ ekluebhui nɛ yɛ aɖɔaɖɔ kpã nɛ ɔshã nɛ shu klɛ ekluebhui nɛ ɔlɛ. Onu gɛ okluebhui nɛ ɔshã nɛɛ, anɛ ɔlɛabha ɔbhɛtɛ, pɔ ozhiodzi kebhuikuklum nɛ ɔlɛa bha.

Yakobo 4:17

So, anɔnyanɔ, gɛ enyi kibui dzyɔgo nɛ gɛ kɛlɛ sɛ tɛ abhɛtɛ klɛ ataa bhɛtɛ nɛɛ, abhɛtɛ buzizi.

2 Petro 2:13

Ba be tsodzi abuya kɛbhɛ nɛ̀ butɔ kɔ butɔ ebui nɛ gɛ babhɛtɛ. Balɛ ɛkpãŋɛŋa kɛlɛ nu sɛ tɛ babhɛtɛ kibuinyɛbui nɛ kemuze gbadagbada. Be tuturu klɛ kɛwɛ̃ lɛ balɛ shu, be buakasɛ nɛ balɛ ɛkpãŋɛŋa kibelɛ gɛ ba ŋaɛdɔ nɛ nɔ.

1 Yohanɛsɛ 1:8

Onugɛ bu ɖɔ sɛ kizizi ma lɔ shu, bu wɔɛ bulɔnahwɛ shu klɛ kibuigbɛagba ma bulɔ ahwɛ.

1 Yohanɛsɛ 2:3

Bu nyi sɛ bu ba sɛ tɛ bu ti yɛ onugɛ bu bhɛtɛ trɔ yɛ ɛshã nɛabha.

1 Yohanɛsɛ 3:7

Banɛvɔ mumɔa, nɔ tɛ kɔ anɔnyanɔ awɔɛ nɔ. Anɔ gɛ abhɛtɛ kɛdɔ dzyɔgo enu anɔ dzyɔgo, anasɛ gɛ Kristo enu adzyɔgo.

3 Yohanɛsɛ 1:11

Ɔbhɛa mumɔa, tɛ kpasɛ kibui kpã bhɛbhɛtɛ pɔ kɛgɛ nu kɛdzyɔgo. Anɔnyanɔ gɛ abhɛtɛ kɛ gɛnu kɛdzyɔgo ede Kpaya kɔ. Anɔnyanɔ gɛ abhɛtɛ kɛgɛ nu kizizi atɛ mɔ Kpaya.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

Tɛbubukasɛ 22:7

“Di, ɛba kpataa! Bayula anɔ nɛ gɛ anyɛna ebui nɛ gɛ ba ɖɔelu nɛ keplukpɛa nɛm.”