Tɛbubukasɛ 7:15 - ONUGBÙ NYƐNYÃ VUVƆ

¹⁵ Kɛlɛ so nɛɛ, “be li Kpaya bukusiegbu nɛ amɛ klɛ baa dɛ kɛxwɛ kɔ yɛ kemuze anɛ elishi nɛ yɛ busɔlɛvu mɛ, klɛ agɛ edzi bukusiegbu nɛa bha nɛ aba nɛna yɛ kɛpɔtɛagba nɛ ada lɛ.

Tɛbubukasɛ 7:15 ပူးပေါင်းရင်းမြစ်များ

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

1 Kɔrintioanɛ 3:16

Nɔ ti nyi sɛ wunɔ nahwɛ no nu Kpaya buvu klɛ Kpaya Ɔfufɔɛ lɔ lɛ wunɔɛ mɛ?

2 Kɔrintioanɛ 6:16

Tɛnyɛnya ɖueɖu kɛlɛ lɛ Kpaya busɔlɛvu anɛ̀ obudi shu? Alasɛ bulɔ nu Kpaya lulu busɔlɛvu. Anasɛ gɛ Kpaya aɖɔ, “Ɛba za nɛ alɛ klɛ ɛba ga nɛ balɛ shi, klɛ ɛba dzi balɛ Kpaya, klɛ ba be dzi mɛ banɔ.”

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Hebriuanɛ 8:1

Kibui nɛ kɛkpã gɛ buɖɔ nɛ kɛlɛ nu kɛnɛ: kpayazakɔanɔ ɖɛɖama nɛɛ di alɛ bulɔ ahwɛ, gɛ aza kegbu nɛabha nɛ Otugbavɛvɛ Aka nɛ ɔbha nɛ owũsise,

Tɛbubukasɛ 11:19

Ɔkɛlɛ Kpaya busɔlɛvu nɛ owũsise nɛ danɛ, klɛ nɛ yɛ busɔlɛvu nɛ mɛ ba mɔ yɛ onugbunyɛnya osiakputɔ. Klɛ kifu ɛmɔɛ ba, ilimgugu, subhalɛlɛ aklãgbu, kesukpa huhwa anɛ amuklãgbuilɛ gbɛgbla.

Tɛbubukasɛ 13:6

Adanɛ yɛ onugbu nɛ sɛ tɛ ayɛkɔ aɖɔ ebusobui nɛ Kpaya shu, nɛ tɛ ayɛkɔ ezi yɛ kinyi nɛ yɛ ɔzakɔ anɛ bagɛ alɛ owũsise.

Tɛbubukasɛ 20:10

Klɛ ɔfufɔɛkpã, nɛ gɛ ɔwɛa lɛ, ba yɛkɔ ɔlɛ atɛ̃akpɛ kɛklãgbui fui vɔ gɛ tã nɛ mɛ, ɔkɛlɛ gɛ ba yɛkɔ ayakpamaga anɛ itro batɔnu nɛ atɛ̃a kpɛ. Ba ba nyagbã nɛ balɛ elishi anɛ kemuze ɔvɛnɔ mabeke mabeke mɛ.

Tɛbubukasɛ 21:22

Ɛdɛ mɔ busɔlɛvu kanyaka nɛ ɔmagbla nɛm, alasɛ Apalete Kpaya Agɛadɛ anɛ Obhoshieyi balɛ enu ɔlɛ busɔlɛvu.

Tɛbubukasɛ 22:3

Kibuiɖuɖɔ kpɛ anɔ kanyaka tɛa za. Kpaya anɛ Obhoshieyi nɛe kusigbu nɛ ba za ɔmagbla nɛm, klɛ yɛ baxwɛdɛ na ba dɛ kɛxwɛ akɔ yɛ.

Tɛbubukasɛ 22:5

Elishi atɛa za. Be tie bisi kanɛgbɛ fu ɔdɔgɔsɛ kiwi nɛ fu, alasɛ Apalete Kpaya nɛ aba kɔa lɛ kifu. Klɛ ba ba ŋɛabha ɔkɔ vɛnɔ mabeke mabekem.

Tɛbubukasɛ 4:4

Bukusigbu afɛtabha nɛ tɔlɛ̃ bhlatɔ kana tierikpoa lɛ nɛ atsya, klɛ nɛ bulɛa bha banɔ shishe afɛtabha nɛ tɛalɛ̃ be zhedzi. Ba kpasɛ bawi fufum klɛ sɛkadzɛdzã bukusiekutu etsri balɛ ada mɛ.

Tɛbubukasɛ 4:8

Kɛdɔbhɛbhɛtɛ lulu tɛlɛ̃ kanyaka beglebe tiehlo alɛ kɛlɛ klɛ ba yɛkɔ anhũ ada akana kɛlɛ atsya petee, yɛ buglebe nɛesi tsyɛ la lɛ. Kemuze anɛ elishi la dɛ zukɔlɔ ɖɔ sɛ: “Ishubhubhui, ishubhubhui, ishubhubhui ɛlɛ nu Apalete Kpaya nɛ gɛ Adɛ, gɛ aza, klɛ aka lɛ, klɛ yɛ aba tɛ ba.”

Tɛbubukasɛ 4:9

Kibe lɛ gɛ kɛdɔbhɛbhɛtɛ lulu nɛɛ kɔ ishubhubhui, kabhakpɛkpɛ anɛ ahwɛhuhu kɔ agɛ yɛ ezhidzi bukusiegbu nɛa bha klɛ alɛ ɔyɛkɔ ɔvɛnɔ mabeke mabeke,

Tɛbubukasɛ 7:9

Kɛɛ nɛ nɛede idi klɛ nɛ mɛ amɛ banɔɛha gbla tili za gɛ anɔnyanɔ atɛ ba na banɔ nu kla, denɔ amadiha, kɛmadi, banɔ anɛ benuhu, be li kititi nɛ bukusiegbu nɛ amɛ anɛ Obhoshieyi nɛ otugba. Ba kpɛ bawidzidze fufu klɛ be vunɔ trɛwã nɛ balɛ ahwɛ mɛ.