Yakobo 1:19 - ONUGBÙ NYƐNYÃ VUVƆ

¹⁹ Madzyalɛ gɛ ɛɖɔ mɔ, no vu anhũ nɛ kibui: Anɔnyanɔ ahwua kɔ batɔtɛta, atɛ nawɔ̃ kɔ kaɖɔɖuɖɔ klɛ atɛ tsɔ obulo mɔ,

Yakobo 1:19 ပူးပေါင်းရင်းမြစ်များ

Mateo 5:22

Pɔ itsre nɔ sɛ, anɔnyanɔ gɛ amɔ oblo nɛ yɛadzya be be kulu kebhui nɛ yɛ. Ɔyɛkɔplɛnɔ anɔnyanɔ gɛ ebe tsre yadzya sɛ, ‘Ɔmɛtã kɔ kɛdɔnyɛdɔ,’ ebe bu shu nu nɛ Bebhuiklu naa mɛ. Pɔ anɔ nɛ gɛ aaɖɔ sɛ, ‘Wɔ agã onu!’ ebe tsoku butɔm anɛ kifu mabeke mabekem.

Marko 12:37

Daviti nahwɛ eklu yɛ asɛ, ‘Apalete.’ Klɛɛ dzi Yesu eze be dzi yɛ eyi?” Banɔɛza nɛ bata yɛ kibui nɛ batɔ nɛ same.

Marko 2:2

So, banɔ gelee be xogo nɛ yɛ ɔbha, ɔzakɔ ɔdɔ za, ɔyɛkɔ obo yinɔ kedunu nɛ ɔtɔ nɛ petee, klɛ aɖɔ Kpayabui nɛ etsre alɛ.

Luka 15:1

Ɔtsɔnɛ ɔma badɔdzyɔ anɛ̀ “bezizi” bexogo nɛ Yesu ɔbha sɛ tɛ benu yɛ ebui.

Luka 19:48

Pɔ ba dɛ mɔ kidzonyɛdzo abha gɛ ba baga abhɛtɛ lɛ, alasɛ banɔ nɛ petee ba ta tɔ nɛ yɛ buɖɔ nɛ gɛ aɖɔ.

Axwɛwɛwa 1:15

Nɛ ewi alɛlɛ nɛm nɛɛ Petro alɔ kititi nɛ bagɛ bayɛkɛaŋa nɛ shi, (banɔ gɛ balɛ tɛkpɛkpem ba za ansɛ kɛfɔɛfɔ nɛ afɛtabha)

Axwɛwɛwa 10:33

Klɛ so pɛ ɛkpɛ anɔ nɛ wɔesi kɛkpɛ tili, klɛ kɛpɛ sɛ ɔba. Ɔtsɔ̃ nɛɛ blɔ petee li Kpaya amɛ nɛ ɛkɛ sɛ tɛ bu tatɔ nɛ kibui nyɛbui gɛ Apalete nɛ ayɛkɔ kpɛ wɔ ahwɛ sɛ otsre lɔ.”

Axwɛwɛwa 13:48

Gɛ bagɛ edi nu Yuɖanɛ ne nu kibui nɛɛ, ba mɔ same klɛ ba yɛkɛ Apalete nɛ bui, klɛ bagɛ balɛ petee be klua kɔ ɛkpã mabeke mabeke na yɛkɛaŋa.

Axwɛwɛwa 17:11

Ɔtsɔ̃ nɛɛ Bɛreanɛ na bhɛtɛ banɔ adɛ Tɛsalonianɛ, alasɛ balɛ nɛɛ bayɛkɛ Kpaya kibui nɛ awɔ̃ dzudzu mɛ klɛ ba nyɔ klɛ shu mɔɔ mɔ kiwinyɛwi sɛ tɛ bamɔ sɛ kibui nɛ gɛ Paolo aɖɔ nɛ nu kɛgba dza.

Axwɛwɛwa 2:42

Ba yɛkɔ balɛ ishu akɔ Banɔkpɛkpɛ anɛ kɛdɔ kɛkasɛ nɛ ketsukpɛkpɛ, kɔ kɛdɔŋɛŋa nɛ kɔ kpayakuklu.

Efesoanɛ 4:26

“Nɛ wɔnɔ oblo mumɔ mɛ nɔ tɛ bhɛtɛ kizizi”: Nɔ tɛ mɔ oblo ɔdɔtɔnɔ kiwui dudɔ mɛ,

Efesoanɛ 4:31

No bu ishu mɛ pupɔɛ petee, budugudugu anɛ oblo, kadapɛkpɛ anɛ anɔ shu zizi, ɔyɛkɔ plɛnɔ buzizi nyɛzizi.

