Titusɛ 3:14 - ONUGBÙ NYƐNYÃ VUVƆ

¹⁴ Alasɛ tɛ bulɔkɔayɛ nɛ bakpasɛ kana gɛ ba ba yɛkɔ ishu akɔ nɛ kɛdzyɔgo tɛbhɛbhɛtɛ mɛ, sɛ tɛ ba bhɛtɛ kiwinyɛwi kɛdɔ bhɛbhɛtɛ tɛ ba tɛ za nɛ ɛkpã nɛ gɛ kɛdɔnyɛdɔ tɛ ba de kɛlɛ mɛ koeyi.

Titusɛ 3:14 ပူးပေါင်းရင်းမြစ်များ

Mateo 21:19

Gɛ amɔ kabhɔosi nɛ kidzo nɛ tɔ, ebunɔ ɔlɛ pɔ adɛ mɔ eyuyu kanyaka nɛ ɔlɛm ɔkɔ dɛ awulakpa kpɛkpa. Ɔkɛlɛ etsre osi nɛ asɛ, “Wɔ otio yu eyuyu nɛ kanɔ mɛ kiwinyɛwi!” Nɛ ɔkɛlɛ osi nɛ ɔgblɔ wɔlɛawa.

Mateo 7:19

Osi kanyaka gɛ otoo yu eyuyu dzyɔgo be te ɔlɛ ebho klɛ baa yɛkɔ atɛ̃ akpɛ kifum.

Yohanɛsɛ 15:16

Anɛ́ wunɔ klu mɛ, pɔ mɛ klu nɔ klɛ ebu nɔ sɛ nɔ vɛ klɛ tɛ nɔ yu eyuyu—eyuyu gɛ la ba za vɛnɔ. Kɛlɛ Aka aba kɔ nɔ kɛdɔnyɛdɔ gɛ nɔ bisi nɛ mɛ nyi mɛ.

Yohanɛsɛ 15:8

Kɛnɛ kɛnu kɔ mɛ Aka nɛ kabhakpɛkpɛ, gɛ nɔ yu eyuyu gelee dɛ, gɛ nɔ kasɛ wunɔɛ shu sɛ nɔ nu mɛ badɔkpasɛ.

Axwɛwɛwa 18:3

klɛ gɛ alasɛ edzi anɔ gɛ edzu bugba ansɛ balɛ ana so, aza balɛ ɔbha awa kɛxwɛ aplɛnɔa lɛ.

Axwɛwɛwa 20:35

Nɛ kɛdɔnyɛdɔ gɛ ɛbhɛtɛ mɛɛ, ɛkasɛ nɔ sɛ ganɔ kɛxwɛ wɛwa gɛganɛɛ nɛ mɛɛ di nɛ lɔ ba na bagɛ ama alɛ ana nu plɛnɔ, anɛ Apalete Yesu nahwɛ nɛ ebui nɛ gɛ aɖɔ nɛ tɛbɛbaka sɛ: ‘Tɛyuyula kpasɛ tɛkukɔm dɛ tɛyɛyɛkɛ.’ ”

Romanɛ 12:13

Shɛ̃nahwɛ kɛdɔ shu ɔkɔ Kpaya banɔ nɛ gɛ ba pɛ dɔ. Yɛkɔ ɛyamyuyɔ ɔkpɛ tɛbhɛbhɛtɛm.

Romanɛ 15:28

Klɛso nɛ kɛlɛede gɛ ɛwa kɛxwɛ nɛ beke pɛ ɛmɔ sɛ ba tɛ yɛkɛ eyuyua nɛɛ, ɛba vɛ Speni klɛ mɛ ba ku wɔnɔ bha nɛ kidzo nɛa bha.

Efesoanɛ 4:28

Anɔ nɛ gɛ ezuru ete zuru, pɔ awa kɛxwɛ, ayɛkɔ yɛ ɛhwɛ aza bhɛtɛ kɛdɔ dzyɔgo tili nɔ, tɛ amɔ kɛdɔ tili tɛ aba ya kɔ anɔ nɛ gɛ apɛɛ dɔ.

