Titusɛ 2:13 - ONUGBÙ NYƐNYÃ VUVƆ

¹³ nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

Titusɛ 2:13 ပူးပေါင်းရင်းမြစ်များ

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Mateo 25:31

“Onu gɛ Anɔdzyrame yɛ Eyi nɛ aaba nɛ yɛ ishu bhuibhui mɛ, pɛ yɛ baxwɛdɛ nɛ peteea lɛ aplɛnɔ yɛ, ebe zhiza yɛ bukusiegbu nɛa bha nɛ owũsise nɛ ishu bhuibhui mɛ.

Mateo 26:64

Yesu ebu aɖɔ asɛ, “Ee, kɛlɛ ansɛ gɛ ɔɖɔ, pɔ itsre nɔ petee sɛ: Nɛ otugba mɛ nɔ bɔ mɔ Anɔdzyrame yɛ Eyi nɛ gɛ ezhidzi Agbɛgbladɛ nɛ kɛŋa mɛ gɛ aga ɔmunɔm aaba denɔ owũsise.”

Marko 14:62

Yesu ebui lɛ bunu asɛ, “Mɛnu Kristo.” “Klɛ nɔ bɔ mɔ Anɔdzyrame yɛ Eyi nɛ gɛ ezhiedzi Agbɛgbladɛ nɛ kɛŋam gɛ aaba denɔ ɔmunɔ nɛ mɛ nɛ owũsise.”

Marko 8:38

Onu gɛ mɛ anɛ kibui nɛ ba ku anɔ teli kɛwɛ̃, nɛ aglɔbui anɛ buzizi kanɔa nɛ mɛ, klɛ anɔɔ nɛ tsyɛ ebe ku Anɔdzyrame yɛ Eyi nɛ kɛwɛ̃ onu gɛ ebe ku nɛ yɛ Aka nɛ kabhakpɛkpɛ mɛ ɔplɛnɔ kpayaxwɛdɛ nɛ gɛ balɛ shu bhui.”

Axwɛwɛwa 24:15

klɛ kabha yɛyɛkɛŋa lɛ mɛ ahwɛ nɛ Kpayam anasɛ banɔa nɛ, sɛ tɛlulɔ ba za kɔ banɔ dzyɔgo anɛ atɔkpum gɛganɛ elete.

Romanɛ 15:13

Kɔ kidzoenu didi Kpaya nɛ eyuku nɔm nɛ same anɛ ishuyuyɔ ansɛ gɛ nɔ yɛkɛ yɛa bha ɔŋa, sɛ tɛ no bo yuku ɔgbɛgba nɛ kidzoenu didi ganɔ Ɔfufɔɛ Dzyɔgo anɛ kemi mɛ.

Romanɛ 5:5

Klɛ kidzoenu didi tɛ wɛɛ lɔ, alsɛ Kpaya atɛ balɛ yɛ tɛɖuɖɔ nɛ akpɛ bulɔ idzyi nɛm ganɔ Ɔfufɔɛ Dzyɔgo nɛa bha, gɛ atɛ yɛkɔ akɔ lɔ.

Romanɛ 8:18

Idi lɛ sɛ bulɔ ɔtsɔ̃ nɛ batɔ́ nɛ ama gɛ ba ba yɛkɔ sɔnɔ ishubhuibhui nɛ gɛ be be bu akasɛ nɛ bulɔ mɛ.

1 Kɔrintioanɛ 1:7

Kɛlɛso ɔfufɔɛmɛ dɔkukɔ kanyakama gɛ kɛma wɔnɔ ahwɛ anasɛ gɛ nɔ po gɛganɛ bulɔ Apalete Yesu Kristo sɛ tɛ be buakasɛ.

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

Koloseanɛ 1:27

Kɔ ba gɛ Kpaya eklu tɛ akɔ balɛmɛ Bagɛdinu Yuɖanɛ tii kabhaŋɛŋa ehueyi yɛ ebuikpukpu gɛ kɛ nu Kristo nɛ wɔnɔɛ mɛ, kidzoenu didi kabhaŋɛŋa.

Koloseanɛ 1:5

tɛyɛyɛkɛŋa anɛ̀ tɛdɛdɛmɛnɔ gɛ ki koeyi denɔ kidzoenudidi gɛ ba bala lu kɔ nɔ nɛ owũsise klɛ kɛ lɛ sɛ wɔnɔ no ti nu kibuigba nɛ dɔ, gɛ nu kibui dzyɔgo

Koloseanɛ 3:4

Gɛ Kristo, agɛ enu ɛkpã abe koeyi, kɛlɛ wɔnɔ tsyɛ no bo koeyi nɛ̀ yɛ nɛ tɛbhubhui mɛ.

2 Tɛsolonianɛ 2:16

Kɔ bulɔ Apalete Yesu Kristo nahwɛ anɛ bulɔ Aka Kpaya, gɛ aɖɔ lɔ klɛ ganɔ yɛ eshutukubui didi mɛ pɛ akɔ lɔ ɔfufɔɛ mɛ kemikpɛkpɛ anɛ kidzoenudidi dzyɔgo,

2 Tɛsolonianɛ 2:8

Klɛ ɔkɛlɛ flogo pɛ be be bu agɛ ama ɔshã mɛ nɛ akasɛ, agɛ yɛ Apalete Yesu nɛ aba tsɛ atɛ̃ nɛ yɛ onugbu mɛ ɔfufɔɛ klɛ yɛ tɛbɛba anɛ yɛ tɛpupudi nɛ ba zi yɛ.

