Yakobo 1:12 - ONUGBÙ NYƐNYÃ VUVƆ

¹² Ba yula anɔ nɛ gɛ akpɛemi nɛ yɛ tɛfifekedi mɛ, alasɛ onu gɛ ana kɛlɛ nu za nɛɛ, aba yɛkɛ ɛkpã kikutu nɛ gɛ Kpaya aɖɔ asɛ aba kɔ bagɛ ba ɖɔ yɛ.

Yakobo 1:12 ပူးပေါင်းရင်းမြစ်များ

Mateo 10:22

Banɔ petee ba tɛ ba dɛmɛ wɔnɔɛ bui akpɛ mɛ so, pɔ aanɔ nɛ gɛ aza mɔmɔ ɔdɔ nanɔ obekekɔ be be bu yɛ.

Mateo 25:34

“Ɔkɛlɛ Ekusi nɛ ebe tsre ɛgɛ li kɛŋa nɛ mɛ asɛ, ‘Nɔ ba, wɔnɔ bagɛ mɛ Aka nɛ atɛ yula, nɔ yɛkɔ wɔnɔ ɔŋakɔ, gɛ bukusiɔŋakɔ nɛ gɛ ba bala lu kɔ nɔ denɔ kanɔ nɛ kesikpɛkpɛ.

Luka 6:22

Bayula nɔ kɛbelɛlɛ nɛ gɛ banɔ egu nɔ, onugɛ bebunɔ nɛ balɛshi klɛ ba kula nɔ klɛ beklu wunɔe nyi anasɛ bezizi, alasɛ nɛ Anɔdzyrame yɛ Eyi nɛ shu.

Romanɛ 5:4

kanyɛtsitsi kamɛna Kpaya ahwɛ tutrɔ, klɛ yɛ ahwɛ tutrɔ laa mɛna kidzoenudidi.

Romanɛ 8:28

Klɛ bu nyi sɛ nɛ ebui nɛ petee mɛ Kpaya awa kɛxwɛ akɔ bagɛ ba ɖɔ yɛ nɛ tɛpɛ̃pɛ, gɛ be kulu nɛ yɛ kɛgɛ apɛɛ nɛ nu.

1 Kɔrintioanɛ 2:9

Pɔ, anasɛ gɛ ba ŋlɔmɛ lu: “Kɛwɔ̃hu kanyaka dɛ mɔ, batɔ kanyaka dɛ nu, kɛdɛ ba anɔnyanɔ kɛtɔkpui mɛ kɛ gɛ Kpaya abhɛtɛ elu kɔ ba gɛ ba dɛmɛnɔ nɛ yɛ”—

1 Kɔrintioanɛ 8:3

Pɔ anɔ nɛ gɛ adɛmɛ Kpaya bui Kpaya enyi anɔ alɛlɛ.

1 Kɔrintioanɛ 9:25

Anɔnyanɔ gɛ awlãkɛu nɛ buwɔfu nɛ mɛ etsoku tɛkpɛkpasɛ gɛganɛ mɛ. Ba bhɛtɛ lɛ asɛ tɛ ba yɛkɛ kabhaŋɛŋa kɛkutu gɛ kɛ tɛ baza gelee, pɔ bulɔ bubhɛtɛ sɛ tɛ bu yɛkɛ kabhaŋɛŋa kɛkutu gɛ kɛbaza ɔvɛnɔ mabekɛ mɛ.

2 Timotio 2:15

Bhɛtɛ mɔmɔ tɛ ɔyɛkɔ wɔ shu ɔkɔ Kpaya ansɛ anɔ gɛ ba trɔ ahwɛ yɛabha, axwɛwa gɛ ama sɛ tɛ kɛwɛ̃ ku yɛ klɛ aanyɛna kibuigba nɛ mɔmɔ.

2 Timotio 4:8

Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.

Hebriuanɛ 10:32

Nɔ baka ewui nɛ gɛ la ba fla gɛ nɔ yɛkɛ Kpaya yɛ bui nɛ beke, gɛ nɔ za wɔnɔ ɔzakɔ nɛ tɛwɛ̃wlãnkɛ gɛganɛ anɛ ebuiamɛ mumɔ mɛ.