Koloseanɛ 3:15

Nɔ kɔ Kristo ishuyuyɔ ŋa kabha nɛ wɔnɔ idzyi mɛ, nɛ kibelɛlɛ alasɛ gɛ nɔ nu ɔha nɛ ishuidzya tirikpo, be klu nɔ kɔ ishuyuyɔ. Klɛ nɔ dzi ahwɛhuhu elete.

Koloseanɛ 3:8

Pɔ ɔtsɔ̃nɛ alasɛ nɔ bu ebuianɛ petee nɛ ishu mɛ anasɛ anɛɛ: obulo, ishu mɛ pupɔɛ, kibuikpã pɛpɛɛ kɔ anɔ, ebusobui ɖuɖɔ, nɛ ebui tutru ɖɛɖɔ denɔ wɔ onugbui mɛ.

1 Tɛsolonianɛ 2:13

Klɛ bu tsri lɛa bha tsyɛ hu Kpaya ahwɛ alasɛ, onu gɛ nɔ yɛkɛ Kpaya kibui, gɛ no nu denɔ bulɔ kɔ, nɔ yɛkɛ lɛ ganɛ ansɛ banɔdzyrame kibui ɖuɖɔ, pɔ ansɛ gɛ kɛ lɛ, pɛ ki nu Kpaya bui, nɛ gɛ kɛwa kɛxwɛ nɛ wɔnɔa gɛ ɔyɛkɛ ɔŋa nɛ mɛ.

Yakobo 1:16

Ba tɛ wɛɛ nɔ, madzyalɛ dzyɔgo mɔ.

Yakobo 1:2

Madzyalɛ mɔ, no di lɛ ɔsɛ same dzyɔgo, onu gɛ no tsoku tɛfifekedi edidedi gelee mɛ,

Yakobo 1:26

Onu gɛ anɔ teli edi shu asɛ asɔlɛ tsyɛ pɛɛ adɛ kpaka yɛ kɛnɛkɛ nɛ gɛganɛ nɛɛ, awɛɛ shu klɛ kedziŋɛŋa kanyaka ma yɛ busɔlɛ nɛ shu.

Yakobo 2:1

Madzyalɛ mɔ, ansɛ banɔ gɛ bayɛkɛaŋa nɛ bulɔ Apalete Yesu Kristo gɛ yɛ shu bhui nɛ mɛ, no ti di anɔamɛ.

Yakobo 2:5

Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

Yakobo 3:10

Onugbu torikpo ɔlɛ nɛm anɔ kabha kpɛkpɛ anɛ kibui ɖuɖɔ kpɛ anɔ de. Madzyalɛ mɔ, kɛma sɛ kibui nɛ za kana.

Yakobo 4:11

Badzya mɔ, no ti zi aglɔ shu. Anɔnyanɔ gɛ aɖɔaɖɔ kpã nɛ yadzya shu ɔdɔgɔsɛ ekluebhui nɛ yɛ aɖɔaɖɔ kpã nɛ ɔshã nɛ shu klɛ ekluebhui nɛ ɔlɛ. Onu gɛ okluebhui nɛ ɔshã nɛɛ, anɛ ɔlɛabha ɔbhɛtɛ, pɔ ozhiodzi kebhuikuklum nɛ ɔlɛa bha.

Yakobo 5:12

Nɛ kɛlɛ peteea bha, madzyalɛ mɔ, nɔ tɛ tanɔ kɛdɔ—owũsise o, kesukpa o, ɔdɔgɔsɛ kɛdɔnyɛdɔ. Kɔ wɔnɔ “Ee” nɛ edzi ee, tɛ wɔnɔ “Owo” nɛ edzi owo, odi nu kana be be bu nɔ kɛpɔ.

Yakobo 5:19

Madzyalɛ mɔ, onu gɛ wɔnɔ ɔmayɛ teli aba lɛla nɛ kɛgba nɛ shu pɛ anɔ teli aba gbanɔ yɛ etsodzini amɛna nɛɛ,

1 Yohanɛsɛ 2:21

Ɛtɛ́ ŋlɔmɛ kɔ nɔ alasɛ nɔ ti nyi kɛgbɛagba, pɔ alasɛ nɔ nyi lɛ klɛ alasɛ oturo oti de kɛgbɛagba mɛ.