Yakobo 1:17 - ONUGBÙ NYƐNYÃ VUVƆ

¹⁷ Kɛdzyɔgo kanyaka anɛ kɛdɔkukɔ dzyɔgo ki de kabha, ba denɔ owũsise efu Aka nɛ ɔkɔ, gɛ yɛ ete tsyina ansɛ buyi gɛ fla.

Yakobo 1:17 ပူးပေါင်းရင်းမြစ်များ

Mateo 7:11

Onu wɔnɔ, kɛlɛ lɛm sɛ nɔ tsɔmɔ pɔ, no ti kana gɛ nɔ bɔ yɛkɔ kɛdɔ dzyɔgo ɔkɔ wɔnɔ bunuvɔɛ, kɛlɛ ɔyɛkɔ dɛ wɔnɔ Aka nɛ owũsise nɛ ataa yɛkɔ kɛdɔ dzyɔgo akɔ bagɛ bee bisi yɛ!

Luka 11:13

Kɛlɛalɛ Onugɛ wɔ nɛlɛmɛ, onu anɔ kpã, tii kɛkɔ nɛ gɛ ɔbɔ kɔ wɔeyia lɛ kɛdɔ dzyɔgo, kɛlɛ wɔ Aka nɛ owũsise aba kɔ Ɔfufɔɛ Dzyɔgo bagɛ be bisi yɛ!”

Yohanɛsɛ 1:9

Kifu gbɛagba gɛ kɛ kɔ kifu anɔnyanɔ gɛ aba kanɔ nɛ mɛ.

Yohanɛsɛ 3:27

Kɔ kibui nɛ so Yohanɛs ebuilɛ nu aɖɔ sɛ, “Anɔ aba yɛkɛ kɛdɔnɔ ko gɛ bakɔ yɛ denɔ owũsise.

Yohanɛsɛ 3:3

Nɛ kɛlɛesi bubu Yesu ebuaɖɔ sɛ, “Itsre wɔ gbɛagba sɛ, anɔnyanɔ atɛ ba mɔ Kpaya Bukusiɔŋakɔ nedi odunu sɛ be tsodzinɛ yɛ amɔ́.”

Yohanɛsɛ 8:12

Gɛ Yesu aza ɖɔaɖɔ etsre banɔ nɛ, aɖɔsɛ, “Mɛ nu kifu kɔ kanɔ. Anɔ gɛ aza mɛede atɛ ba ga otumui mɛ, pɔ kifu ɛkpã ba za yɛ ahwɛ.”

Axwɛwɛwa 11:18

Gɛ be nua na nɛ, kibuinyɛbui daa za balɛ ahwɛ ɔyɛkɔ dɛ sɛ tɛ ba kpɛ Kpaya nɛa bha, nɛ tɛ ɖuɖɔ sɛ, “Klɛ so, Kpaya atrɔ ahwɛ bagɛ be di nu Yuɖanɛ nɛ tsyɛ kitem tsyitsyina nɛa bha nɛ kanɔa nɛ mɛ.”

Axwɛwɛwa 5:31

Kpaya eti bu yɛ ede dzu yɛ kɛŋam ansɛ Ekusieyi anɛ Ayɛyɛkɛkɔanɔ gɛ aba kɔ kitem tsyitsyina anɛ buzizi tɛyɛyɛkɔ tsye Izraɛlanɛ.

Romanɛ 6:23

Alasɛ buzizi kɛbhɛ kɛlɛ nu butsi, pɔ Kpaya kɛdɔkukɔ kɛlɛ nu ɛkpã gɛ tɛ ba beke nɛ bulɔ Apalete Yesu Kristom.

1 Kɔrintioanɛ 4:7

So ane yɛ abhɛtɛ wɔ ɔgatɔ nɛ anɔ teli shu? Kide gɛ lɛ wɔ ahwɛ gɛ ɔdɛ yɛkɛ lɛ? Klɛ onugɛ ɔyɛkɛ lɛ, kɛdeso gɛ ɔfekeshu anasɛ kɛlɛlɛmɛ ɔdɛ na yɛkɛ?

