Tɛbubukasɛ 9:17 - ONUGBÙ NYƐNYÃ VUVƆ

¹⁷ Ba sɔ anɛ bagɛ ba za balɛa bha nɛ gɛ ɛmɔ nɛ bulɛla nɛ mɛ nɛ edzi anii: Balɛ etemaklɔ nɛ adzã tsyɛtsyɛtsyɛ, be dzi viĩ, klɛ be dzi hẽẽ ansɛ kifuiklãgbu. Ba sɔ nɛ atɔkpu nɛ eyi badzyata atɔkpu, klɛ nɛ balɛ inugbu nɛ mɛ kifu, ɔnyɔ anɛ kifuiklãgbu de koeyi.

Tɛbubukasɛ 9:17 ပူးပေါင်းရင်းမြစ်များ

Tɛbubukasɛ 11:5

Onu gɛ anɔteli apɛa sɛ abhɛtɛ balɛ kibuizizi tili, kifu ba de balɛ inugbu mɛ koeyi klɛ kɛ ba tã bagɛ ba dɛ pɛa lɛ. Kana anɔnyanɔ gɛ aba pɛa sɛ tɛ abhɛtɛ balɛ kibui tili nɛ alasɛ tɛ etsi.

Tɛbubukasɛ 14:10

yɛ tsyɛ, aba wɛ̃ Kpaya oblo mɛ bulu, gɛ ba balɛ gɛganɛɛ akpɛ butɔ kantse nɛ mɛ. Ba ba kpɛ yɛ butɔ nɛ kɛklãgbuifu tɛtã mɛ nɛ kpayaxwɛdɛ nɛ gɛ balɛ shu bhui anɛ Obhoshieyi nɛ amɛ.

Tɛbubukasɛ 19:20

Pɔ be vu agavuga, ɔplɛnɔ otro atɔnu nɛ gɛ abhɛtɛ ebuimumɔ nɛ gɛ abhɛtɛ bi nɛ yɛ nu. Ɔyɛkɔ plɛnɔ ebui mumɔa nɛɛ alɛ ayɛkɔ awɛ bagɛ ba yɛkɛ agavuga nɛ ebi pɛ ba kpɛ kɛtɔkpuesi kɔ yɛ abhubhɔ. Ba yɛkɔ batɛabha nɛ atɛ̃ elulu akpɛ kɛklãgbui fui vɔ nɛ mɛ.

Tɛbubukasɛ 20:10

Klɛ ɔfufɔɛkpã, nɛ gɛ ɔwɛa lɛ, ba yɛkɔ ɔlɛ atɛ̃akpɛ kɛklãgbui fui vɔ gɛ tã nɛ mɛ, ɔkɛlɛ gɛ ba yɛkɔ ayakpamaga anɛ itro batɔnu nɛ atɛ̃a kpɛ. Ba ba nyagbã nɛ balɛ elishi anɛ kemuze ɔvɛnɔ mabeke mabeke mɛ.

Tɛbubukasɛ 21:20

kitrimi sardoniks, kihlomi kanelian, gigenemi krisolaɛtɛ, kɛsɔmɛ bɛril, kizhitamɛ topazɛ, kɛfɔmɛ krisopresɛ, kɛfɔntolimɛ yasint, klɛ kɛfɔntɛabhamɛ nɛ nu ametistɛ.

Tɛbubukasɛ 21:8

Pɔ efufluni, gɛ ataa yɛkɛaŋa, bagɛ abhɛtɛ atsɔbui, bagɛ eyianɔ, bagɛ abhɛtɛ azhuzhɔlɛbui, bagɛ abhɛtɛ ihuiebui, bagɛ akpɛ kɛtɔkpuesi kɔ kɛdɔbhubhɔ anɛ betroni—balɛ ɛzakɔ nɛ ba za kɛvɔ gɛ tã nɛ kɛlɛ aklãgbu. Kɛɛnɛ kɛlɛ nu butsi bhla.”

Tɛbubukasɛ 9:18

Banɔ kapɛ zɛzɛ nɛ bupɛ tuta mɛ be tsi ganɔ banya tɛata nɛ gɛ enu kifu, ɔnyɔ anɛ kifuiklãgbu nɛ gɛ dekoeyi nɛ balɛ inugbu nɛ mɛ.

Tɛbubukasɛ 9:9

Alɛ etemaklɔ nɛ edzi ansɛ ɛɖa etemaklɔ, klɛ alɛ buglebe nɛ atɔkɔ ansɛ basɔ anɛ basɔɛpupu ɛlɛ kpɛsi vɛe yu.