Hebriuanɛ 11:17

Tɛyɛyɛkɛŋa so Abraham, kɛbelɛlɛ gɛ Kpaya efekɛ yɛ edi, ayɛkɔ Isaka kɔ anasɛ kɛdɔ pupɔɛ. Yɛ gɛ ayɛkɛ tɛtutrɔlu apɛɛ asɛ apuɛ yɛ terikpo klɛ enu eyi terikpo,

Hebriuanɛ 12:5

Nɔ dzɛkɛ bupuɛ bui gɛ Kpaya aɖɔ kɔ nɔ anasɛ yɛ yianyɛ ana: “Mɛ yi, onugɛ Apalete nɛ atɛta wɔatɔ tɛ yɛkɔɛ lɛ sɛ kibui ko, klɛ tɛkɔ wɔ dzyi awɔlɛ onugɛ aka wɔamɛ,

Hebriuanɛ 6:15

Klɛso gɛ aze po nɛ tɛdɛdɔfɔɔ̃, Abraham ayɛkɛ bunuwã kpɛkpɛ dɔ.

Yakobo 2:5

Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

Yakobo 5:11

Ansɛ gɛ no nyi, bu di banɔ nɛ gɛ be tsianyɛ sɛ ba tɛ yuyula lɛ. No ti nu Yobɛ kanyɛtsitsi klɛ nɔ tɛ mɔ kɛdɔnɔ nɛ gɛ Apalete nɛ abhɛtɛ nɛ kɛlɛ shu gɔgɔɛ. Apalete nɛ eyuku nɛ eyampɛpɛ̃ anɛ eshutukubui didi.

1 Petro 3:14

Pɔ tsyɛ onugɛ nɔ bɔ mɔ butɔ kɔ kɛgɛ nu kɛdzyɔgo, ba yula nɔ. “Nɔ tɛ sifu kɔ kɛgɛ be si, kifu tɛ ku nɔ.”

1 Petro 4:13

Pɔ nɔ mɔ same sɛ nɔ bhɛtɛ tili nɛ Kristo butɔ mumɔ nɛ mɛ, sɛ tɛ nɔ bɔ mɔ same ɔflanɔ kibenɔ nɛ gɛ be bu yɛ ishubhubhui nɛ akasɛ.

1 Petro 4:14

Onugɛ ba kula nɔ nɛ Kristo kinyi nɛ shu, ba yula nɔ, alasɛ Ɔfufɔɛ shu bhubhui anɛ̀ Kpaya kitsri wɔnɔ abha.

1 Petro 5:10

Klɛ ɛyamyuyɔ petee Kpaya, gɛ eklu nɔ avɛnɔ yɛ mabekemabeke ishubhubhui nɛ́ Kristoe mɛ, nɛ kɛlɛede gɛ nɔ mɔ butɔ nɛ kibe bhliyi mɛ, yɛnahwɛ ebe tsodzi wũnɔ dzu kititi klɛ aba kɔ nɔ gɛganɛ, mɔmɔ klɛ nɔ bɔ dzu ishuesi.

1 Petro 5:4

Klɛ kibenɔ gɛ Agbɛgbanɔ Ekusi ebe koɛyi, nɔ bɔ yɛ kɛ kabhaŋɛŋa kikutu gɛ kɛtɛ ba klo.

1 Yohanɛsɛ 4:19

Budɛmɛ anɔɛ bui alasɛ Kpaya eputɔ adɛmɛ bulɔɛ bui.

Tɛbubukasɛ 2:10

Ti si kifu nɛ butɔ nɛ gɛ ɔbɔ mɔ. Itsre wɔ, ɔfufɔɛkpã nɛ ɔbɔ yɛkɔ wɔnɔ beteli ɔkpɛ buvu sɛ tɛ lo feke nɔ odi, klɛ nɔ bɔ tɔ nɛ tɛkpɛkpatɔnɔ mɛ nɛ ewi lɔfɔ mɛ. Nɔ za tɛyɛyɛkɛŋa mɛ, ɔyɛkɔ ɔdɔ nanɔ butsi fãa, klɛ mɛ ba kɔ wɔ ɛkpã kabhaŋɛŋa kikutu.

Tɛbubukasɛ 3:19

Bagɛ balɛ bui mɛ dɛmɛ ɛkpa lɛ klɛ ɛbubɔalɛ. So yɛkɔ trɔ shu, tɛ otsyina kitem.

Tɛbubukasɛ 3:21

Aanɔ nɛ gɛ aŋɛabha, ɛba kɔ yɛ kidzo sɛ tɛ aza mɛ kegbu nɛa bha plɛnɔ mɛ, ansɛ kana gɛ ɛŋɛabha klɛ mɛ zhiza Maka kegbu nɛa bha plɛnɔ yɛ.