1 Timotio 1:1

Paolo, Kristo Yesu anɔkpɛkpɛ ganɔ bulɔ Kpaya ɔshã nɛa bha agɛ ebu lɔ nɛ kibuiɖuɖɔ nu anɛ Kristo Yesu gɛ enu bulɔɛ dzoenudidi,

2 Timotio 1:2

Kɔ Timotio, meyianyɛ mumɔa: Ɛyamyuyɔ, eshutukubuididi anɛ ishuyuyɔ gɛ de Aka Kpaya anɛ Kristo Yesu bulɔ Apalete ɔkɔ.

2 Timotio 4:1

Nɛ Kpaya anɛ Kristo Yesu amɛ, bagɛ ebe kulu kebhui nɛ belulu anɛ betsitsi, klɛ nɛ yɛ tɛwɛwɛ̃ anɛ yɛ bukusiɔŋakɔ nɛ mɛ, ɛyɛkɔ ebuia nɛ kpɛ wɔahwɛ sɛ:

2 Timotio 4:8

Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.

Titusɛ 1:2

tɛyɛyɛkɛŋa anɛ kibuititi nɛ gɛ kɛ kpaplɛnɔ kidzoenudidi kɔ ɛkpã gɛ tɛ ba beke, gɛ Kpaya, gɛ eti hu otro, nɛ aɖɔɛ lɛ elu denɔ kibe nɛ kesikpɛkpɛ mɛ,

Titusɛ 1:4

Kɔ Titusɛ, mɛ eyianyɛ nɛ kɛgbɛagba mɛ nɛ bulɔ tɛyɛyɛkɛŋa tite mɛ, Ɛyamyuyɔ anɛ ishuyuyɔ denɔ Aka Kpaya anɛ Kristo Yesu bulɔ Ayɛyɛkɛkɔ nɛ ɔkɔ.

Titusɛ 3:4

Pɔ kibe lɛ gɛ Kpaya Agɛ ayɛkɛkɔlɔ nɛ ɛyamyuyɔ anɛ anɔ ɖuɖɔ nɛ awɛ̃,

Hebriuanɛ 9:28

so Kristo akɔ yɛ be yi yɛ bu yi trukpo sɛ tɛ ebu banɔ gelee ebuizizi nalɛ shu, klɛ azia ba bubhla, ganɛ sɛ tɛ aba bhɛtɛ kibuinyɛbui denɔ ebuizizi shu, pɔ amɛna ishu bhubhuiyɛkɛ kɔ bagɛ be po yɛ.

1 Petro 1:3

Kabhakpɛkpɛ kɔ Kpaya anɛ Aka bulɔ Apalete Yesu Kristo! Nɛ yɛ eshutukubuididi gbɛgbla mɛ akɔ lɔ tɛmumɔ vuvɔ akpɛ nɛ ɛkpã kɛdzoenudidi mɛ ganɔ Yesu Kristo tɛnyɛnyɛmɛ denɔ bekpui mɛ,

1 Petro 1:7

Anɛ na ba sɛ tɛ wũnɔ tɛyɛyɛkɛŋa—kɛŋaɛdzi gbɛgbladɛ kɔba dzɛdzã, gɛ etsi nɛlɛmɛ sɛ ba yɛ kɔ kifu eŋuse lɛ nɔ—gɛ kɛbakasɛ sɛ kɛnu kɛdzyɔgo klɛ kɛbakɔ tɛkpɛkpɛabha, samɛ kpɛkpɛ anɛ tɛfifeke kabhakpɛkpɛ kɛbelɛlɛ gɛ Yesu Kristo aba ba.

2 Petro 1:1

Mɛ Simɔn Petro, Yesu Kristo axwɛdɛ anɛ̀ anɔkpɛkpɛ, Ɛŋlɔmɛ keplukpa anɛ akɔ bagɛ ɔganɔ kɛdzyɔgo bhɛbhɛtɛ bulɔ Kpaya anɛ Yesu Kristo gɛ ebhulɔayɛkɛ atɛ mɔ tɛyɛyɛkɛŋa ŋɛŋaedzi anasɛ bulɔ yɛ.

2 Petro 3:18

Pɔ nɔ she nɛ kɛdɔkukɔ nɛ̀ kibuititi mɛ nɛ bulɔ Apalete anɛ̀ Ayɛyɛkɛkɔ Yesu Kristo. Kɔ yɛ kɛlɛ nu tɛbhubhui denɔ ɔtsɔnɛ nɛ̀ mabeke! Tɛlɛbɛlɛm.

1 Yohanɛsɛ 4:14

Klɛ bu tɛ mɔ klɛ bu buɖɔ sɛ Aka asɛsɛ yɛ Eyianyɛ tɛ edzi Ayɛyɛkɛkɔ kanɔ.

Yuɖa 1:21

Nɔ nyɛna wɔnɔ shu ɔkpɛ Kpaya anɔ ɖuɖɔm nɛ kibe lɛ mɛ gɛ no dzi ozo po ApaleteYesu Kristo eshutukubui didi sɛ tɛ amɛna nɔ kɔ ɛkpã gɛ tɛ ba beke di.

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.