Filipianɛ 1:11

gɛ ki yuku nɛ tɛzɛza dzyɔgo eyuyu gɛ aba ganɔ Yesu Kristo abha— kɔ ishubhubhui anɛ Kpaya kabhakpɛkpɛ.

Filipianɛ 4:16

alasɛ gɛ ɛza Tɛsalona, nɔ sɛsɛ mɛ dɔ, asɛsɛ tabha kɛbelɛlɛ gɛ ɛpɛɛ dɔ.

Filipianɛ 4:17

Ganɛ sɛ ɛpɛɛ kɛdɔkukɔ, pɔ idi kɛdɔnɔ nɛ gɛ ba ba yɛkɔ ata kɔ wɔ.

Koloseanɛ 1:10

Klɛ bu klukpaya sɛ tɛ nɔ za nɛ ɛkpã nɛ Apalete tɛpɛpɛɛ klɛ tɛ kiku yɛ awɔ̃ nɛ́ kidzonyɛdzo abha, tɛ kɛmɛna tɛyuyu anɛ kɛxwɛwɛwa dzyɔgo, tɛ bu zɛ she nɛ́ Kpaya kibui titi mɛ,

1 Tɛsolonianɛ 2:9

Badzya mɔ, ɛyɛkɛŋa sɛ nɔɔ baka, bulɔ baatɔ nɛ ebuigɛganɛ nɛ mɛ; bu wa kɛxwɛ elishi anɛ kemuze sɛ tɛ bu tɛ dzi kituku kɔ nɔ nɛ kibe lɛ gɛ bu ɖɔ Kpaya kibuidzyɔgo nɛ tsre nɔ.

2 Tɛsolonianɛ 3:8

ɔdɔgɔsɛ bu ŋa anɔ teli dɔ gɛ bu dɛ buya kɛlɛ bhɛ. Nɛ ɔtɔgɛga mɛɛ, bu wa kɛxwɛ elishi anɛ kemuze, bu za kɛxwɛwɛwa bha klɛ butɔ sɛ tɛ bu tɛ dzi kituku kɔ wɔnɔ mɛayɛ kanyaka.

Titusɛ 2:8

klɛ wɔ kaɖɔɖuɖɔ kana, gɛ ba tɛ ba na kalɛ bu tɛ̃, sɛ tɛ bagɛ balɔ kititi nɛ wɔshu kɛwɛ̃ kua lɛ alasɛ kibui tsutsɔmɔ kanyaka ma balɛahwɛ gɛ ba baɖɔ nɛ bulɔ shu.

Titusɛ 3:8

Kibui nɛ nu kibuiɖuɖɔ gɛ ba ba yɛkɛ kɛlɛa bha aŋa. Klɛ ɛpɛɛ sɛ tɛ nɔ trɔ kɛklãgbu nɛ ebuia nɛa bha, sɛ tɛ bagɛ atɛ yɛkɛ Kpayabha aŋa nɛ be luawɔ̃ tɛ ba yɛkɔ ishu etsye nɛ kibui dzyɔgo tɛbhɛbhɛtɛ mɛ. Ebuia nɛ apɛ̃ezi klɛ le be dzi kɛdɔ kɔ anɔnyanɔ.

2 Petro 1:8

Alasɛ onugɛ ebuianɛ lalɛ wũnɔ ahwɛ nɛ alɛ tɛkpikpe mɛ, la ba nyɛna nɔ evunɔ sɛ no ti bo dzi banɔ gɛ nɔ tɛ bɔ za kibuinyɛbuim klɛ nɔ tɛ bɔ na kɛdɔnyɛdɔ bhɛtɛ nɛ wɔnɔ Apalete Yesu Kristo nɛ tɛtiti mɛ.