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

Efesoanɛ 1:18

Ɛka klukpaya tsyɛ sɛ wɔnɔ idzyi aŋɔhu la danɛ sɛ tɛ nɔ tii kidzoenudidi kɔ kɛ gɛ lɛ so gɛ eklu nɔ, yɛ kededɔŋɛŋa nɛ shu bhubhui nɛ kpayabanɔ nɛ mɛ,

Efesoanɛ 2:8

Alasɛ ganɔ ɛyamyuyɔ mɛ be bhui nɔ ayɛkɛ, nɛ tɛyɛyɛkɛŋa mɛ—klɛ kɛnɛ kɛ di de wɔnɔ nahwɛ ɔkɔ, kɛ nu Kpaya kɛdɔ gɛ akɔ—

Filipianɛ 1:29

Alasɛ ba tɛ trɔ ahwɛ nɛ lɛabha kɔ nɔ nɛ Kristoe nyi mɛ ganɛ sɛ tɛ nɔ yɛkɛ yɛabhaŋa tite ko pɔ tɛ nɔ mɔ butɔ nɛ yɛ tɔkpu,

1 Timotio 6:16

gɛ yɛ ko yɛ enu agɛ etee tsi klɛ akpasɛ kifu gɛ ba tɛ ba na hebunɔ mɛ, gɛ anɔnyanɔ aka mɔ edi ɔdɔgɔsɛ aba mɔ. Yɛ tɛkpɛkpɛ nɛa bha nɛ bupu lɛ kɔ ɔyɛkɔ vɛnɔ. Tɛlɛbɛlɛm.

Hebriuanɛ 13:8

Yesu Kristo terikpo alɛ nɛ ko enu kivu gɛ ba fla anɛ kibenyɛbe.

Yakobo 1:5

Onu gɛ kibuinyinyi kɛɛ ma wɔnɔmɛayɛ teli ahwɛ, alasɛ tɛ ebisi Kpaya, gɛ yɛakɔɛdɔ fãa kɛpɔ mazɛlɛ shu, klɛ bá ba yɛkɔ kɛlɛ akɔ yɛ.

Yakobo 3:15

“Kibuinyinyi” lɛ nɛɛ di de owũsise ba pɔ ki nu kesukpɛa bha kibui, kidɛ de ɔfufɔɛ mɛ, ki de Abosamu ɔkɔ.

Yakobo 3:17

Pɔ kibuinyinyi nɛ gɛ de owũsise, putɔnɔ nɛɛ, kɛlɛ shu petee bhui, klɛ ishuyuyɔ— tɛdɛdɛmɛnɔ, tɛyɛyɛkɔ nɛ lɛm, ishu zhizhinɔesi, tɛyuyuku nɛ eshutukubui didi nɛ eyuyu dzyɔgo, anɔamɛ madimadi anɛ kidzo tirikpom nyɛnyɛna vunɔ.

1 Yohanɛsɛ 1:5

Kibui ɖɛɖɔɛ nɛ bu nu denɔ yɛ ɔkɔ klɛ bu butsre nɔ: Kpaya yɛ nu kifu, nɛ yɛ mɛ otumu kanyaka ɔma.

1 Yohanɛsɛ 4:10

Kɛnɛ kɛlɛ nu tɛdɛdɛmɛnɔ, ganɛ sɛ bulɔ tɛdɛdɛmɛnɔ nɛ Kpaya, pɔ sɛ adɛmɛ bulɔɛ bui klɛ asɛsɛ yɛ Eyianyɛ anasɛ ishu kukɔ kɔ bulɔ buzizi tsyitsye.

Tɛbubukasɛ 21:23

Ɔmagbla nɛ ɔma kɔ kiwi odɔgɔsɛ wele atã nɛ ɔlɛm, alasɛ Kpaya ishu bhubhui nɛ ɛɛtã kɔlɛ, klɛ Obhoshieyi nɛ onu ɔlɛ kanɛgbɛ.

Tɛbubukasɛ 22:5

Elishi atɛa za. Be tie bisi kanɛgbɛ fu ɔdɔgɔsɛ kiwi nɛ fu, alasɛ Apalete Kpaya nɛ aba kɔa lɛ kifu. Klɛ ba ba ŋɛabha ɔkɔ vɛnɔ mabeke mabekem.